CHAWHCHAWRAWI

Insawi rinawm lo la, rin ngam i nihzia tilang zawk ang che,
.
Hlen chhuah theih leh loh tur thu tiam ngai suh. I rin phak bakin an rilru i ti na thei tih hre reng ang che.
.
Hmuh tur awm lo beiseina siam sak ngai suh. Beiseina beidawnthlak tak dawn zawng a beidawnthlak.
.
Nghet taka i vawn duh leh loh tur chu vuan lailawk suh. Thinlung kehsawm nih hi tuman an duh lo a, a tihdam leh nan hun rei tak a mamawh tawh țhin.
.
I rinawm avanga khua i tlai dawn a nih paw'n tlai fo zawk ang che.
Rinawm lo tak nih a, rin hlawh theih loh ai chuan;
Rinawm taka awma, rin ngam nih hi a hlu-in a thlanawm zawk fo țhin

I TAN TIH THEIH KA NEI SI LO

Hawi lo par thliaka ka liamni chuan kir lo tur leh cham lo turin ka kal a nga.

Rairah riangchan dawntawh lo tur in leh rairah tan khuavel a zautawh lo ang.

Chhiah tur nei lo leh chhiah tlak awm lo i tan a engmah ni lo tih theih nei lo hi pialral ah chuan i tan tiin a lo ding tawh ang.

Hlimten in vangkhua ah siang i lawi leh hun chuan ti hian biah thu va hlan ve rawh aw..

A ni kha kahmangaih lo mahse ka hre ve reng țhin tiin hriatreng na chauh ani ka phut che chu.

I tan tihtheih ka nei si lo.

Pialral ah chuan ka tan chauh aw vawi khat pian hi a tawk viau rual in vawikhat thih erawh ka chak lawi si.

A chhan chu pialralah i tan rinawm taka lo awm ka duh a ni.

A tawp ber a tan i tan chauh he thinlung hi a awm tih hi theihnghilh suh aw.

          

KA HMANGAIH CHE

Min hmangaih em avangin
I lakah ka rilru a no a
Min duat em vangin
I lakah ka pangchang a,
Min ngaihsak em avangin
Min biak loh hlek pawn ka buai țhin;

Ka chungah i țhat em vangin
I zilh hauna ka zawm ber țhin.
Keh thei dawm a, min dawm tlat avang hian
Ka thla a muang țhin.

Engkimah nangin min ngaihsak a, min hmangaih avangin ka lawm e.

_Ka khawharna hian_
_Nangmah min ngaihtir a ni lo a,_
_Ka ngaihna che hian_
_Khawharin min siam zawk a ni._

_Ka ngainat vangin_
_Ka hmangaih kher ngai lo a,_
_Ka hmangaih vangin_
_Ka ngaina zawk thin._
.
_Ka duhthlanna avangin_
_Ka hmangaih lo a,_
_Ka hmangaih erawh_
_Duh taka ka thlan a ni._

❤❤❤❤

DUHTHUSAM RAM AH

A chang chuan,
Hring kan chan na tualzawl ah hian, tinkim dawn in duhthusam ram ah chuan chawlh na zawng in ka vak vel ruai a,

Varțian kawl eng i hmuh tikin, i ngaihtuahna luah hmasabertu ni ila.

Chhun lawnah i thinlung lairil ah cham rengin,
Tlaikhua a lo tlaiin, turni thlang kawlah a liam hunin,
Liam ve lo i lunglai luahtu la ni fan ila.

Ni e, zing chhaktiang kawl a eng hunah, "morning, ni hman nuam le," tia, i biak hmasak ber ni ila.

Chhun ni vanzawla a her laiin, i call, sms-a,
"i buai em?
I hah em?" tia, ka awm dan ngaihtuaha i lairil luahtu ni ila.

Chhun ni a liam hunah, siar-te leh chhawrthla te'n thangvan an kai hunah, tawnmang lama țuan tura laikhum i belh hunah, "Muttui, zing thawh nuam aw," tia i biak hnuhnung ber nih ka la duh cheu a sin.

SILENT ROAR

       I lak atanga inthiar fihlim a ka ngawih tak reng avang hian...ka ngai tawh lo che in..ka hmangaih tawh lo che anilo a...

ka hmangaih kawng dal rengtu leh a tan ninawm nih ka duh loh vangin ngawihsan mai zawk che ka ni..

         Ka ngawih reng lai pawh hian ka thinlung chuan a be reng che a..a theihnghilh ngailo che asin..

          Ka phulo che tih hre reng chungin ka hmangaih che a...

Min chhang let ve dawnlo ani tih hre rengin ka nghak lui tho che a....

I tan engmah ka nilo tih hre mah ila..ka duh em che avangin i tan ka lo rinawm ve em em a..

          I lak ațang chuan engtik ah mah, he țawngkam; ka ngai che. Ka duh che. Ka hmangaih che....ti a i biahnem dawng ngai lo tur tih in hre reng mahila ka hmangaih ni reng turin ka la duh fan che sin.

THINLUNG LUAH TU

Kumkhua atan hmangaih biahthu intiam in. Reilote a tan chauh kan inhmangaih zawk a...

I tello chuan tiin reilote chauh a tello in alo ni zawk a. A tello pawn kan lo awm thei zawk alo ni...

      Thih thleng a rinawmna vawng dun turin kan intiam a..mahse nung reng chung hian kan van lo thi hma thin tak em...

I tan chauh tiin...Mi pakhat tan chauh anilo fo a..

Ka beiseina chu, beidawnna ani tih ka hmuh hmaih a.. Ka hriatchhuah meuh chuan..ka thinlung hi alo tap tawh si a...

KA NGHEI THEI ANG EM LE

Zunghei tawh tamtakin kan in leh fo mai. Chhuanlam nawi te te kan nei fo. Tihfuh tawk loh kan nei thin.

Zu ngheina ‘magic’ a awmlo.Țan zuireng a ngai a, awmze neia‘fight’ a ngai. Zunghei turin duhthlanna i siam ta maw? Zunghei tuar nasa zual chi phei chu damdawiin a in enkawl ngei a tha.

Zu mana inseng hreh hauh si lo, damdawi lei dawn leh damdawiina awm dawna ‘atosi’ tia kutzum leh tlat an awmthin. Kan chhiatpui zawk zu man atana ni tin pawisa tamtak kansen ral ngamchuan kan hriselnan hian a let pawh sen kan in huam zawk tur a ni.

Hrisel man hi a to teh ania.Hrisel hi a man a to tih pawh hre theilo khawpin Pathianmalsawmna kan dawng a.Kan hriselna hi roh na changpawh hre loin kan inti chhe mai mai thin reng a nih hlawm hi.

Hriselnan hian inseng hreh lo mai teh.
Zunghei tirin enkawlna a zawh hnu hian zu nghei zuizel a langai dawn ta chauh.

A tir karhnihkhat han nghei mai hi a harsa lemlo.Nghei zui zel hi a harsa thin khawp. Zu hi awmtawh miahlo se kan in tawh dawn lo ni mai tur a nia!

Mahse, A latam dawn chauh.In duh dangan la tamem a, in duh kan awm chhung chuan a awm reng dawn tlat. Thiante’n  lo lain a, tunhmaa uikawm fu thinte kha zu han nghei veleh hian an thilphal lehta riau zel a, min khilaiduh hi an awm ta tlat zel lehnghal! Zuchakna a reh maisi lo a, zu ruih nawmna kan la theihnghilh chuang bawksi lo.

Thlemna atam a, mihring chak lo tan hian insuma har thin si.Mahse buai suh! Chutiang karah pawh nghei zui duh tak tak tan chuan zu in ngamlohna damdawi ei zuitur a awme.Chu damdawi chu amaha ei mai chuan a hlauhawm lem loh.Mahse, chumi ei chunga zu in chuan taksa ah ‘tur’ a lo insiama,luak, chau, pumna,taksa sa leh hrehawm dangtam taka lothleng thin. Zuin pawlh chu ngam chi a ni lo.

Miin zu an in thei lo a,an in ngamta lo a, an nghei zuizel rih thei phawt.Thla thum atanga thlaruk chhungvel eitur a ni a.
Chutia zu in ngamloh lai chuan nunphung kha lo thlak hmantur a ni.

Zu zawrhna kawngzawh thin khan Biak In kawngzawh tawhzawk ila.Hmeithai zu zuar rim nana kan hun hman thin kha nupui fanaute bula tawlh nan kan hmang tawh zawk ang. Zing zu in tura chhuah ai khan zing tawngtai inkhawm turin kan chhuak anga, thenawm khawveng tlawhin,mitthi ral leh tul dangthawh nan zing kar hun tha chu hmanzui tawh zawk tur a ni. Tlai ni nem zu chak hun thinah khan chhungkuain hun nuama hmantheih ta a.

Ni lenga ruih ai khan kan inchhungkhur lo tlabal tawh thawmthain kan hmanhlel tawh anga, kilh that leh thawmthat ngaite buaipuiin ‘inthar leh chhungkawthar’ kan din dawn ta a ni.

Zunghei tumsatliah ringawta nunphung kan thlak chuan si loh chuan engemaw niah in leh nge nge a awl khawp. Kan duh tawh loh hi chu hnaih zuitawh loh tur.

Ngaihzawng then ang a ni;inthen tisia in ‘text’ zukzuk reng tho chuan sihhnip leh a awl thin kha!

Zu i nghei a nih chuan i kalkawng letling thawk law law rawh.Inkhawm rawh.Inthlahrung biksuh. Nimina piangthar leh hman atanga lo ring tawhte chanvo hi ‘duli’ vek tho a niang. Kraws lera piangthar pawh kha vanramah tho a ni a awmdawn. Kohhrante hi misual sim awmkhawmna a ni maia, zu ngawlvei sim duh tel vena tur awmtaka ni sa!  Zah tur bik pawh an awmlem lo.

Zu zawrhna hmun te, lo in thinna hmunte hi kal loh tawpa him. Lung an tileng leh thei. Zu la in thin thiante pawh thlah ngam a ngai. In chhungah zu bur ruak leh zu min ngaihtuah chhuahtir thei awm miahlo se a tha.

Tui leh thil dang dah nan pawh zu bur hman loh tur. Zuzunzam hi a chak em a, min tilung leng leh hma thei khawp mai. Mahse, patlingzu in duh lo hi chu eng zunzam mah hian azemthlu tur a ni lo ang.

SAHMULPHAH THLA 2017

Hei le... Sahmulphah thla, kum khat a thla tawp ber hmahruai chu, dam lai hringnun chingchivet nuai leh rah tleu theih tam tak kar ah, thil danga hmasawnna hmel hmu hauh si lo hian kum upat na lama hmasawnna tlem nen! Hmai ko tlang in vûl lam pan ai a chuai lam pan chung in, Sahmulphah thla chu Sa hmeh tur nei leh miah lo in kan hmang liam ve leh ang em!? tih hre uk si lo hian  kan lo chuangkai ve leh ta heu mai le...

