MIFINGTE KAMCHHUAK

1. Nun hi zir zui lova a taka hman a ni- LeGouve

2. A tak a tih hian hlimna a rawn thlen fo lo. Mahse tihloh chuan hlimna a awm lo. - Benjamin Disraeli

3. Mawl zawh poh leh mahni thu duh a na ting mai a ni. - Sir William Osler

4. Mi huaisen eaw Mi vannei emaw chuan awhna an tuar thei thin. -Publilius Syrus

5. Thluak awm mai mai hi Setana hnathawhna hmun a ni. -John Ray

6. Mi a beiseina i lak bo chuan ramsa ah i siam tihna a ni. - Darnell G.Neister

7. Engpawh lo thleng se beiseina leh rinna hi hloh ngai suh.- William L. Brownell

8. Sawi leh a tak a tih kar hi hla tak a ni. - French thufing

9. Mi chu a tawng atangin man a ni a, Bawngpa chu a ki atangin.- Russian Thufing

10. Mi taima tan thil harsa a awm lo. - Chinese thufing

11. Incheina hian nunrawnna aiin thil a ti thei. -Latin thufing

12. Mi chu a hlawhchhamna chhiar rheih a nih chuan mi ropui a ni. -Hebrai thufing

13. Riltam lai chuan thil tuilo pawh a tui vek. - Italian Thufing

14. Mi sakhaw neilo chu sakawr chuan chhan neilo ang a ni. - Latin Thufing

15. Ni khawthlang lama chhuak kan hmu ngai lo. - Japanese Thufing

16. Thingphuntu chuan a bula awmte a hmangaih chawk.. - English Thufing

17. Mi rinawm, Rilru harhfim tak si chuan engmah hlauh a nei lo. -Joseph Addison

18. Mi satliah tam tak ai chuan mi rinawm tlemte an hlu zawk. - Oliver Cromwell

19. Sim chuanglo ngaihdamna chu tui chunga milem ziah ang a ni. - Japanese Thufing

20. Midang chu ngaidam fo la, Nangmah chu in ngaidam ngai suh. - Publilius Syrus

21. Inthianthatna chu hlawk tum lo mi intluk pahnih te neih chi a ni. -Oliver Goldsmith

22. I nun a inthlak hian khawvel a inthlak a ni. -Thomas L. Johns

23. Midangte thatna tura mahni inphat ngamna hian kan tan midangte a inphat tir ve thei thin a ni.- G.B Shaw

24. Hmangaihna hian a pe tu leh a dawngtu a tidam thin. -Karl Menninger

25. Thurawn zawmtu chu a petu aiin an fing zawk.. -Churton Collins

26. Mi thi tur hian thudik an sawi chawk. - Matthew Arnold

27. Tih tur paul tih kawnga engkim huama thuawihna hian hmasawnna bul a ni. - Smile

28. Miin khawngaihna a dawn zawh poh leh a inngaitlawm ang. - Spurgeon

29. Mi dinhmuna i din ve phawt loh chuan sawisel ngawt suh. - Rabbi Hillet

30. Khawngaihna tello chuan mi sawisel suh. -Anne Mecaffry

31. Mi tanpui inpeihte chauh hian sawisel theihna an nei.- Abraham Lincoln

32. Mi a te chuan midangte diklohna an hria a, Anmahni diklohna chu an theihnghilh tin. -Cicero

33. I rilrua tha i tih ang chu ti mai rawh. Eng kawng pawhin sawisel i ni ang.. -Eleanor Roosevelt

34. Mi sawiselna che chu a dik chuan insiamtha la, A dik loh chuan nui rawh.. - Epictetus

35. Ram tin hian sawrkar mahni phu tawk theuh an nei a ni. - Joseph De Maistre

36. Thil tha lo sim dan tha ber chu thlah hmiah a ni mai. - C. Grant

37. Zahngaihna dawn i duh em? I thenawm hnehah zah ngai rawh. -John Chrysostom

38. I hnain thuneihna a pe che a, I nungchangin zahawmna. - Irwin Federnman

39. Hmeichhe pahnih inthian tha tak karah hian inphiarrukna a thleng chawk.- Alphonse Karr

40. Thalai tumah thi mai thei tura inngai an awm lo. - William Hazlitt

IN HLU....

