IHH.... SINGLE MAWLH HI

SINGLE HI
Khaaa...tiang zawng khan ka sawi dawn lova,
Heee...tiang zawng lah in ka sawi dawn hek lo.
Ka sawi dan tur chu hei mai te hi a ni;
Single hi, "Ngaih loh habal chhem," ang deuh a ni, nuam ve deuh reuh hrehawm deuh reuh.
.
Ni! Dip leh daltu kan nei lova, mitmei ven tur lah kan nei hek lo. Sawi a, seltu tur lah kan nei lova, kan duhthalin nun a zalen a, duhlengin nun khua kan chhaih thei ṭhin.
Mahse, rualduh kawplai sakhmel tawn changin, nun aruakin kan mal a ni tih kan hrethar leh ṭhin lawi si!
.
Kawppui tur hi riahbuk thing fawma fawm nawk nawk chi a ni lo va, in pem buh bel nawk nawk mai lah a fuh na hek lo.
Ni! Mi tana ṭha hi kan tan an tha kher lo va, kan tana ṭha lah mi tan an ṭha kher hek lo!
.
Thlanghar tui luan ang maia sakhmeltha eng pheu mai hian mit an la a ni thei e, mahse nat leh hliam, thik leh ṭitoh reng reng a hringnun kan chhiar leh si chuan, hremhmun pate a ni ringawt dawn si!
.
Ni e, Kawppui tur hi tumbu thuk thawlh ang thial mai pawh nise, thinlung a inmila kan tleipui a, min hlimpui theih phawt chuan an aia hlu an awm chuang lo ve.
.
Chuan ka sawitum chu,
Single hi Ngaih loh habal chhem ang deuh, nuam ve deuh reuh hrehawm deuh reuh... 😁😏

Tuma TYPE lo mihring; hmel leh thiamna lama hmachhuan tur nei lo.. Vengkhat ah pawh veng kil khawr a cheng hian mihring nun hi chang chuan mak a ti thin!!!

Hmangaihte tluka min tihlim thei thildang enge awm chuang ang le...!!

Lungkham dang zawng zawng theihnghilh a, hmangaihte lungphu han inchhawntawn det det thin te, hmeichhia a hmangaih tanga lungchim taka a'n thaw ri sek sek mai thin te, Tuahremtu khuanu duan dan a, hmeichhe-kulh kawngka ril ber hawng a, Mipa, hmeichhe tanga an chawl zawi hnak mai thinte🙈 aia hringnun hlimna thlenthei thildang enge awm chuang ang le...?

Hmangaihte avang chuan kan hmuhtheih chin khawvel hi kan pal ve pawp pawp ngam a..Dawihzep hle mah ila... an bulah chuan Keipui rawl chhuah ngam khawp in kan huaisen fo a ni lawm ni.. kan neih hlu ber nunna ngei pawh hlan kan in huam thin a nia... a chhan engdang nge ni chuang ang!!!?

kan hmangaihna hi Buklung a kan hman a vang in  mahni ngei pawh kan in buk tling zo ta thin lo alo nih teh hrep hi aaa.!.
😘🙈

Ani chu ka hmangaiha, mahse chu chuan ka ta anih tir thei chuang silo..ka ngaiin ka thlahlel a..chu chuan ka kiangah a awm tir thei chuang silo..duhthusamte chu ka thian ani a. beiseina chu ka chhungkua ani a..a tello in tlei zo mah ila..A tello va ka awm angai tho si a..

Duhtak, kan hringnun thawnthu hi eng ang chiaha rei nge hun kan neih dawn ka hrelo va, eng ang chiahin nge a tawp kan khar dawn tih lah ka hre hek lo!

Eng ang chiaha buaina chhum dumin nge rawn chim dawn ka hrelo va, eng ang chiah a hlimna zarhliap hlim hnuaiah nge Ni kan chhiar ṭhin dawn tih lah ka hre hek lo.

Eng ang chiaha harsatna thlipuiin nge rawn nuai dawn ka hrelo va, eng ang chiaha hlimna chunga lungngaihna inchherchhuan nge kan tawngbuak dawn tih lah ka hre hek lo.

I tiamthute kha vandumpawl thiangkuk karahte khian, hnawl hnu leh hnutchhiah hnu ang maiin an thamral vel mai mai dawn em tih lah ka hre hek lo.

Ni! Ka hrelo takzet.
Mahse, ka hriat chhun chu hei chauh hi a ni, 'ka ngai che' tih hi.

.
Hmangaihna tuipui hi avan mak ngai em, a chimpil nasat a piang an damrei ṭhin si a.

WHY!??

Why did we're fall apart,
And for a thousand years to say that i miss you,
And i pray to God everynight,
And i asked both you and i could be forever..

Everynight i pray for you,
Everyday i think of you,
Everynight ive dreamt of you,
But you left me all alone,

After all im sorry for the pillow for a lot of tears,
And for the brain for uploading a million thoughts,
And the last time i sorry for my heart,
Which ive made it break,,,
And would it make difference if you know that i still cares you??

Tears fall from these eyes
You make me so broken
And you left me all alone.