A ni hmasa ber vawin ni zet chuan ngaihloh thirhrui biahnem ka hlan țhin ka lenrual te min va ngaih tir kher ve le!..Hei aw in tan, Arthai biahthu themlem tlem te, ka ât kam tam na vang hrim hrim pawh hian kan chhiah nang che u.

A reh riai rûn ram iang kan vangkhua,
Ka chhui țum kawng hlim zai sâ a kan lenna Kawn khawpui,
Ngui ri riai hlimzai vawra i chhawn țhin vangkhua lusun iang in.

An la dang lo kan chhuahtlang khuai ang bawm lai suanglungpui Kawn zaua'n;
Thunun theih loh hring kal siam rel țul țhin vang hian em ni!?
An dangta kan țuanna mual leh tlang te...

A leng vel damten
fimthli ri hiau-in,
Zal hnu ka tho
thlehnem hnawl in.
Min chhiah a maw,
Mal a hringnun hmang an,
A ngai țhin Rualpawla'n a lenrualte,
An tello chuan a țo haw tur iang  in,
Hlim hmel reng a pu thei lo.
Ka chhuah naunawn aw rawl, ka bel e dailungrawn.

Rel la chhawn zai,
Hnem la awmhar hriltu lenrual te u,
Lam ang let zai rel a,
Biahnem hril leh in,
Hlim hmel chhuah in țah lai puan ang ka bang mahna.

TEARS IN HEAVEN

He hla lungkuai leh nalh tak hi a rawn chawrchhuahna tobul chu Eric Clapton-an a Fapa a chân vang a ni a. A fapa thihna chuan Eric Clapton chu a deng na em em a. Thla kaw (9) chhung teh meuh Zai lam a chawlhsan hnu chuan rimawi lamah rawn lut lehin, a hma aia nem zawk leh hla awmze nei a rawn hmang tam tan a. Stage a a rawn chuan kai hmasak ber tum chuan "Tears In Heaven" tih hla, amah leh Will Jennings te phuah chu a rawn chhawp chhuak a, khawvel pumpuiin an hlutsak em em a, a aw nen inhmeh vang leh zai a thiam hrim hrim vang te pawh a ni mahna, kum 1993 ( a hla phuah atanga kum 2-na) khan zai mite leh rimawi ngainatu te`na an ngaihsan Grammy Awards chu a dawng hial a, hetah hian Best Pop Vocal Performance (mipa lamah) a dawng hial a ni. Tunah chuan a hla hi eng nge a nih chiah tih han luhchilh ta ila.

Would you know my name If I saw you in heaven? Would it be the same If I saw you in heaven?

Vanramah hmu ta che i la, min la hria a ngem le? He ka hming leh kimtlang zawngte nen mi la hre reng angem tiin mahni ka inzawt fo thin. Mit a ta mittui a lo luang a, ka suangtuahna zawngte hi a mang vek a ni ber, heti maia min kalsan ta mai hi pawm thiam a va'n har em!! A la hun mawlh lo a sin. Engtikah emaw chuan i awmna hmunah chuan ka rawn kal ve ngei dawn tih ka hria, chutih hunah chuan mi lo hmuak in; ka hminga mi lo koh ngei ka ring hial a sin. Vanrama'n chuan han intawng leh ta ila, a ngai ang reng la ni tak ang maw? Hmana inngeih leh inthlahlel taka kan awm ang khan kan awmdun leh thei angem?

I must be strong And carry on, 'Cause I know I don't belong Here in heaven.

Mahse, rilru paukhauh taka awmin ka kal zel angai si. Tunah nang then che mah ila, hmatiang thlir chunga ke ka pen zel a ngai a ni. Tunah zawng Lei taksa ka la pu a, he taksa pu chunga i hnen rawn thlen theih rual a ni si lo. Thiltih theihna famkim lo nei ta tehreng ni ila chuan e, nang hmu tur che hian ka rawn kal ngei ang. Mahse, Vanram hi ka thunun theih turin ka ta a ni si lo.

Would you hold my hand If I saw you in heaven? Would you help me stand If I saw you in heaven?

Lungchhiatna lak ata insum hram hram ka tum thin. Mahse e, a sawhkhawk chu na tak a ni a, Biangah mittui a lo luang a. Kei mah mai chuan ka hneh thei mawlh lo. Nangmah bawk ka ngaihtuah leh thin che a, mahni leh mahni zawhna inzawh ka bansan thei si lo. Vanramah rawn kal vein hmu ta che i la, Ka banah vuanin mi kai ang em? Kha i ban, i tet tê atanga mi kaihna thin ngei kha, ka ngaiin ka thlahlel a, duat taka kuah leh ka duh a ni. Keimah mai chuan ka chak tawk si lo. Vanrama'n hmu ta che ila, ding nghet theiin min siam ang em? Ka tluk leh chauh chang pawn mi chelh tlat ang tiraw? He thu hi ka suangtuah nasat poh leh beiseina lian tak ka nei thin.

I'll find my way Through night and day, 'Cause I know I just can't stay Here in heaven.

Nang chu zamual i liam tawh a, tuna ka lungngaihna zawngte hi hunin a la chhawk zangkhai ve mial mahna. Chhun zan zawma kalin, ka hma lam kawngte chu ka hmu thei ngei ang. Vanramah hian hmun ka la neih ve loh avangin, rawn kala awm ve thei ka ni si lova._

Time can bring you down, Time can bend your knees. Time can break your heart, Have you begging please, begging please.

Hun hian i rilru zawng zawng hnukhniam che in, lungngaiin a thingthit tir thei che a, I thinlung a ti kehsawm vek thei bawk a sin. Chung thilte chu thleng lo turin zahngaihna i dil reng em? Zahngaihna dil mawlh ang che.

Beyond the door, There's peace I'm sure, And I know there'll be no more Tears in heaven.

He hringnun leh rauthla daidangtu Kawngkhar piah lamah sawn hmun nuam tak chu a awm tih ka chiang a, hei hi ka hrechiang em a ni, Vanramah chuan mittui zawng zawng a hul tawh ang a, Tah leh lungngaihna reng a awm tawh lo vang..!

Whiskey Lullaby

She put him out, like the burnin' end of a midnight cigarette

Miin meizial duhthawh taka a zuka avaihlo awm zawng zawng fairata a fawh zawh hnuin paih mailoh chu enge tih theih awm chuang, enga tan maha chhawr leh tawhloh tura khawlaia an paih ang maiin Mipakhat, thinlung kehsawm chu khawlaiah, zankhaw tairekah,tu-ma chu ê kha hlawh lovin a tei rak rak a, chu zan khawvawt vîn tak chu nuam atih bik vang ani lova, pawn angainat vang lah a ni heklo,a thinlung ti kehsawm veka damlai thlanthima hnukluttu chuan,pawna chhuaka,zu rui chunga hlimna hmuh inbeisei turin a siam tlat alawm,

She broke his heart,he spend his whole life tryin' to forget,we watched drink his pain away,little at a time,but he nerver could get drunk enough to get her off his mind

A nupui,ahmangaih,he leia apangpar mawiber chuan lengdang thlansanin thil thleng thei pawha alo ngaihloh chu atak ngeia tawngtu alo ni ta mai si!! A thinlung ana ani satliah lova,a thler takzet zet ani, an hlimlainite ahan chhui kira, mahse atana dar hnuhnug khawng ritu mai an changzo ta si, tunge anih pawh inhrelo lêka zu ruih mailoh chu,,Ni e, tunge dem tehlul ang ni,a hun pumpui chu anupui, a hmangaih em em mai leh...Amah aia athlan mipa dang chanchin a hriatchhuah rengna tih tawp tum a hman mailoh nakah, mahse thil theih ani dawn emni? khuanu pawh hi a nunrawng mah mah em ni ang? Lu lam leh mawnglam pawh hre hranglo leh In lam pantura chakna neilo khawpa a ruihna chuan reilote atan chauh achhawk thung si. A hmutu apiang tana "mikhawngaihthlaka" chuan ahmangaih chanchin theihnghilh atumna pawh chu a hlawhchham zel mai si!! A damchhung hun ahmanpui tura alo thlan tawh,anupui duhtak, uire santu theihnghilh hlentir tur khawpin zu arui tawk thei lova,zu awm zawng zawng pawn a daih heklo, atan chuan chu phatsanna chu Cancer natna aiin a tawrh ahreawma, tihdam theihloh AIIDS aipawhin a țihbaiawm zawk si, mahse chu natna chu atuar mek chu ani si.

Untill the night,He put that bottle to his head,and pull the trigger,and finally drank away her memory

Zan alo tawp anga, chhun alo inherchhuak leh anga,mahse a thinlung,hliam na tak tawrhchhawktu tur thinglung dang erawh arawn herchhuak ve ngai dawn silo, a thluak nu but but leh athinlung nâ,rum vawngvawng chuan khawilam nge apan tak ang..? zû ah tlakin han inbawk țhin mahse, nachhawkna hniamtê, ei tlut tlut ngai ang chauh ani si, Mipa ani a.. Thutawp asiam angai ani,khawnge a Pistol chulnel tak,leh angainat tak, râl rama a awmlaia ațhian țha ber kha, chu thil ngei chuan achhawk rang ber ang, heilo hi kawng dang awmse aduh ngawih ngawih a,mahse Mipa lungmawl mai tan chuan Nupui/
Hmangaih te'na an phatsan tluka nâ tawrhna dang a awm silo, a zu um ken chu ala hum ran renga, a bulah chuan ahmangaih tana a Letter hnuhnug ziakin" I loved her till I die" Tih chu a dah bawka, ni e, hmangaihna chuan athih chilh hial țhin alom... Alo hmangaih tawha,ahmangaih zel bawk ang, a bek zawnah chuan a puakruk ken chu a chuktuah a,,, BOOM...BOOM
!!!!!!

Life is short,but this time it was bigger,than the strenght,he had to get up of his knees,we found him with his facedown in the pillow

Mi țhenkhat chuan Nunna chu chhum reiloté lo langa ral leh maițhin ani.. tiin an lo sawi țhin ngei alom, mahse A ni tan chuan ahmangaih nei leh turin khawvel atan a awm tawh lova, pialral chauh lo chu, chu hmunah chuan beiseina thar nen, anupui bawk chu alo nghak leh ang, Ahmangaih, A lei pangparmawiber, A NUPUI chenchilh loh thinlung pu chung chuan, miin khawvel hi areilo ti mahse, atan chuan arei lua a ni.

RIP DEAR JANE..........!