A lo rei ve ta hle mai a.....Hringnun hi chu a mak a ni, Lehkhathiam eng ang te pawn an chhiar thiam loh ni!!!

Damreng chung si hian kan inthen a ngaih hun a awm a!

Damreng chung si hian Kan awm ho thei tawh lo a.

Damreng chung si hian Kan nui ho thei lo a.

Damreng chung si hian kan harsatna ah kan in pui thei tawh lo a.

Damreng chung si hian Fam ngaih tak ngaih chang lah a tam.

Damreng chung si hian Biak mai theih kan tawn loh chang lah a tam.

Nakin lawk ah chuan, khuanu malsawmna te dawng in Nupui fanau te nei in kan la khawsak hun te pawh a lo thleng mial thei a, chumi thlen hma chuan, kan mihring hian mihring a tlin loh ni te pawh a lo in her chhuak in Fam khua kan in lawi san mai lo ang tih lah kan hre si lo.

Engpawh chu nise, Sona a inher rik ruala, ka lungphu a phut ve tawk tawk chhung hi chuan! Ka thiante in ni kumkhua ang, ka harsat mangan bakberh lai zawng zawng pawh a, min kal pel mai lo a, min khaichhuak tu ka thian te in ni si!...

CHAUH THUBARAWH

Harh duhlo mihring hian lalpa harhna ka dil che a
Thima tlangnel chungin "mi tungding rawh "
Ka ti a

Ke pen tumlo hian i kaih ka ngena,
Thlazar ngamlo chungin mupui anga thlawh ka zuama.

Lungpui ngheta in nghah chu him tawk lova ka hriat avangin ka damlai tiauvut chhunkhawmah hian nang "lungpui"meuh hi hunsawn che zu han tum thin che a.

Thup neiin ka inpuanga,
Thinlung thukru chungin thluakin ka fak che a,

Ka lairil zep chungin i lairil zen ka tum a,
Thlarau hi taksa in ka dawr che a,
Ringhlel chungin ka ring der che a.

Damna ringlo chungin damna ka puang a,
Hneha awm chungin hnehna ka puanga.

Thawpik chungin thawveng lem ka chang thin.
Thilsiam hian finna hmanga siamtu finfiah ka tum a,
Ka tehin,ka zirin ka hrilhfiah khanglang che a,
Hre fal thei bik angin ka in lantir a,
Ka rilru in i rilru ka rin sawi a.

Ka ngaihtuahna in i ngaihtuahna ka puanga,
Thilsiam hian a siamtu tiata inhampuar ka tum a,
Thuka ka inhriatna lai tak hi ilaka ka nepzia hrilhfiah na a ni.

Ka hriat phak loh zia che leh ka hrilhfiah phak rual inilo alo ni zawk.
Ka tehna mawl tak milin ka hnaih in ka hlat che a,
Sual reng chungin i hmaah that chang leh sual changte neiin ka inhria a.

Mi hriatna ni lovin ka hriatna milin i hma a inthlahrun chang leh tlangnel chang ka nei a.

Ka rinthu hi rinna emaw ka ti fo bawk.

Pangpar amawi mai ang leh naupang an nui mai ang hian.

Ka inthup chung pawh a min hmu vek tu hmuh a lanmawi tum khanglang lo hian ka nih ang hian lang ngam ila ka va ti em.

Lalpa mamawhna chang che hrelo khawpa mamawhtu che hian khawngaih tlak ka nih loh inhre chungin i khawngaihna ka ngena,

Ka engkim hian i engmah a phulo
"HMANGAIHNA"
Mai lo chu.

THAMRAL

Ni ěng mawi tak chuan
Thimna chu rawn luah lanin,
Khawvĕl hnĕnah ĕng a rawn
pe țhīn a.

Chutiang bawkin...
Ka hmangaihna ka hriatrengna
chu...
Ka hmangaihna tharin min
nghilh tir dawn ta a nih hi.!

Mahse...
A chhungril nun pawh
hrechiang hawt lova..
Hetianga ka hmangaih thei
a nih ngat chuan
Bel chiang ila engtiang takin
hmangaih ang i maw.!?

A sakruang leh sakhmel
mai pawhin
Ka khaw hmuh a tiphe zo a.

A chhūngril zia ka tem hunah
phei chuan..
Ka thinlung leh mit hi a va del
dawn ěm.!