LABYRYNTH

Hmangaihna hi chu a mak ani

Vansangah an leng a,

Hmabak an dawn lo,

Virthli te nen lung an rual a,

Hnunglam an hawi lo!

Tui pui kamah te chuan,

Pangpar a vul a,

Par tin lawr a zai in,

Len lai an chen nia!

Lungngaih tuar lova,

Lunngkham nei lo a,

An leng ka thlirin,

Tel ve ka chak thin!

Sirva zai mawi te kiangah chuan....!

Mizo Alphabet leh letter 'Ṭ'

Mizo alphabet siam kum leh a siamtute ka hre mai lo va, engpawh chu ni se alphabet min siamsaktute kha an chhuanawm hle a ni. Mahse, kan alphabet-ah hian kan hman ngai lêm loh letter hnih a awm a, G leh J hi an ni. Hê letter hnih hi hmang vak lo mah ila hnam hming ziah nân kan hmang ṭhin a, a bikin Mizoram hmar lamah hian an hmang nasa deuh bikin ka hria. Kan alphabet-a a tel miau sî avang hian G leh J hmanna thumal hi mizo ṭawng dik lo a tih ngawt theih bik loh. Mahse, kan alphabet-ah hian lo tel lo law law sê tih châng chu ka nei ṭhin.

 Mizo kan ni a, kan alphabet hi chu mizo hnam awm chhûng hi chuan kan hman reng a rinawm tawh a. Chuvangchuan, kan alphabet-a "Ṭ" hi kan hlamchhiah thiang ngawt lo. Ṭ hmanna tura T han hman zêl mai pawh hi a fuh lo va, mizo ṭawng chhiar a harsat phah ṭhin. "Kan khaw mipui kan ṭâm", tih tura, "Kan khaw mipui kan tam", tî-a kan type chuan a kawh a dang daih thei. Chuvang tak chuan, kan thil chhut (type)-ah hian Ṭ hi a hmanna turah chuan a dikin hmang thei ila, T hnuaia chhut han ngat hi hmang zel ila, mizo ṭawng chhiar a nawm phah êm êm dawn a ni.

Mizoram nî tin chanchinbû hlunah te hi chuan an thuziah-ah reng reng hian an tisual palh te a nih loh chuan Ṭ aiah T an hmang tawh ngai lo va. Vanglainiphei chuan an website-ah pawh Ṭ hi an hmang thlap thlap tawh a ni. A dika hmang duh sî, mahse a tih dân hre si lo a awm theih a, chû'ngte tân chuan hawrawp kan type dâwna mizo alphabet-a Ṭ/ṭ hman dân hi kan sawi dâwn a ni. Ṭ mai bakah hian mizo alphabet-a vowels (a,e,i,u)-a thlûkna dah dân pawh kan sawi tel nghal ang.

A hmasa berah chuan Microsoft Keyboard Layout Creator hmanga keyboard ka siam danglam MizoFont hi download a ngai.

DOWNLOAD

(243 kb)

I download zawhah .rar file khi i unzip/extract ang a, chumi zawh-ah i unzipped folder chhungah khan a hnuai berah setup.exe tih a lo awm ang a, chumi chu i click ang a, i install ang.

I install zawh fel hnuah i windows taskbar ding lamah a hnuaia mi ang khuan ENG US tih i hmu ang. I install a zawhfel hnu pawha a la rawn lang lo a nih chuan i computer i restart ang a, a rawn lang ve mai ang. A rawn lan tawh chuan, i click ang a, "MizoFont" tih zawk hi i thlang leh ang.

Windows 10-a a lan dân

MizoFont i hmanlai hian square bracket ([ ]) te hi i hmang duh mai thei a, chutiang hunah chuan taskbar aṭang khian US Keyboard-ah i dah let leh zeuh mai ang.

MizoFont Keyboard hman dan:

Character	Name	Keyboard
Ṭ	T with dot below	]
ṭ	small letter T with dot below	[
Ț	Capital letter T with comma below	|
ț	Small letter T with comma below	\
₹	Indian Rupee symbol	`

Type chhinna tûr:  

A chunga table ka târlan aṭang hian keyboard hman dân tur chu a hriatthiam theih mai ka ring. Mahse Ṭ leh ₹ chauh khi chuan mizo alphabet a la famkim bik lo va. Mizo alphabet vowels-a thlûkna (circumflex) dah dân hi kan hriat leh a ṭha a ni. MizoFont keyboard-ah hian vowels pawh hi a thlûkna a dah tel theih tho va, mahse, vowels dah kim tur chuan keyboard-a character hman ṭhan loh ho pawh hian a daih dawn si lo va, chuvangchuan character shortcut kan hman mai a ngai dawn a ni. Character shortcut key pangngai hi kan hre bel thei a nih chuan keyboard khawih danglam hman ai chuan a ṭha zawk bawk, a chhan chu eng font pawh hmang la, thlûkna hi a awm thei vek dawn a ni.