Zam loh darzam anka ka dawn chuan maw,
ka ring thei lo, ka ring phal lo!!
An sawi nunmawi puan ang silh a,
hlim nui ri in a bawm vel țhahluan khan,
Zirna run lum siang ang a lawina;
Hmartiang run dungthul an maw!
Țhenna thu hlan nan a belh mai le,
Chhim lei tual pela i lawina,
thiamna run sang lam ang let in,
Rivung thangkalsiam ro bawm chuan,
i fam khaw lawi nan kawng a lo hawn sak che a maw!!
I fam chan dan a rawng lua e!
.
Damsa, hringchan chang in,
i hringnun par ang lo vul leh se kan va ti em!!
I pawmlai chunnu leh zuapa,
i chinlai leng zawng te,
famkhaw siang i lawi san tak!
I sakruang buang ang pawm lo leh tawng lo a,
hringnun kan hma chhawn tawh tur hi,
tawrhthiam a va har ngai em!
 i sakruang par vul lai pheh thluk a awm in,
vanduaina tawpkhawk tawng in,
I țuanna piallei hrut in i fam an ti maw!!!???
A va na em!!!!!
__________________________
DLRF
(Dt, 8th - 10 - 2017 @ 11:53PM)

BEISEI BO......

He khawvêl ram zau taka chêng mihringte nunah hian beidawnna piah lama beidawnna vâwrtâwp a la awm a nih ngai chuan chu mi neitute zînga chhiar theih ka ni ngei ang.

Ka nei mai ni lovin nitin kan inkawp a, ka hringnunah hian taksa peng pakhat ang mai in a bet tlat zâwk a ni. Midangte tâna hlimna thlen tu ni si khân keimahah beidawnna a thlen tlat a, chu chu a lo chawr no va, a lo ṭhanglian zêl a, rah a chhuah ta hial a; chu mai ni lovin a puakkeh ta hial nih hi!

He thil hi ka tâna lo awm niin ka hria a; hlimna hi ka tân chuan hmêlma a ni a, khawngaihna leh lainatnate chu ka rilru leh taksa hian a dawng pha lo va, a beisei pha hek lo. Chung thil ka ngaihtuahna a alo luh  ringawt pawh in ka inthiam lo thei hial ṭhîn a ni.

Țhenrualte pawh in min ensan a, min tlânsan ta! Midang hlim nui ri hi ka tân ânchhia a ni a, lâwmna thu kengtu chu ânchhe min lawhtu mai a ni a, an hla te chu ka tâna phuah a ni ve lo.

Lungngaihnain min chênchilh reng a, hrehawmnate chuan min hual vêlin retheihna leh mangannate chuan min khawngaih ta zâwk a!

Ka tân chuan chhûn hi zân ang maia thim a ni a, zân pawh hi chhûn ang maia nunrâwng a ni. Midangte tâna mawi taka chhuak thîn ‘ni’ hi sahuai ang maiin ka do tlat a, a tla tur hi lungngai takin ka thlîr liam hrâm ṭhîn.

Vânneihna an tih hi ka chungah a tla ve thei lo va, chutih laiin vânduaina erawh chu a hlâwm hlâwmin a rawn thleng a; ka beiseina êng de vê vê chu a rawn hliah ta vek a.

Vânduaina hruia phuar behin ka awm a, lungngaihna hlîngin min chhun a, ka buai zo ta!

Ka zin kawngah hian thihna hian min hnaih reng a, zân mang tha lo tak ang maiin hlauhthâwnna leh râltitnate chuan min hual vêl reng a. Chu chuan min tichi-aiin inthununna thumal ka theihnghilh lek lek ṭhîn.

Nun hlimna hi ka tân chuan mumang ram mai a ni a, nun hahchawlhna hi thihnaah chauh awmin ka hria a, ka chhia leh ṭha hriatna hian chu lam chu pan turin min tur ut ut reng ṭhîn.

Khawvêl mihring tam takte zîngah khawhar takin ka chêng a, ka mal ngawih ngawih a, khawvêl hi ka tâna siam a ni mawlh lo. Beiseina chhetè nen khawvêl thar ka thlîr nitin a, ka nghâk a, ka zawng vêl ruai ṭhîn. Min pui turin mi dik ka zawng a, ka hmuh chhunte chuan min hlimsanin min lâwmsan a, ka tân an luangliam mawlh lo.

Kan lei inher hian hlawhchhamna bâk a rawn herchhuahpui ngai lo va, mite tâna hlimna leh lâwmna thlen ṭhîntu khân thihna chauh min thlen dâwn a nih hi ka ti rilru hial ṭhîn.

Hmangaihna an tih hi tlêm tal chu he thinlung thlalêr ramro lutuk leih hnawng turin dawn ka châk hliah hliah ṭhîn a ni.

Mitena hlim taka suangtuahna nena duhthu an sâm ṭhin angin kei chuan ka sâm ve thiam lo va, mahni inkhawngaihnaa bul ṭanin thihnaah bawk ka tâwp leh ṭhîn.

Thinlung luangliamte hian an lâwmna tlêm tal chu ka tân an chhuah ve phal lo niin ka hre tlat a, chu chuan beidawnna atâ beidawn lehzualnaah min hruai leh ṭhîn.

Ka thinlung hi chhûm angin a zîng a, ka beiseina chu rial angin a dai a, ka ngaihtuahna chu meialhin a kângral ta! Hêng thilte hian ka lei taksa awngrawp tak hi an tichuai zo ta a, hmangaihna te, lainatna te, khawngaihna te, hlimna leh lâwmna te, lungawina te, beiseina leh hlawhtlinnaten an tlawhpawh ve ngai loh taksa chu beidawnna ruam paltlangin lungngaihna chirhdûpah a tla lût a, a tâng hlen ta!

Tap chungin ka lo piang a, ṭapin ka seilian a, ṭapin ka nung a, ṭap chungin ka hringnun hi an vui liam dâwn ta!

A SAWT TAWH SI LO

     ''Keimah zawk tal khan ka hmangaih thu kha lo hrilh ilang chuan,engkim a danglam anga..a duhthusam ang ngeiin a khawvel chu a thlah liam ve tur''

    ..Ka pasal nen kan inthen hnuin ka fate pahnih chu ka hmeithaipui a....College ka kal chhunga ka thian kawm ber chu cancer natna avangin a boral a,a vuina ah chuan ka va tel ve a,hunserh an hman zawh chuan a nau chuan "U nunmawii kha ini tro?" min rawn tia,kei chuan,"aw nie" ka lo ti maia.Ka u khan hei hi pe tur che in min tia tih pahin lehkhaip hi min pe a,mi nawlpui an haw hnu chuan keipawh ka haw vel nghal a.In ka thlen ve leh lehkhaip chu kan hawng a,hethu hi alo in ziak a......

           "Ka nuna hlimna leh lawmna tamtak min thlen ka rulh ve theihloh che avangin i ngaihdamna ka dil e,ka damlai ngeia ka hmangaih thu ka hrilh ngam loh che avang leh ka tana i hlutna i hrechhuak hman ta lo hi chu keima thiamloh ani.In inkarah  inrawlh ka duhloh avang khan hmangaih em em chung chein vawikhat mah ka hmangaih che ani tih hrilh lo chein vawiin ni hi ka lo thleng ta!Engtik niah emaw chuan i hmangaih hnenah minla liamsan ngei ang tih ka hria,chuti chung chuan i kiang ah atam thei ang ber awm ka tumin ka thlahlel fova,pasal i neih tur thu hlimtaka min hrilh lai te khan ka mangang ru em em a,damchhunga midang ta ni kumkhua tura Biakin  chhunga i rawn pen luh laite khan hrilh ava hai ngai em!!I hmangaih chu ineih ngei a,i hlim leh nawmsak chu ka duhthusam ber anih miau si avangin nang ka hmangaihna che chu a thamral hlen ta si!!In inthen hnu pawh khan ka hmangaih em che avangin ka rawn hnaih ngam chuang lo che a,naupang tea pasal i sun tur chu ka ngaingam lova,keimah vanga mittui i sen chu ka phal thei silo.Vawikhat chauh i kiangah thusawina hun han nei leh thei ilang chuan"Ka hmangaih che asin" ka ti ngei ngei tawh ang!mahse atlai tawh si maw??? Pialral atang tal pawn ka rawn hmangaih reng ang che"......

         Chu athu ziak chu mittui nen ka chhiar a,atana ka tihtheih chu mittui sen chauh ani ta!!Ka hmangaih ang bawkin minlo hmangaih ve reng,midang nen kan inkarah tlak zeh a duh loh avangin engmah alo sawichhuak lo maw??Keipawn hmeichhe rinawm lo anga lan ka duh loh avang leh ngaihzawng ka neih avangin ka hmangaih thu kha ka hrilh ngam bik silo.a van pawi tak em!!Ka hmangaih ber chu ka neih theihloh phaha,ani pawn a hmangaih ber chu a hmangaih tih a hrilhngam bik silo,keimah zawk tal khan ka hmangaih thu kha lo hrilh ilang chuan engkim a danglam anga,a duhthusam ang ngeiin a khawvel chu a thlah liam ve tur....In hmangaih em em in,kan rilru chhungrila hmangaihna awm chu sawichhuak ngam silo leh in hre tawn lova kan lo awm kha a va pawi tak em!!Ka hmangaih ani tih hrilh turin he khawvelah hian a awm ve tawh si lo.......

              Amah nena kan inhriat tan dan te kha thil hote nimahse ka la theihnghilh lo...Class-ah note kan lak laiin ka pentui a zova,nui var var chungin a pen min rawn hawh a,note chu ka lak chhunzawn leh nghal maia,amah chu ka va en zawk a,pen hman tur alo neilo!!A pen hmanlai min hawh alo ni.Chuta tang chuan kan inkawm chhova,thiandang kan ngai ngailo,kan inzui ngun em avang chuan thenkhat chuan inngaizawng emaw minti fova,hmangaihna thu erawh kamkhat mah kan sawidun ngai lo!!

      

             Ka bialpa nen kan intih thiamloh tumin zanah ka va phone a,rang takin min hnem turin alo kal a,ka rilru natna zawng zawng ka hrilh chu dawhthei takin ngawi rengin a ngaithla a,ka mittui tla te kha dimte in min hruksak anih kha.A tangchhungah chuan beia tah hawm hawm ka chak,mahse ka ngam teuh si lo....a haw tur chu rawn kun hniamin dim tein ka chalah chuan a rawn fawp a,nie kha ahmui ngei khan min fawp ani...ehh!!!Ka zam em avangin kalo maimitchhing ringawt anih kha!!..."Lungngai suh engkim atha leh vek mai ang", atia...Ruahsur hnuaiah Bike-a atlan liam chu ngawi rengin ka thlir a,ka nun chu aruakin he khawvelah mal ta ngawih ngawih in ka inhria a nih kha.....ka thiantha ber anih avangin ka hmangaih thu ka hrilh ngam teuh silo!!