Mahse...Chu chu
Ka duhthusam a ni si a.!!

🕶

I STILL WISH THE VERY BEST FOR YOU

A hunlai a ni nge ni lo..? ti a zawhna siam theih ni mahse..... He hla ropui leh ril zet ... Mizo mipuite a thu remkhawm leh tuahrem mawi leh nalh em em min hnut chhiahtu Pu Zirsangzela Hnamte in "Lawmzel tang e" tia biakfung a chawi na hi a va lungrun kher em..!

He hla hian vawin nileng in min zem a, min buan a, min thehthlu ta hnawp a nih ber hi maw....! keia nghaihtuahna vakvai hian a chhui ve ngial a.. a ropuina leh a ril zia erawh a pho chhuak zo dawn lo tih hre kur chung si hian ka thinlunga a tlaknat dan hi ka thup zo lo a nih tak hi le...

Ka ngaihthlak chian poh leh hmangaihna hi a lo va ngenngawlin a nun a lova tlawm chiang tak em aw, ka ti leh vawng vawng thin! Zirsangzela Hnamte em em hi chu tu’n an chhing zo ngai dawn lo a lo nih hi!

Hlim taka laitual an lendun lai hun leh hun hlimawm ber an chendun lai nite khan zamual an liam tawh. Hmangaihna erawhin mual a la liam si lo! Hmangaih nun khawhar tawp chuan ngenna a zawnga ngenna ngenngawl ber mai a chhamchhuak ta! "Aw vawikhat tal intawng leh i la, Hlimten laitual ka len ve nan; I anka nem vawikhat chauh tawng i la"........ vawi tam a ni lo... "vawikhat chauh ani" a ni a hmangaih thin hmel hmuh a, a nui hmel thlir a, a tawngkam mawi a tih em em thin ngaihthlak a, a sakruang a chul nin theih ngai loh han thlek leh a dil ni! Nimahsela, a hmangaih thin nia a hriat, nunnem zaidam ber mai khan a zia a lo thlak ta nge, hriatchianna chu hriatsualna zawkin a lo chhawn thin, a dilna tlawm tak chuan chhanna duhawm a phu ve a sin le..... Mahse, enteh mah heihi a sin a chhan let dan chu.. "Tia ka dil a thlawn mai maw lo ni?"

Zawhna a zawnga zawhna zawh chakawm loh tawp a zawh a ngai zui ta! Kum tam lemchanna nun em ni a hmangaih ber hian a lo hmanpui a, tawnhriat duhawm zawng zawngte pawh inlemna der mai mai em ni tih zawhna chu chemte luzuma tisa nem lai vih ang sawk sawk a na, thihna em thlen si lo a va ni chiang em! "Thuva ianga zaidam nunnem,
Nia ka lo hriat thin che kha; A der mai em lo ni bawihte,". Ni, a hmangaih beri kha zawng hmeichhia a zawnga hmeichhe nunnem ngilnei ber, thawk a lak zawng ngawt pawha inthlahrung mi, a tawng zawnga zah vanga sen ap ap thin, a thlarau chena zawiawi leh ngaihnobei, mi pawisawi ngai reng reng lo kha a ni si a! Chutiang mi chu misual tawpkhawk, nunrawnnaa khat anih zawng a tan rin a va har dawn ngai em... mahse! rin ngawt ai a chiang in a tawng miau si a........Rin theih lohna nun chuan Ngenna ngenngawl lo chhuah chhan hrilhriat chu a tihmakmawh a ni tih a hai lo, a hai mawlh lo! Kumpui tal tawp duhtaka a lo chul tawh hnu, hmangaih thumawi tinreng hlan tawh, a hringnuna tawnhriat duhawm ber a la tih fan chu vawikhat chauh han hmuh leh a chak em a tin a ni zawk.