Mizo Vowels Thlûkna Shortcut:

Character	Name	Keyboard
Â	capital letter A with circumflex	Alt + 0194
â	small letter A with circumflex	Alt + 131
Ê	capital letter E with circumflex	Alt + 0202
ê	small letter E with circumflex	Alt + 136
Î	capital letter I with circumflex	Alt + 0206
î	small letter I with circumflex	Alt + 140
Û	capital letter U with circumflex	Alt + 0219
û	small letter U with circumflex	Alt + 150

Type chhinna tûr:   

MizoFont-a Ṭ leh ṭ hi font font tam zawkah chuan a hman theih loh mai theih a. Ṭ (Latin small letter T with dot below) keng tel font hman a ngai. Ț (Latin letter T with comma below) hi chu eng font-ah pawh hian a hman theih vek a, chuvangchuan, Ṭ support ve lo font hman duh hunah a ṭangkai ringin ka dah tel ve a ni. Ṭ (Latin small letter T with dot below) keng tel font langsâr zual deuhte ka han târlang ang e:

1. Arial
2. Cabin
3. Calibri
4. Cambria
5. Lato
6. Open Sans
7. Segoe UI
8. Times New Roman
9. etc

(i fonts neihho-ah khan han test ve la, i font-in a support leh support loh chu awlsam deuhin i hre thei ang)

Hê keyboard ka siam hi chanchinbû-ah te kan hman fo ṭhin VNT Times te nen hian a kalphung a inang lo va, hê font hi chuan a huang zau zawk a ni. VNT font te hi chu web-ah a hman ve theih loh va. Blog te, website te leh facebook-ah te Ṭ hi a dik takin i hmang thlap thlap duh a nih chuan hemi keyboard hi i hman a ngai ang. Hriat fiah loh leh zawh belh duh i neih chuan comment lamah khuan min lo zâwt mai dawn  nia   

Andoid Phone a Ț/ț hman dan

Mizo keyboard Andoid a hman tur a download mai theih bawk e..

Mobile hmanga Mizo țawng chhut dawn hian Ț/ț hi kan problem a ni tlangpui a. Mahse hei hi chu Android default keyboard tam zawkah chuan awlsam te a chinfel theih a. Mizo accent letter : Áá - Ââ - Àà - Éé- Êê - Èè - Íí - Îî - Ìì - Óó - Ôô - Òò - Úú - Ûû - Ùù te hi chu Android OS hniam lutuk ni lovah chuan a alphabet zel long press in option a lo pop a, accent letter hman duh ber select mai theih a ni tih hi hre lo kan awm takin zep tel ta ila..

Tin, accent letter hi hmandan la hre lo awm theih a ni si a, a hmanna tur sawi tel law law ta ila:
- 'á' ang chi hi chu thluk san chhoh chi a hman a ni a..
- 'â’ ang chi hi chu thluk sán a tlahniam leh chi ah...
- 'à' ang chi hi chu thlûk hniam thlak chi atan hman a ni..
Tichuan a dang ho pawh khi a fiah sa mai awm e.. Mahse a nawlpui chuan thluk sán chhoh a tlahniam leh chi, i.e. âêîôû, ang chi bak hi kan hmang lem lo..

Ț/ț chu engtia chhut tur nge?
Mizo țawng alphabet ah chuan ’Ț/ț' hi a dik lova, a hnuaiah thaikawi ni lova chhunhan awm tur a ni a. Mahse chu alphabet chu hmang ve an awm loh vang leh a ang teuh ber Romania lamin an lo hmansa 'Ț/ț' hi kan hmang tlanglawn ta mai a ni..

Mizo Android Keyboard chhuak tawh zawng zawng pawn 'Ț/ț' tho an hman zel takah chuan heng keyboard install buai ngai lova, system memory leh RAM hek lo zawk a ’Ț/ț' chhut dan chu hei le...

•  Menu » Settings » Language & Input » Android Keyboard settings ah khan lut la (Picture a mi ah hi chuan keyboard hming zawna 'logo' lem hi), Input Languages ah lut leh la, use system languages tih lo in tick/check kha cancel (untick/uncheck) phawt rawh.

• A hnuaia language list ațang khan English (US or UK i duh ber kha ni mai) leh Romanian kha (a awm ve loh chuan i OS in a support ve lo a ni mai) tick/check la back keuh rawh.

• Tichuan language switch dan tur i duh leh settings ațang khan set belh keuh la, țul kher lo i tih chuan step 4 ah i kal mai dawn nia.

• Mizo țawng thlukna hi a nazawngin kan hmang sise lem lo bawk a, default ah Romanian zawk kha hmang la, tichuan 'T/t' longpress in 'Ț/ț' i select keuh thei tawh ang..

• Mizo accent letter 'Ââ-Êê-Îî-Ôô-Ûû' ang ho i chhut duh hunah language switch dan i set chuan awlsam tein a switch key hmetin i switch tawn zung zung thei ang. I set fel lo emaw, a set ve theih loh a nih chuan step 6 ang hian i switch mai dawn nia.

• Text type na tur box a i click apiangin notification bar ah keyboard lem a lo lang ang a. Kha kha han click in i switch zung zung thei bawk ang

Custom keyboard hi chu hman thiam a har tlangpuia, pro version lo phei chu hman a nuam lo tlangpui bawk nen, Kan lo h