              Tom & Jerry hi ka lawm thei em em a, ka birthday ah Tom & Jerry lem mawitaka aziah chu min present nghe nghe a,uluk takin ka frame a,tunthleng hian ka khum bulah ka la tar vang ani...

           Pasal ka neih tur thu ka hrilh laia ahmel inthlak danglamte ,min hmu ngailo leh makti awm takin min thlir ngawih ngawih a,"Khatia min thlir reng khan ka zak ve thei tho ania aw",ka tih chuan,"I nulat lai hmel ka hmurei tawh dawn si lova ",tia min chhan laite kha ka hrechhuak leh uai uai a...Ka pasal neihni chu alo thleng ta..mihringten kan damchhunga kan hun tawn ropui ber an tih thin nimahse pasal han neih kha ka chakna aiin ka hrehna kha buk ila arit zawk fe ta ve ag??A sawi ang ngeiin Biakin ah chuan mipa thutna lam tlar hmasa ber ah chuan alo thu a,ka va en laitak chuan a rawmawlin a mit(tui?) a hru anih kha ...Banah chuan ka hmu ta reng reng lo mai a!A hnua kan in hmuh lehin a lunat avanga haw ta niin a insawi daih anih kha..

         

          Ka fate enkawl leh nitin eizawnna a chhuah ka ngaih avangin a chanchin ka hrezui ta vak lova...a chanchin ka hriatzui tak loh avangin adamloh thu pawh ka lo hre ve lova,thlakhat
zet khum betin ana a,a boral thu ka hriat chuan min thawng ngei mai.Vawikhat mah ka tlawh lo chu ka inthiam lova,a natna khum atang chuan keihi min hrerengin ,ka hmangaihna thlahlel ngawih ngawih chungin he khawvel hi a lo thlahliam chu ani si a....ka tana ain pekna kha engtikah mah ka rulseng lovang......

        

        Ka pindanah chuan ka luta,nitina ka hmuh thin Tom &Jerry lem banga intar chu ngun leh zualin kan thlek a,a phen a hmangaihna mak leh ropuizia chu ngaihtuah chungin ka nunhlui te ka dawn kir ta a...........

(REQUESTED)

KHAWI HMUN AH NGE A AWM ANG LE!!?

Hmangaihna avanga hliam tuarte damna dawi hlo kawl inawm mial em?

Thinlung natna leh rumna, mal leh riang hluana inhriatna tih dam theihna dawi hlo kawl inawm mial lo maw?.

Taksa natna chu damdawiin a ti dam thei a ni mahna le, thinlung natna a tan erawh a hman tlak der si loh!.

Hmangaihna avanga natna chu;

Laitha a zuaiin a ngui a, khawharna chunga thinlung natna inchherchhuan mai min chhiah si.
Ani chauh lo chuan thinlung tiphur thei reng an awm lo! Mahse ani chu thlang kawlah a liamta...!

I DAWN VE SI LO MAW

Ka hnena hmangaihna hrui i valh tawh i sut leh hnu atang khan ka khawvel hi a ruak huai asin.

Enteh khi, lungchim taka kan thlir dun thin ngei pawh khi ka tan chhawrloh thlapui a chang zo ta.

Ka ta ni lo tur humhimin ka hun leh ni ka pe che a,
I sut leh tur biahthu ka lo pawm a,
Ka dawn let loh tur rinawmna ka tiam che a,
Ral leh mai tur hmangaihna min hlan avangin ka nat phah a,
Ka tana par nilo chawm seilianin tichhe theitu che lakah i tan ka ding reng thin.
Kumtluang atana ka duhthusam thin chu engmahlo mai i chantir tak hi le..!!

'WAKE ME UP WHEN SEPTEMBER ENDS'

(September thla a ral hnuah chauh min kai harh dawn nia) — Green Day
`
Kumtin September thla a lo thlen apiangin khawvel hmun hrang hranga thalaite zingah hla pakhat a lar thin a, chu hla chu engdang ni lovin Green Day hla"Wake me up when September ends" tih hi a ni.
`
Oakland, California-a nupa Andrew Amrstrong leh Ollie Jackson te chuan an fa paruk na’n mipa neiin a hmingah an chhungkaw hming chawiinBillie Joe Armstrong an sa a. Andrew hi Safety Inc. – truck driver niin nitin deuhthaw a motor lian tak chu a khalh chhuak thin a. A remchang a nih phawt chuan an fa naupang ber, mipa naupang harh tak Billie Joe Armstrong chuan a zui thin. Joe hi naupang harh danglam tih takah a chang chuan a pa motor khalh lai gear chu a thlak thut a, a chang leh a horn te tul lo takin a lo pe thul. A mut a chhuah leh truck-ah chuan a pa ban nghengin a muhil leh mai a. An inkawm ngeih em em a, ‘Thianpa’ tiin an inko mai thin.
Chhungkaw hlim tak nia hun an hman mek laiin chhungkaw pa ber Andrew chuan Hrawk Cancer a vei ta a, Joe chu a pa bulah a awm chawt a, rei tak a kalsan ngai lo, tihtheih erawh a nei tlem hle. An inenkawl ngial hnuah pawh mihring thiamna leh theihna hmanga chhanchhuah rual a ni ta lo va, kum 1982, September ni 10 ni chuan khawvela kir leh ngai tawh lo turin piallei thuahriat hnuaiah an zalh a ngai ta.
`
An lawina kohhran Pastor-in khunkhan takin a vuina hun a hmang a, inhnit feih feih thawm tih loh chu thawm dang hriat tur a awm lo. Joe pawh mittui tla perin a tel ve a, a pa a thianpa ni bawk kuang chu a en reng a, a insum zo ta lo; thawklehkhatah ring mangkhenin a rawn tap chhuak thut a, tumah ngaichang lovin in lam panin a tlan haw nghal nal nal a, a room-ah a inkalhkhum a, a nu Ollie mangang chuan kawngka hawng turin a ngen chiam a, mahse, Joe chuan a hawng duh lo. Lungngaihna chhum dum chhah takin a chimpil thla; September thla chu kalhlen a duh a, a nu-in chhanna a hmuh chhun pawh, “ September thla ral hnuah min kai harh chauh dawn nia” tih chu a ni.
`
Summer has come and passed
The innocent can never last
Wake me up when September ends
Like my father come to pass
Seven years has gone so fast
Wake me up when September ends
`
A innghahna a pa, a chhuan em em; khawvela pa ropui ber leh thil tithei ber ni a a hriatin a han thihsan atang chuan amahin khawvel a hmachhawn a ngai ta a, a pa nena awlsam taka harsatna an paltlang thin chu a mah ngawt chuan paltlang harsa a ti thin. A thil thiam leh chhuan tur neih apiang a hrilh leh a hmuh tir thinin a awmlohsanna chu rei tawh mahse, a theihnghilh thei lova;a pa chu a rilruah lo tharin van ata ruahpui surin thil a nan huh ang maiin mipa biangah mittui a lo luang a, a hmai chu a bual huh leh thin.
`
Here comes the rain again
Falling from the stars
Drenched in my paint again
Becoming who we are
As my memory rests
But never forget what I’ve lost
Wake me up when September ends
`
Thlasik vin tak liamin nipui a lo thaw a, an awmna phul hmun chamdiaiah chuan pangpar chi tin reng a rawn vul a, chung pangpar te chu khuai leh phengphehlep ten an bawm a, sava chi tinreng an chiar noh noh a. Chu nipui lo thleng lawmna’n chuan chung phul hmunah te chuan dar an vaw thin a, chu dar ri chu hlim au thawmin a pawlh thin. Joe te chhungkua hi a phur berah an tang thin a, dar vuak hmasak inchuhin an unau an innek a; an au chel chul bawk a, a pa chuan, “In nau Joe kha vuak hmasak tir rawh u” tiin thupek a han chhuah a, Joe chu a vaw hmasatuah a tang leh nge nge thin. Mahse, a pa awm loh hnuah erawh engkim a chuai a, nipui lo thleng chuan dar vuaka lawm a hlawh zo tawh lo va, dar pawhin hlutna a nei tawh hek lo...
`
Ring out the bells again
Like we did when spring began
Wake me up when September ends
Like my father come to pass
Twenty years has gone so fast
Wake me up when September ends
`
Joe te hian a pa thih hnu kum 7 ralah a thianpa Mike Dirnt nen Sweet Children an din a, a hnuah he band hi tun thleng kan hriat lar Green Day tiin a hming an thlak a. A pa sunna hla hi a pa thih atanga kum 20 –naah a phuah ve chauh a ni. Tuna kan sawi mek"Wake me up when September ends" tih hla hi kum 2002-a Green Day Album tihchhuah ‘ Shenanigans’-ah khan telh tum a ni nain Joe hian a sak dawn apiangin a mitthlaah a pa a hmu thin a, a thianten nalh ti viau mahse a sak hleihtheih tak loh avangin kum 2005-a an tihchhuah ‘American Idiot’ Album–ah an telh ta chauh a ni.

Zawlkhawtleitir

Thinlung ruak leh khawhar, a hnawh khat tu tur tawng ngai lo tur a ka lo ngaih thin ngei kha... thliahloh zawlkhawpui tuaitir vang hian maw ka thinlung chu chharkhawm leh theih loh tur a, alo luanral tak mai le......

Mahse heihi ka hrechhuak ta endang vang mah alo ni hleinem an sawi ,"Hmangaihna" vang mai hi alo nihhi😂😂😂😂

KA THIAN DUH TAK AMY TAN AW...

Theih se chuan he khawvel hi hei aia thianghlim hian ka thian fai ngei ang, nang ang thian duhawm seilen nan chuan.

Engtikah emaw chuan i hmel duhzawng tak te pawh i la tawng dawn. A chang chuan i rilru a na anga, i tah ni te pawh a lo la thleng anga. Chutih hunah chuan, hei hi hrereng ang che, i tlin lohna,i fel lohna leh i tihsual te pawh hria a, hmu vek chung pawha, vuan tlattu che thlang ang che. Mi thenkhat hi chu chhum ang an ni, kal bo se ni eng a lo lang zawk thin a nia.

Kal ngaihna hre lova i mangan hunte a lo thlen hunah chuan, engkim hi chhan nei vekin a lo thleng a, ni tina ni thar lo chhuak hi, bul tan tha leh thin tura beiseina pe tur chea, Pathian siam a ni tih pawm tlat ang che.

Vawi khat chauh i pian dawn avangin, hringnun hi a hlawkthlak dan ber turin hmang ang che aw. Lungngai hman i ni lova, tah khawmuanna hun Khuanun a pe lo che ania.

Nangmah ang hi tumah an awm lo, i tha ber tih inhria la, mi in an tehdan che avangin i rilru tina ngai suh ang che aw.