A hnena lo kir leh a, an tunhma hun anga hmangaihte laituala hlimtawp vawrpui zawng a beisei ngam mawlh lo ve. Hmangaihna atanga lo chhuak mahni inphat a midang dah chungnunna, duhsakna tinrenga thuammawi, ngaihsakna tinrengte a cheimawi hmangin thenna thu chham chhuah a tum a ni zawk si a! A ngai thiam lo palh mai mai zawk a ni, a demawm mawlh loh! "I ngaithiam lo a ni e, lalnunnem, Lam ang let an ka beisei lo che a; I lungdumtu ka tlin si loh chuan,Hlimtea then ka tum zawk che a sin."
Hmangaihna chu insumtheihna tawp, dawhtheihna thuk ber, chhelna huaisen a thuam ni thin mah se lunglenna thlipui hrang lakah chuan a chan a tha thei ngai mawlh lo! A chak lohna bulpui ber pakhat, a hmelma kumhlun a tukdawl zawh ngai loh Lunglenna Hripui chu Hlimtea then a tumna chuan a kengtel tih erawh hria se a va duh tak em! "Kei zawng lunglen tuar tur reng hian maw, Khuanu’n mi duan a lo ni e;"
Zawhte pawh a hram a hram chuan pum puarna a hmu thin a, Ui pawn ek thing a tawng leh nge nge thin.

Mipa anih anga hmeichhia tawng tura Pathianin a siam chhan ngei pawh mawhchhiat chakawm a tihna lai takte hi na ka va tihpui em! La dang han tawng thin mah se, hmangaih liamta nena khaikhinna lo thleng thin chuan mittui a ko chhuak a, Aigupta hripui ten Aiguipta mite an sawisa rethei ang maiin a tawn thar apiangte chuan an sawisa ziah thin a ni si a!

"Hmangaih lungdi tawng thin mah i la, Ka tan tahna mai an chang leh thin!"

Thlahna thuchah hnuhnung ber hi hmangaihna atang lo chuan a lo chhuak thei ngai lovang! Hringnun thim vanglai ber, tawrhna chhumpui an chhah vanglai, tahna mittui a buaka an buak hawk hawk lai ngei chuan Hmangaihna chu Hmangaihna anihna a lo lang chhuak a, a eng zungzam mawi lutuk lakah tu hringfa hi nge chapova inluling thei ngai ang le?

Kei zawng hle lai chang hian William Shakespeare a Sonnet hmingthang ber te nena huang khata dahlohna chhan tur reng ka hre lo va...! John Keats-a hmangaihna tawngkam thlum ber berte aia an ropui lohna reng ka hmu bik lo ve....

"Aw le i lungdum tu ngei chu,Suihlung siin lo pawm ta la;Ka hmangaihna vang che hian maw;Hlim ten i len chuan lawm zel nang e......."

.........a ropuina hi keia ngaihtuahna chavai hian a pho chhuak zo ngang lo ni........
MIZO CHHULCHHUAK NGEI.. A ANPUI LEH TLUKPUI AWM THEI TAWH NGAI LO TUR, THANGTHARTE MIN CHAWMA MIN AWI TU... PU ZIRSANGZELA HNAMTE, He khawvelah awm tawh lo mahla e...i hnutchhiah rohlu te hian chawimawina leh ropuina Nopui a la chhawmzel dawn a nih hi le.......

[📃DAVID FANAI@Zinglam 1:14, Ni21,Khuangchawi Thla,2016]