Ruah a sur avangin i tih tur thulh ngai suh, nihliap khum la, i nihliap a chhia anih pawhin, ruahsur hnuaiah chuan lam i zir dawn nia. A nuam lutuk :-)

Ngainatu che chu tibeidawng lo la, a mamawhtu che tlan bosan lo la, a ring em em tu che bum ngai suh la, nangmah hrerengtu che chu theihnghilh ngai suh ang che.😘

Prision Break

United States Penitentiary, Florence ADX, Maximum Security Prison atanga tlanchhuahna ropui chu:

The United States Penitentiary, Administrative Maximum Facility (ADX) hi federal supermax prison an tih mai, mi hlauhawm zual bik a US sawrkarin a ngaih te leh , Jail danga tang dang te zinga dah ve chi nilova a ngaih te dahkhawmna hmun a ni a, Florence City, Fremont County a awm ani. He hmun hi a tang te hian hming hran hran an vuah ve a, Florence ADX tih te, Alcatraz of The Rockies tih te pawhin an sawi ve thin a United States Department of Justice hnuai a Federal Bureau of Prisons in an enkawl lai a ni.

  ADX Florence hi United States High Security Prison Marion Illinois  ami a an officer pahnih Merle Clutts leh Robert Hoffman-a te jail tang ten October 22nd 1983 a an vihhlum hnu a maximum security prison atana an siam ani a. Engti kawng mah a tlanchhuah theih loh tur leh, a mi tang te leh a hnatawk te pawh in kalpawh theilo leh engemaw palh pawh a kut inthlak theilo tur a duan ani a, November 1994 a hawn a ni.

 He taninah hian khawvela misual rothap ber ber Al-Qaeda senior member Zacarias te, September 11 chhiatna a hijackers te thlawhna khalh zirtir tu Moussaoui te, Mahmoud Abouhalima, 1993 World Trade Centre bombing a inhnamhnawih te leh Al-Qaeda mi leh sa turu tak tak te, tin Simon Trinidad, Coloumbian Armed revolutionary Force ami 2053 a chhuak tur a ngaih te, Francisco Xavier-Tijuana Drug cartel an tih mai US a cocaine ton 1000 chuang tawlh lut tu , mi 1000 chuang ti hluma an puh te, American citizen tho, ‘Domestic Terrorist’ an tih ang chi ho tualchhung mi ni si a tual chunga inrikrapna thlen thin te, leh Serial killers turu tak te, mi chihrang hrang, tualthah pawisakna nei map lo hlir mai an dahkhawmna hmun a ni a. An in enkawlna pawh hi a khirh in a khauh a, tang te pawh hi an mahni pawh chaw ei lai leh, exercise lak lai te , hnathawh hunah te chauh lo chuan an mahni cell theuh ah kalh hnan vek a ni bawk.

 Heng tang ziangah hian mi chi hrang hrang maksak deuh deuh lah an tam a, thiamthil turu tak tak nei pawh an tam viau bawk ani. He tanin security system hi a changkang khawp mai a. Jail tang tu emaw ten tlanchhuah tumin khai lai lei emaw te pawh lo verh tum ta se,  a jail chung compound hrim hrim lei 1 ft  a thuk an laih rual rual a lo hre thei nghal khawl te, a awm bakah a hnathawk hilo a hung pawn pel tur hrim hrim lo detect thei ngal khawl te pawh a awm vek a. Zan katah darkar tin grards ten mitang tin te an kim leh kim loh an cell ah an chhiar ziah bawk a ni. Electric fencing tih vel te phei chu sawi pawh ngailo turah dah ta ila, a jail chhung pumpui hi Close Circuit TV in kil tin mai hi 24x7 vil reng ani bawk ani. Hetiang khawpa security tha ah hian engtinnge mi an tlanchhuah theih ang kan ti ani maithei a, mahse misual thluak hi a lo tha ve khawp hlawm ni tur ani July ni 4, 1999 khan mi pathum chu he hmun atang hian an tlanchhuak tlat mai le. Heta an tlanchhuah dan hi ani khawvelin mak a tih tawp theih tak loh chu.

 Jonathan Berns chu US khua leh tui diktak niin amah hi electronics lama tui em em mai ani a. Hmeichhia 6 ngawt kidnap a, pawngsual a that a puh anih avanga  damchhung tang tur, ngaihdam na tel miah lova tang tur a a chungthu rel a ni a. Florence ADX ah hian kum 4 chung chu a lo tang ve tawh a ni. Mossaud Ali ve thung erawh chu Al-Qaeda milehsa niin amah hi engineer anih bakah, an terorist te bomb chihrang hrang leh hmanraw chihrang hrang hman dan zirtir tu ani a, ani pawh hi he hmuah hian kum 4 chung chu a lo tang ve tawh a, dam chhung tang tura tih bawk ani. Felix Terrel ve thung chu ruihhlo lama sumdawng chi, pawn lamah pawh contact ngah tak mai leh thil tithei zet mai, pawisak nei lo tak mahse smart zaih mai, American Drugs Cartell an tih ho zingah pawh mi hriat hlawh tak mai leh an drugs mafia ho zinga a hotu pawl tak a ni a. Silai lam chelek thiam tak mai leh hmanraw eng engemaw hman thiam tak mai, pa inkhaithli thlarh mai, hlim hmel pu reng mai hi a ni a, Mahse a hmel en anga zuam chi vak ani lo aniang kum 30 chhung tang tura tih anih laiin jail chhungah an chaweinaah Nigerian mi pakhat nen an inti buai a, a kut lawng ringawtin chu Nigerian pa chu a ti hlum der mai a, tichuan chumi avang chuan kum 30 dang a dawn belh leh a, Florence ADX ah hian kum 3 chhung a lo tang ve mek tawh bawk a ni.

Tichuan heng mi pathum te hi American Independence Day 4th Of July zan tak mai zanlai dar 11 leh dar 12 inkar a guard duty ten security check an neih lai tak inkarah chuan an bo ta daih mai le. Anni pathum te hi cell hran theuh mahse a indawta lane khata awm an ni a. An awmlo tih hre hmasa bre tu chu Officer  Denis Wadlow ani. Chutia zana an cell vel officer Denis’an a va check chuan a lane hmasaber a mu Felix Terrel-a chu inspection tur a a rawn din chhuah tak mai loh avangin a mutna a blanket a a inkhuh lai chu Officer Denis-a chuan a tiang ken chuan an hawlh chhin a, mahse  Felix Terrel-a chu a chet tak map loh avangin Denis-a chuan  a chabi pai chuan a cell pindan kawngkhar chu hawngin a chhungah chuan a lut a, a blanket chu an theh hlim thuai mai a. Khawiah mah Felix Terrel-a chu a lo mu awzawng lo mai le, a mah ang chiah mai a siam, tang thawmhnaw ha milem, chu a lo mu ta zuah mai a. Officer Denis-a chuan thil awmzia chu hrethiam nghalin ralkhel dar a tiri ta ngal a, chawpleh chilhin duty dang te pawh an rawn thlenng khawm ta ngal a.

 Zanlaiah chuan an buai ta rum rum mai le. Mitang dang kimlo an awm em tih an han check kual zung zung a, Jonathan Berns leh Mossaud Ali te pawh chu an lo awmlo ve tho tih an hmuchhuak ta ngal a. An security warning system lah chuan engmah tang tlanchhuak an awm awm warning a pe bawk si lo, CCTV lah englai pawh a vil reng ani bawk si, an electronics security system lah chu duhthusamin a tha bawk si, chutah electric fencing tha tawk anih bakah, lei lo verh pawh ni se , 1ft aia thuk an verh anih chuan ngei ngeiin  an security system chuan a lo man ngal dawn bawk si, 1ft aia thuk lo a verh ngawt lah awmzia a awm miah bawk si lo. Chu chu thuhran, engtiinge an cell atang chuan an chhuah theih anga, engtinnge, ward duty te round chhung inkar reilote chhung chuan an bikbo hman ang tih chu zawhna chhan har tak a ni ta le.

 Duty ho chuan an tanin compound chu an la pelh hman an ring thei tlat lo. Tichuan jail compound chhung zawng zawng chu ui fing nen, infra red sensor, mihring taksa lumna hre thei, khailaiah pawh lo biru se hmu chhuak mai thei tur te leh, US Special Combat force ho in an hman nigh vision te leh X-Ray vision te nen lam chuan an dap ta mup mup mai le. Mahse hetia a chhung an dap vak hi anni pathum tan chuan remchanna pe tu a lo ni ve tlat mai bawk si. Jail officer ho chuan an cell theuh te an han check chuan an pathum chuan an cell bang chu nalh lutuk mai hian an lo ler kua a, chu an ker kuak chu a bang ang chiah rawng mil tur chewing-gum leh lehkha nawi leh tooth paste vela siam chuan an lo hnawh phui leh thin ani tih an hmu chhuak ta a, he an bang hawh phuina siam dan hi an fing bawk a, han en mai chuan a bang cement te nen a danglaman a awm lo reng reng ani. Tichuan chu an bang verh atang chuan an cell a boruak luhna ‘Air-vent’ chu an lo verh pawh hi a lo ni a.

 Chu Air-vent chu kal zelin an main –corridor chungah chuan a kal zel a, chu chu  jail building chunga ‘Air pump’ khawl awmna hmunah chuan a va pawh ta ani. Chu air pump khawl awmna atang chuan Jail hungna electronic fencing nena tih vek leh CCTV nena darkar 24 chhung vil tlap reng mai chu eng tiinge an kalpelh tak ang le. Tin an ‘air-vent’ ah chuan mihring emaw boruak nilo thil dang lo awm palh thuhlaah pawh a chutiang thil lo detect zung zung tur electronics monitoring system tha lutuk mai te infrared sensor te an dah bawk si..a awmzia tak ah chuan sazu emaw khauchher emaw pawh chu ‘air-vent’ ah chuan lut ta se an khawl chuan a lo man zung zung mai dawn tihna ania, mahse chu ‘Air-vent’ ah ngei chuan tuma hriatlohin an kaltlang tlat mai si. Engtinge an tih tak ang le...

 An security system vel chu a bul atangin an han check chiang tak tak chu an rinai daih mai chuan an lo che nasa daih mai. Khawi lam atanga an neih nge tih leh engtinge an siam tih hriat miah loh chuan an security system zawng zawng chu sophisticate lutuk maiijn remote control vek in an lo la peng kawi (Divert) vek mai hi a lo ani a. An Close Circuit TV te pawh chu an awmlohna lai hmun lam zawn apiang chauh a thla lo la tur a control theih a an lo siam danglam vek bakah, an security alarm te pawh chu chuti mai a ri theilo turin an lo khawih danglam vek mai a lo ni. Hetiang thil hi an rin dan chuan Jonathan Berns an a ngaihtuah chhuah vek anih bakah  Felix Terrela’n engtin tin emaw a hmanrua vel a chah luh hmanga an siam vel anih an ring ta ber ani. Hmanrua hi an lo nei tha khawp mai a, computer tha lutuk mai te pawh an ‘Air –vent ah chuana n lo inchhawp thlap mai ani. An tan lei verh chuan hun a duh a duh dawn bakah a lei vung vel paih bo na turah harsatna tamtak an tawk dawn tih an hre ve reng ni ngei tur ani. Tichuan an tlanchhuah dan awmang te an hmuhchhuah fel hnu chuan APB Alert(All Points Bulletin Alert) mipui vantlangah chuan an chhuah ve ta a. An cell atanga in chung ‘Air-Pump’ khawl awmna thleng an kal dan chu eng tin tin emaw an chhui thei mai a, mahse anmahni tak chuan a Jail compound chu engtinnge an chhuahsan tak ang tih chu thu neitute lam pawh an bo ve ta map mai le. Inchung atang chuan a hnuhma reng reng chhui zui tur a awm tawh lo. Tin July ni4 zan kher an chuh nachhan ni a lang chu, hemi zan hian USA velah khuan chuan halmawi leh halpuah chiharng hrang kumthar zan ang maiiin an hal thina, chung thil hal thawm vel chu an thawm hliahkhuh nan an hmang duh anih an ring ber bawk a ni.

Tichuan Jonathan Berns, Felix Terrel leh Mossaud Ali te chu a chin hriat loh chuan an bo ta daih mai ani. Federal Bureau hnuai ami an nih avanginFBI lam pawh an vir buai nasa mai. Hei hi Florence ADX, maximum security prison atanga tlanchhuahna hmasa ber ani bawk a, tang tlanchhuak zawn hna pawh an la ngawrh kher mai le. A zan la la chuan helicopter nen, uifing nen  chulai ram chhung zawng zawng chu Jail warder te leh , police hi leh State Troopers te, Special Force te, FBI lan te nen lam an dap chhuak nghal vek a, a ram tuamin an tuam chhuak ani ber a, tin civilian mi tamtakin an zawn pui bawk a, mahse engamah an  hmu chhuak ta chuang lo ani, heng mi pathum te hi an ‘Khuangcher bo’ ta hmiah mai ani. Heta an tlanchhuah na a khawvelin mak a tih tak ber mai chu an tanin security system zawng zawng an lo ti danglam vek te ai mah chuan an hnu chhui zui tur awm miah lova an bo hlen daih mai leh, tuma hriat loh an Jail hungna tha lutuk mai engtinge an chuah san tih hriat miah lohva an kal pel thei tlat mai hi tun thleng hian khawvelin mak a ti tawp thei ta lo a ni e.

The Battle Of Stalingrad

THE BATTLE OF STALINGRAD
(Khawvel in a theihnghilh tawh lo tur Indo na rapthlak chu)

Kum 1939 ah Nazi Germany chuan Khawvel Indopui 2 na bul intanna turin a thenawm ram te a run a , 'Blitzkrieg' tactic hmangin reilo te ah France, Poland, Belgium leh a dang te chu a la thla ta hmiah hmiah maia, France pui tura British sipai rawn thawkthla te pawh hlau thlabarin an ram lamah an tlanchhe chho leh a nih kha. Germany chu hneh theih loh ngam rual loh angin khawvel chuan a hmu ta.

Europe khaw thlang lam pang te duh tawka an lak thlak hnuah chuan German ho chuan Europe khawchhak lam pachal USSR run turin a in buatsaih leh ta rum rum mai le, June ni 22 kum 1941 ah Operation Barbarossa a launch ta piap mai le , ( chu chu german hoin USSR an beih tanna operation hming ani) , Soviet ho chuan theihtawp chhuahin lo dan tum mahse German palchal chu ngam ngang loin a ni telin a retreat ta hum hum mai ani. Kum 1942 a rawn in her chhuaka German sipai te chuan USSR khawpui Moscow leh a khawpui lian leh pawimawh ber ber - Leningrad ( tuna St Petersburg) leh Stalingrad ( Volgograd ) te kawtchhuah an rawn thleng ta.

Stalingrad bik hi Russia chhim lama khawpui lian tak, Volga lui kam (West lam) a awm ani a , Russia chhim lam oil hosakna german hoin a duh tak mai lak nan a dangtu awmchhun a ni a, Stalingrad hi thla 2 chhung vela la hman turin German ho chuan an inngai ani. July ni 17 , 1942 ah chuan Stalingrad khawpui chung chu German Bombers te an hliah thim ta khup mai le , kar loah an bomb sur chuan Stalingrad khawpui building zawng zawng deuh thaw chu a deng sawp nghal ani. Tichuan lei lam sipai , tank leh infantry ten chet an la chhun zawm leh nghal.

Nimahsela German ho chuan an rin ang ngawtin Stalingrad lak chu a awlsam dawnlo tih an in hre ta a a chhan chu building chim leh khawpui sawprawp ah an tank te an che tha theiloa an sipai te pawh duh angin an che theilo , Russian ho lah chuan chuti mai mai a Stalingrad laktir chu an tum bau lo bawk. Khawpui chhunga inbeih naah chuan nasa takin thisen a chhuaka leh lam leh lam ta chet a harsa a ni. Stalingrad hi a german hoin an lak chuan russia chhimlam oil hausakna zawng zawng chu an sipai te nasa taka tihchak nan an hmang thei dawn tih khawvelin a hai lo, khawvel mit chu Stalingrad ah a fu ta thup mai le. Stalingrad a sipai leh supply rawn chawklut tur hian Volga lui kan a lawnga rawn kai angaia , chung lawng te chu german fighter hoin chawlh awm hauh loin an bei char char reng bawka chuti chung chuan Russian sipai te chu an beidawng duhlo, German ho rin ai daihin Russian sipai te chu anlo tough ani.

Khawpui chhunga inbeina a kal zela , german hoin Russian ho chu Volga lui lamah an nawr tawm telh telh a , Stalingrad khawpui 95% chu german hoin an la tawh a ni. (Hetih lai hian British Newspaper pakhai chuan ti hian a ziak : Germany chuan ni 35 chhungin Poland a la thei a , Stalingrad ah chuan ni 35 chhungin Building 1 an la thei trawk a , France kha ni 46 chhungin an hneh a , Stalingrad ah chuan ni 46 chhungin kawng 1 an cross thei trawk ani ). 1942  kum tawp lam an rawn hnaia, German ho chuan Stalingrad chu 95% awp tawh mahse an la la tak tak thei chuanglo , chutah le Russian thlasik rapthlak a rawn thleng ta , hmun thenkhatah pheichuan -55 Degree C a vawt te ani.

German hoin an tawrh nasat ang bawkin Russian hoin an tuar nasa amaherawhchu a ram mi ni ta vang vang chuan anlo hmang zawk . Khawvawt hnuaia Stalingrad khawpui chhunga an inbeih reng lai chuan Russian lam chuan Operation Uranus an rawn launch ta thut mai le .. He operation hian a tum chu hmun hnin Stalingrad chhim leh hmar lam atanga German line tihchhiat a Stalingrad a german sipai te hualbeh ani. An tum ang ngei chuan an hlawhtling ta , German Army in an chhuan vawr em em an 6th army , Stalingrad la thei tur saa an ngaih te chu hualbehin an awm ta riap mai le.

February 1943 a lo inherchhuah chuan German 6th army , Stalingrad chhung a awm te chu an in surrender ta. Khawvelin hneh theihloh ngam rual loh a angaih German Ral-lian chu a vawi 1 nan khawchhak pachal Russia lakah a tlawm ta, Russia chuan Nazi Germany chu hneh theih anni tih khawvel mit hmuhah a tar lang ta ani. He battle ah hian German sipai nuai 7 chuang leh Russian Sipai leh Civilian Maktaduai 1 aia tam an thi ani.

THAPARTINLAWR

Khuarei hian a hnem thin ngai e an ti maw.

 Mahse min hnem tur hian khuarei hian a daih kher a ngem tih hi ka in zawt nawn fo thin. 

A chhan chu maw; i rin phak bak hian ka lo hmangaih tlat si che a ni. 

Min hmangaih ang taka lang si khan kei lo hmangaih dang i lo nei reng  a;

Ka hmangaih tia ka sawi thin ngei kha ka hmangaih tia sawi tu an lo awm ve bawk a;Ka hmangaih che min ti tu ngei khan kei lo a hmangaih biahthu thu hlan a lo nei bawka;

Tichuan, hmangaihna sem zai thiam i  nih a vang khan ka hriat loh leh duh vang reng ni lo in.. Mipa pakhat nen chuan "Di intawm"  kan lo ni reng si. 

Tehhrep che chuan THAPARTINLAWR

 

Nui chung in he thinglung hi a khawhar lawk a, i kiang ah he taksa hi awm lo mahse a thinlung erawh chuan i vel in a hual reng thin che!!

Khawhar leh mal a i awm hlau in chhuanlam tham thil tam tak kalsan in i tan hun a in siam fo a.. I tan chhuanlam reng a nei thei lo thin a sin..!

Beiseina nen a  nghak che a..a tak ram thlen hun nghak in hlimna hi a mausam fo thin.. Beidawng awrawl chhuah rawng rawng tur khawp in a nghak tu che hi i hliam si maw....

(ATHEIST LAST MINUTE) PATHIAN AWM RINGLO TE THLAFAM CHAN DARKAR CHUAN MAW.....

Thomas Payne : "Ka zam a ni, Lalpa min awmpui rawh . Pathian a awmlo tih ka ziahna bu 'The Age Reason' kha lo chhuak lo se ka va ti em! Isu, min thlamuan turin naupang tal min pe thei em.....!!!!!"
.

Caesar Borgia : "Engkim ka mamawh ka nei a, mahse ka thi dawn a, thlamuanna reng reng ka nei si lo. Ka kalna tur hi a va thim em...!!!"
.

Thomas Hobbs : "Theih nise nikhat chiah hun ka inpe leh ang a, ka inngaihtuah chiang tawh ang....!!!"
.

Sir Thomas Scott : "He dinhmuna ka awm chiah hian Pathian a awm tih ka hre ta! Mahse hun a awm tawh silo...!!!!"

Voltaire : "Ka hnuchhawnsan Pathian chuan min hnuchhawn ve ta! Thla ruk tal dam leh thei ila aw... Ka neih zawng zawng pawh ka hlan vek tawh ang.....!!!!!"
.

Robert Ingersoll : "Lalpa, ka thlarau hi chhandam teh, he hremhmun lak a ta hi ....!!!!!"
.

David Hume : "Ka kang ral mek ani.....!!!!"

Sir Francis Newport : "Pathian leh hremhmun a awm lo tih sawi tawh suh u, a awm a ni. Tah cuan ka tawlh lut mek a ni......!!!!!