Historically Fanai

Mizo zingah hian hnam hrang hrang kan in kat nuk a, nupa ah te insiam in laichin thar te leh chhungkhat ah kan in chhuah thin a.... He thil hi thil lawmawm tak leh vul chuk si lo Mizote in suihkhawmna kawnga rahbi pawimawh ber pakhat a ni ti ila, kan daw tam em lo vang chu maw.... He khawvel ramzau ah hian.... CHI leh Chi vang a buaina hrang hrang kan hria in kan tawng in kan mitui hial te pawh kan lo sen ve phah tawh a... Mahse ramdang ho buaina nen erawh bukna hmunkhata buk chi lah a niloh bakah , buk ngai khawpa buaina lian kan la tawk lo hi a lawmawm em em a ni.... Ni e, Engtikah mah Kan Mizona hi a ral dawn lo a, Mizo an tih zinga tang paihchhuah pawh kan ngai hek lo ang....
.
Mizoram chhungah emaw Zirna avanga emaw Hnathawh avang a ramdanga awmlai pawh nih rawh sek sek...Mizo kan ni tih hi inhrilhnawn a ngai hran lo... kan mut lai te, kan hnathawh lai te, engpawh ti in la nung ve a nih hrim pawh in Mizo tho kan la ni a, Hringnun chhiaha Piallei hnuai a kan zal thleng pawh in kan mizo nihna tuma phelh theih a ni lo.... Mizo nih i duh emaw duh lo emaw... I THISEN KHA MIZO THISEN ani kumkhua dawn a... Kan Mizona hi keimahni ngei pawh hian kan hlip in kal san theih a ni lo.
.
.
Ni e, Sailo hnam kan ni lo a, Mizo hnahthlak hnam pengkhat kan ni chuan ka hria, Mizo bai leh den te pawh kan chawhmeh tui tih ber pakhat a ni ve tho a, an tui tlan 'Zotui thiang' pawh kan 'Zotui thiang' hi a ni si. Kan tawng pawh Mizo tawng tho a ni a, mahse,kan hnam hming ah Sailo tih a chuang ve lo va. Kan hnam hming a hran deuh vang mai hian kan Mizona hmuhtleu sak kan ni ta! Mizo chhungkua nia inngai nghet tlat, Mizo tlawmngaihna pawh a neitu ni a inchhal chhal chhungkua chu "PAWIH MAI MAI" ti a, sel kan ni ta si..! Mizo ten hnam hla ti tih a kan hman chhoh tak,"Ro min rel sak ang che" tih pawh hi kan hnam hla ah kan pawm a, hnam dang in Mizote an hmuhsit chuan, Mizo mipuite rilru nat ang chen tho in kan lo na ve thin. Mizote inpui Mizoram lo chu kan tan inpui dang a awm chuang lo va. Mizo hla lo chuan kan lung a ti leng zo tak tak lo va,kan lunglen khawhar changa kan inhnemna ber pawh Mizo hla tho a ni a. Mizo nunphung leh kan nunphung chuan danglam na reng a nei lo a, Mizo chhungkaw pangai tak ni in kan inhria a, kan inhria mai a ni lo,Mizo kan nihzia chu zahpui hauh lo leh chhuang tak in kan nunpui zawk a sin.
"FANAI PAWIH THLAH IN NIH KHA,MIZO PAWH I NI LO..." tia, tawngkam dengkhawng tak taka tawng khum lo tawk tawhte pawh kan awm ve nuk in ka ring thin.... Tawrh a har thin tih erawh, kan zep tel zauh teh ang... Ni e, Minthlahtu bul chhui Sailo(DUHLIAN) ho ngei pawh hi... Khawchhak chhuak,Nupa kara tanga lo thanglian a ni bik lo a ni lawm ni...Hetia, Pawih mai mai tia, sel tu leh deusawh tu che kha eng hnam pawh ni se... Zah hauh suh la...a hriatloh em a vang zawka mawlna silhfen a in tuam, a nih thu i chhiah dawn nia......Mizote chiah hi Chhinlung chhuak tia inchhal hnam kan ni. Chhinlung chhuak ti a inchhal tawh phawt chu Mizo kan ni mai lawm ni."Mizo i ni lo Fanai, Pawih mai mai" in ti tur bik kan awm chuang lo a,kan hnam chhungkua ah chuan hnam entleu na leh Mizo lo bik nia in ngaihna hi awm lo se. Hnam inpumkhat ni zel i la,Chutiang a kan kal thei a nih ngat chuan, Ram leh hnam hian hma a sawn ngei in ka ring.........
.
[Pic Inset : (He data hi ka hmuhtheih leh khawnkhawm a tangin ka FANAI UNAUTE tan ti in kan share tawp mai che u aw....)
FANAI upaten min thlahtu hming an hriat hlat ber chu "THATINKUALA" ni in, fapa panga a nei a Chungte chu: HNIARTHUL-A, HNIARCHENG-A, CHENHRANG-A,BAW
IHTLUNG-A, KHENZACHHAWK-A te an ni a.. KHENZACHHAWK-A hian fa pali nei leh in: HLAWNDAWHTHANG-A, ZAHAM-A, Ngunhnu-I, ZACHHUMA-A te an ni a.. ZACHHUM-A chuan Tluangzachhawn-a leh FANAI-A te a hring leh a. Tichuan, FANAI-A chuan fa pasarih( anupui fa chuam leh Fanaia fa chuam tel in) a nei leh a : HRANGTLING-A, ZAREP-A, TOREL-A, THAAI-A,PAKHUP-A,KHINTIN-A(Fanai-a fa chaum), CHHUNCHHIR-A (a nupui fachaum) te an ni a.
.
Tichuan,Fanai hnam ah hian , hnampeng sawmpakhat kan lo awm ta ni : Fanaia unaute pali, HNIARTHUL,HNIAR
CHENG,CHENHRANG,BAWIHTLUNG te leh a fate HRANGTLING, ZAREP, TOREL, THAAI, PAKHUP, KHINTIN,, CHHUNCHHIR.]