MIFINGTE KAMCHHUAK

1. Nun hi zir zui lova a taka hman a ni- LeGouve

2. A tak a tih hian hlimna a rawn thlen fo lo. Mahse tihloh chuan hlimna a awm lo. - Benjamin Disraeli

3. Mawl zawh poh leh mahni thu duh a na ting mai a ni. - Sir William Osler

4. Mi huaisen eaw Mi vannei emaw chuan awhna an tuar thei thin. -Publilius Syrus

5. Thluak awm mai mai hi Setana hnathawhna hmun a ni. -John Ray

6. Mi a beiseina i lak bo chuan ramsa ah i siam tihna a ni. - Darnell G.Neister

7. Engpawh lo thleng se beiseina leh rinna hi hloh ngai suh.- William L. Brownell

8. Sawi leh a tak a tih kar hi hla tak a ni. - French thufing

9. Mi chu a tawng atangin man a ni a, Bawngpa chu a ki atangin.- Russian Thufing

10. Mi taima tan thil harsa a awm lo. - Chinese thufing

11. Incheina hian nunrawnna aiin thil a ti thei. -Latin thufing

12. Mi chu a hlawhchhamna chhiar rheih a nih chuan mi ropui a ni. -Hebrai thufing

13. Riltam lai chuan thil tuilo pawh a tui vek. - Italian Thufing

14. Mi sakhaw neilo chu sakawr chuan chhan neilo ang a ni. - Latin Thufing

15. Ni khawthlang lama chhuak kan hmu ngai lo. - Japanese Thufing

16. Thingphuntu chuan a bula awmte a hmangaih chawk.. - English Thufing

17. Mi rinawm, Rilru harhfim tak si chuan engmah hlauh a nei lo. -Joseph Addison

18. Mi satliah tam tak ai chuan mi rinawm tlemte an hlu zawk. - Oliver Cromwell

19. Sim chuanglo ngaihdamna chu tui chunga milem ziah ang a ni. - Japanese Thufing

20. Midang chu ngaidam fo la, Nangmah chu in ngaidam ngai suh. - Publilius Syrus

21. Inthianthatna chu hlawk tum lo mi intluk pahnih te neih chi a ni. -Oliver Goldsmith

22. I nun a inthlak hian khawvel a inthlak a ni. -Thomas L. Johns

23. Midangte thatna tura mahni inphat ngamna hian kan tan midangte a inphat tir ve thei thin a ni.- G.B Shaw

24. Hmangaihna hian a pe tu leh a dawngtu a tidam thin. -Karl Menninger

25. Thurawn zawmtu chu a petu aiin an fing zawk.. -Churton Collins

26. Mi thi tur hian thudik an sawi chawk. - Matthew Arnold

27. Tih tur paul tih kawnga engkim huama thuawihna hian hmasawnna bul a ni. - Smile

28. Miin khawngaihna a dawn zawh poh leh a inngaitlawm ang. - Spurgeon

29. Mi dinhmuna i din ve phawt loh chuan sawisel ngawt suh. - Rabbi Hillet

30. Khawngaihna tello chuan mi sawisel suh. -Anne Mecaffry

31. Mi tanpui inpeihte chauh hian sawisel theihna an nei.- Abraham Lincoln

32. Mi a te chuan midangte diklohna an hria a, Anmahni diklohna chu an theihnghilh tin. -Cicero

33. I rilrua tha i tih ang chu ti mai rawh. Eng kawng pawhin sawisel i ni ang.. -Eleanor Roosevelt

34. Mi sawiselna che chu a dik chuan insiamtha la, A dik loh chuan nui rawh.. - Epictetus

35. Ram tin hian sawrkar mahni phu tawk theuh an nei a ni. - Joseph De Maistre

36. Thil tha lo sim dan tha ber chu thlah hmiah a ni mai. - C. Grant

37. Zahngaihna dawn i duh em? I thenawm hnehah zah ngai rawh. -John Chrysostom

38. I hnain thuneihna a pe che a, I nungchangin zahawmna. - Irwin Federnman

39. Hmeichhe pahnih inthian tha tak karah hian inphiarrukna a thleng chawk.- Alphonse Karr

40. Thalai tumah thi mai thei tura inngai an awm lo. - William Hazlitt

IN HLU....

A lo rei ve ta hle mai a.....Hringnun hi chu a mak a ni, Lehkhathiam eng ang te pawn an chhiar thiam loh ni!!!

Damreng chung si hian kan inthen a ngaih hun a awm a!

Damreng chung si hian Kan awm ho thei tawh lo a.

Damreng chung si hian Kan nui ho thei lo a.

Damreng chung si hian kan harsatna ah kan in pui thei tawh lo a.

Damreng chung si hian Fam ngaih tak ngaih chang lah a tam.

Damreng chung si hian Biak mai theih kan tawn loh chang lah a tam.

Nakin lawk ah chuan, khuanu malsawmna te dawng in Nupui fanau te nei in kan la khawsak hun te pawh a lo thleng mial thei a, chumi thlen hma chuan, kan mihring hian mihring a tlin loh ni te pawh a lo in her chhuak in Fam khua kan in lawi san mai lo ang tih lah kan hre si lo.

Engpawh chu nise, Sona a inher rik ruala, ka lungphu a phut ve tawk tawk chhung hi chuan! Ka thiante in ni kumkhua ang, ka harsat mangan bakberh lai zawng zawng pawh a, min kal pel mai lo a, min khaichhuak tu ka thian te in ni si!...

CHAUH THUBARAWH

Harh duhlo mihring hian lalpa harhna ka dil che a
Thima tlangnel chungin "mi tungding rawh "
Ka ti a

Ke pen tumlo hian i kaih ka ngena,
Thlazar ngamlo chungin mupui anga thlawh ka zuama.

Lungpui ngheta in nghah chu him tawk lova ka hriat avangin ka damlai tiauvut chhunkhawmah hian nang "lungpui"meuh hi hunsawn che zu han tum thin che a.

Thup neiin ka inpuanga,
Thinlung thukru chungin thluakin ka fak che a,

Ka lairil zep chungin i lairil zen ka tum a,
Thlarau hi taksa in ka dawr che a,
Ringhlel chungin ka ring der che a.

Damna ringlo chungin damna ka puang a,
Hneha awm chungin hnehna ka puanga.

Thawpik chungin thawveng lem ka chang thin.
Thilsiam hian finna hmanga siamtu finfiah ka tum a,
Ka tehin,ka zirin ka hrilhfiah khanglang che a,
Hre fal thei bik angin ka in lantir a,
Ka rilru in i rilru ka rin sawi a.

Ka ngaihtuahna in i ngaihtuahna ka puanga,
Thilsiam hian a siamtu tiata inhampuar ka tum a,
Thuka ka inhriatna lai tak hi ilaka ka nepzia hrilhfiah na a ni.

Ka hriat phak loh zia che leh ka hrilhfiah phak rual inilo alo ni zawk.
Ka tehna mawl tak milin ka hnaih in ka hlat che a,
Sual reng chungin i hmaah that chang leh sual changte neiin ka inhria a.

Mi hriatna ni lovin ka hriatna milin i hma a inthlahrun chang leh tlangnel chang ka nei a.

Ka rinthu hi rinna emaw ka ti fo bawk.

Pangpar amawi mai ang leh naupang an nui mai ang hian.

Ka inthup chung pawh a min hmu vek tu hmuh a lanmawi tum khanglang lo hian ka nih ang hian lang ngam ila ka va ti em.

Lalpa mamawhna chang che hrelo khawpa mamawhtu che hian khawngaih tlak ka nih loh inhre chungin i khawngaihna ka ngena,

Ka engkim hian i engmah a phulo
"HMANGAIHNA"
Mai lo chu.

THAMRAL

Ni ěng mawi tak chuan
Thimna chu rawn luah lanin,
Khawvĕl hnĕnah ĕng a rawn
pe țhīn a.

Chutiang bawkin...
Ka hmangaihna ka hriatrengna
chu...
Ka hmangaihna tharin min
nghilh tir dawn ta a nih hi.!

Mahse...
A chhungril nun pawh
hrechiang hawt lova..
Hetianga ka hmangaih thei
a nih ngat chuan
Bel chiang ila engtiang takin
hmangaih ang i maw.!?

A sakruang leh sakhmel
mai pawhin
Ka khaw hmuh a tiphe zo a.

A chhūngril zia ka tem hunah
phei chuan..
Ka thinlung leh mit hi a va del
dawn ěm.!

Mahse...Chu chu
Ka duhthusam a ni si a.!!

🕶

I STILL WISH THE VERY BEST FOR YOU

A hunlai a ni nge ni lo..? ti a zawhna siam theih ni mahse..... He hla ropui leh ril zet ... Mizo mipuite a thu remkhawm leh tuahrem mawi leh nalh em em min hnut chhiahtu Pu Zirsangzela Hnamte in "Lawmzel tang e" tia biakfung a chawi na hi a va lungrun kher em..!

He hla hian vawin nileng in min zem a, min buan a, min thehthlu ta hnawp a nih ber hi maw....! keia nghaihtuahna vakvai hian a chhui ve ngial a.. a ropuina leh a ril zia erawh a pho chhuak zo dawn lo tih hre kur chung si hian ka thinlunga a tlaknat dan hi ka thup zo lo a nih tak hi le...

Ka ngaihthlak chian poh leh hmangaihna hi a lo va ngenngawlin a nun a lova tlawm chiang tak em aw, ka ti leh vawng vawng thin! Zirsangzela Hnamte em em hi chu tu’n an chhing zo ngai dawn lo a lo nih hi!

Hlim taka laitual an lendun lai hun leh hun hlimawm ber an chendun lai nite khan zamual an liam tawh. Hmangaihna erawhin mual a la liam si lo! Hmangaih nun khawhar tawp chuan ngenna a zawnga ngenna ngenngawl ber mai a chhamchhuak ta! "Aw vawikhat tal intawng leh i la, Hlimten laitual ka len ve nan; I anka nem vawikhat chauh tawng i la"........ vawi tam a ni lo... "vawikhat chauh ani" a ni a hmangaih thin hmel hmuh a, a nui hmel thlir a, a tawngkam mawi a tih em em thin ngaihthlak a, a sakruang a chul nin theih ngai loh han thlek leh a dil ni! Nimahsela, a hmangaih thin nia a hriat, nunnem zaidam ber mai khan a zia a lo thlak ta nge, hriatchianna chu hriatsualna zawkin a lo chhawn thin, a dilna tlawm tak chuan chhanna duhawm a phu ve a sin le..... Mahse, enteh mah heihi a sin a chhan let dan chu.. "Tia ka dil a thlawn mai maw lo ni?"

Zawhna a zawnga zawhna zawh chakawm loh tawp a zawh a ngai zui ta! Kum tam lemchanna nun em ni a hmangaih ber hian a lo hmanpui a, tawnhriat duhawm zawng zawngte pawh inlemna der mai mai em ni tih zawhna chu chemte luzuma tisa nem lai vih ang sawk sawk a na, thihna em thlen si lo a va ni chiang em! "Thuva ianga zaidam nunnem,
Nia ka lo hriat thin che kha; A der mai em lo ni bawihte,". Ni, a hmangaih beri kha zawng hmeichhia a zawnga hmeichhe nunnem ngilnei ber, thawk a lak zawng ngawt pawha inthlahrung mi, a tawng zawnga zah vanga sen ap ap thin, a thlarau chena zawiawi leh ngaihnobei, mi pawisawi ngai reng reng lo kha a ni si a! Chutiang mi chu misual tawpkhawk, nunrawnnaa khat anih zawng a tan rin a va har dawn ngai em... mahse! rin ngawt ai a chiang in a tawng miau si a........Rin theih lohna nun chuan Ngenna ngenngawl lo chhuah chhan hrilhriat chu a tihmakmawh a ni tih a hai lo, a hai mawlh lo! Kumpui tal tawp duhtaka a lo chul tawh hnu, hmangaih thumawi tinreng hlan tawh, a hringnuna tawnhriat duhawm ber a la tih fan chu vawikhat chauh han hmuh leh a chak em a tin a ni zawk.

A hnena lo kir leh a, an tunhma hun anga hmangaihte laituala hlimtawp vawrpui zawng a beisei ngam mawlh lo ve. Hmangaihna atanga lo chhuak mahni inphat a midang dah chungnunna, duhsakna tinrenga thuammawi, ngaihsakna tinrengte a cheimawi hmangin thenna thu chham chhuah a tum a ni zawk si a! A ngai thiam lo palh mai mai zawk a ni, a demawm mawlh loh! "I ngaithiam lo a ni e, lalnunnem, Lam ang let an ka beisei lo che a; I lungdumtu ka tlin si loh chuan,Hlimtea then ka tum zawk che a sin."
Hmangaihna chu insumtheihna tawp, dawhtheihna thuk ber, chhelna huaisen a thuam ni thin mah se lunglenna thlipui hrang lakah chuan a chan a tha thei ngai mawlh lo! A chak lohna bulpui ber pakhat, a hmelma kumhlun a tukdawl zawh ngai loh Lunglenna Hripui chu Hlimtea then a tumna chuan a kengtel tih erawh hria se a va duh tak em! "Kei zawng lunglen tuar tur reng hian maw, Khuanu’n mi duan a lo ni e;"
Zawhte pawh a hram a hram chuan pum puarna a hmu thin a, Ui pawn ek thing a tawng leh nge nge thin.

Mipa anih anga hmeichhia tawng tura Pathianin a siam chhan ngei pawh mawhchhiat chakawm a tihna lai takte hi na ka va tihpui em! La dang han tawng thin mah se, hmangaih liamta nena khaikhinna lo thleng thin chuan mittui a ko chhuak a, Aigupta hripui ten Aiguipta mite an sawisa rethei ang maiin a tawn thar apiangte chuan an sawisa ziah thin a ni si a!

"Hmangaih lungdi tawng thin mah i la, Ka tan tahna mai an chang leh thin!"

Thlahna thuchah hnuhnung ber hi hmangaihna atang lo chuan a lo chhuak thei ngai lovang! Hringnun thim vanglai ber, tawrhna chhumpui an chhah vanglai, tahna mittui a buaka an buak hawk hawk lai ngei chuan Hmangaihna chu Hmangaihna anihna a lo lang chhuak a, a eng zungzam mawi lutuk lakah tu hringfa hi nge chapova inluling thei ngai ang le?

Kei zawng hle lai chang hian William Shakespeare a Sonnet hmingthang ber te nena huang khata dahlohna chhan tur reng ka hre lo va...! John Keats-a hmangaihna tawngkam thlum ber berte aia an ropui lohna reng ka hmu bik lo ve....

"Aw le i lungdum tu ngei chu,Suihlung siin lo pawm ta la;Ka hmangaihna vang che hian maw;Hlim ten i len chuan lawm zel nang e......."

.........a ropuina hi keia ngaihtuahna chavai hian a pho chhuak zo ngang lo ni........
MIZO CHHULCHHUAK NGEI.. A ANPUI LEH TLUKPUI AWM THEI TAWH NGAI LO TUR, THANGTHARTE MIN CHAWMA MIN AWI TU... PU ZIRSANGZELA HNAMTE, He khawvelah awm tawh lo mahla e...i hnutchhiah rohlu te hian chawimawina leh ropuina Nopui a la chhawmzel dawn a nih hi le.......

[📃DAVID FANAI@Zinglam 1:14, Ni21,Khuangchawi Thla,2016]

Historically Fanai

Mizo zingah hian hnam hrang hrang kan in kat nuk a, nupa ah te insiam in laichin thar te leh chhungkhat ah kan in chhuah thin a.... He thil hi thil lawmawm tak leh vul chuk si lo Mizote in suihkhawmna kawnga rahbi pawimawh ber pakhat a ni ti ila, kan daw tam em lo vang chu maw.... He khawvel ramzau ah hian.... CHI leh Chi vang a buaina hrang hrang kan hria in kan tawng in kan mitui hial te pawh kan lo sen ve phah tawh a... Mahse ramdang ho buaina nen erawh bukna hmunkhata buk chi lah a niloh bakah , buk ngai khawpa buaina lian kan la tawk lo hi a lawmawm em em a ni.... Ni e, Engtikah mah Kan Mizona hi a ral dawn lo a, Mizo an tih zinga tang paihchhuah pawh kan ngai hek lo ang....
.
Mizoram chhungah emaw Zirna avanga emaw Hnathawh avang a ramdanga awmlai pawh nih rawh sek sek...Mizo kan ni tih hi inhrilhnawn a ngai hran lo... kan mut lai te, kan hnathawh lai te, engpawh ti in la nung ve a nih hrim pawh in Mizo tho kan la ni a, Hringnun chhiaha Piallei hnuai a kan zal thleng pawh in kan mizo nihna tuma phelh theih a ni lo.... Mizo nih i duh emaw duh lo emaw... I THISEN KHA MIZO THISEN ani kumkhua dawn a... Kan Mizona hi keimahni ngei pawh hian kan hlip in kal san theih a ni lo.
.
.
Ni e, Sailo hnam kan ni lo a, Mizo hnahthlak hnam pengkhat kan ni chuan ka hria, Mizo bai leh den te pawh kan chawhmeh tui tih ber pakhat a ni ve tho a, an tui tlan 'Zotui thiang' pawh kan 'Zotui thiang' hi a ni si. Kan tawng pawh Mizo tawng tho a ni a, mahse,kan hnam hming ah Sailo tih a chuang ve lo va. Kan hnam hming a hran deuh vang mai hian kan Mizona hmuhtleu sak kan ni ta! Mizo chhungkua nia inngai nghet tlat, Mizo tlawmngaihna pawh a neitu ni a inchhal chhal chhungkua chu "PAWIH MAI MAI" ti a, sel kan ni ta si..! Mizo ten hnam hla ti tih a kan hman chhoh tak,"Ro min rel sak ang che" tih pawh hi kan hnam hla ah kan pawm a, hnam dang in Mizote an hmuhsit chuan, Mizo mipuite rilru nat ang chen tho in kan lo na ve thin. Mizote inpui Mizoram lo chu kan tan inpui dang a awm chuang lo va. Mizo hla lo chuan kan lung a ti leng zo tak tak lo va,kan lunglen khawhar changa kan inhnemna ber pawh Mizo hla tho a ni a. Mizo nunphung leh kan nunphung chuan danglam na reng a nei lo a, Mizo chhungkaw pangai tak ni in kan inhria a, kan inhria mai a ni lo,Mizo kan nihzia chu zahpui hauh lo leh chhuang tak in kan nunpui zawk a sin.
"FANAI PAWIH THLAH IN NIH KHA,MIZO PAWH I NI LO..." tia, tawngkam dengkhawng tak taka tawng khum lo tawk tawhte pawh kan awm ve nuk in ka ring thin.... Tawrh a har thin tih erawh, kan zep tel zauh teh ang... Ni e, Minthlahtu bul chhui Sailo(DUHLIAN) ho ngei pawh hi... Khawchhak chhuak,Nupa kara tanga lo thanglian a ni bik lo a ni lawm ni...Hetia, Pawih mai mai tia, sel tu leh deusawh tu che kha eng hnam pawh ni se... Zah hauh suh la...a hriatloh em a vang zawka mawlna silhfen a in tuam, a nih thu i chhiah dawn nia......Mizote chiah hi Chhinlung chhuak tia inchhal hnam kan ni. Chhinlung chhuak ti a inchhal tawh phawt chu Mizo kan ni mai lawm ni."Mizo i ni lo Fanai, Pawih mai mai" in ti tur bik kan awm chuang lo a,kan hnam chhungkua ah chuan hnam entleu na leh Mizo lo bik nia in ngaihna hi awm lo se. Hnam inpumkhat ni zel i la,Chutiang a kan kal thei a nih ngat chuan, Ram leh hnam hian hma a sawn ngei in ka ring.........
.
[Pic Inset : (He data hi ka hmuhtheih leh khawnkhawm a tangin ka FANAI UNAUTE tan ti in kan share tawp mai che u aw....)
FANAI upaten min thlahtu hming an hriat hlat ber chu "THATINKUALA" ni in, fapa panga a nei a Chungte chu: HNIARTHUL-A, HNIARCHENG-A, CHENHRANG-A,BAW
IHTLUNG-A, KHENZACHHAWK-A te an ni a.. KHENZACHHAWK-A hian fa pali nei leh in: HLAWNDAWHTHANG-A, ZAHAM-A, Ngunhnu-I, ZACHHUMA-A te an ni a.. ZACHHUM-A chuan Tluangzachhawn-a leh FANAI-A te a hring leh a. Tichuan, FANAI-A chuan fa pasarih( anupui fa chuam leh Fanaia fa chuam tel in) a nei leh a : HRANGTLING-A, ZAREP-A, TOREL-A, THAAI-A,PAKHUP-A,KHINTIN-A(Fanai-a fa chaum), CHHUNCHHIR-A (a nupui fachaum) te an ni a.
.
Tichuan,Fanai hnam ah hian , hnampeng sawmpakhat kan lo awm ta ni : Fanaia unaute pali, HNIARTHUL,HNIAR
CHENG,CHENHRANG,BAWIHTLUNG te leh a fate HRANGTLING, ZAREP, TOREL, THAAI, PAKHUP, KHINTIN,, CHHUNCHHIR.]

Jan 30 · FANAI INPUI · in Photos from David Lr Fanai Mcf's post in FANAI INPUI
June 10 at 3:27am