Jan 30 · FANAI INPUI · in Photos from David Lr Fanai Mcf's post in FANAI INPUI
June 10 at 3:27am

Open Letter

# Love_letter_a_ni_lo ...#
(Zinglam dar 3:16.. Dt.21.5.2017@MZ-01)

To,
Ka ngaih em² te.......
kei ve tehlul hian lunglen changa ngaih tur,'NGAIHZAWNG' ka nei awkhawsawl lo va, mahse, ka khawhar mangan leh ka tih tha lo te a vanga mualphona in min zem at lai pawh a,ka kiang a ding lo chung pawh a, min thlamuan thintu..ka thiante hi ka tan chuan in va hlu in ka va ngai thin che u em,'Van Angel rualte zing ah pawh in transfer thut ula.. In hawi hu hu bik dawn em ni? Te ka ti thin! Nangnin in thian ang pawn min lo en lo mah ula...kei erawh chuan! Tuma tirh leh tih luih ni miah lo a, ka duhthlanna a ka pawm leh ngainat em em ka thiante in ni si a!
.
Kan tuallenna Kawn khawpui zawng pit dawr tiat lek ni mahse in rilru a zau va, in zau satliah a ni lo, itsikna, huatna leh duhamna te hian hmun an chang lo a ni. In zau hle chung hian ze tha lo khung luh nan chuan in rilru a zau viau lo tih erawh ka hmu chiang viau.A ngaitu che u anga,palian tak nisi lo a thinchhe zek! Khin tham pawh ni lo ang hi in ni ngai lo va.
Hlim lo hmel put pawh in veikhawr tlat thin a ni lawm ni! .
.
Chhan leh vang awm hauh lo va, hlim lutuk a vang a, tu e maw? room...! Tu emaw in 'AI BILIV AI KHEN FLAI' na ngei mai a... Tlangval pumpa han tah ho vak mai te kha aw... Chuta kar ah tu emaw chuan Lukham huh dap khawp a.. Lo lunghnur pawh an awm ve thei tho mai a!.... Lil Ai-a fanu..ooh..fapa lah THLALER RAMRO A DANGCHAR ANG ZIA ZANG A....99% nge 60% piurifaid water heh zia te Kha!.....
.
A chang leh Khutah a neitupa hmangaihna lam a kan U te in hnuai a tang a... A RUALA MI KAN HAN BE leh vak mai te kha aw... Kawmthlang nu leh kawmchhak nu kha kan vawm na zual deuh in ka hria...
.
Tin, kan Uuu Tlangval sial zet tuna pu nita kan han be leh zel te kha aw! Khami zan na na kha chu,keini mi fing deuh deuh(?) vang khan a muttui mai thei... Thuziak in mipa leh hmeichhia a hriattir tel kher si lo..
.
Thawmdimru!! awka in neitupa fapa a tanga kan dawng tih ah! A sir ber awm! He is a girl pawh ni si lo kha an phusa zual sauh a! "A bulah pakhat lah in, ka en hnu?.. A dang! A thar i nei em?.." Nei bik nang tih leh ka lo en ve chhin tia chhan na kan in pek lai te kha aw! A hunlai kha chuan, Mighty M junior - Leihringnun kher kha chu kan en ve tho thin a ni lawm ni?? Hahaah... Awi, Lalhmeltha, tukverh kha nam hawng la, lek kual lo in.... KHAWH rawh....! Zun chhuak kan lo awm chu ni in! Tukverh chu an nam hawng rap a, a mipa sign a phawrh fel deuh chauh tih ah! Eng nge a hmuh ni...? Nge a ngaihtuah thui lutuk zawk niag! Zung thei lek lo a, an nuih chu le... A ropui thin a sin!...
.
A tuk zing kara Tlangval mawngtam a 'Love bites' lo awm ngawt kha, tu tih nge kan in chhui chhuak thei ta thak lo a mi kha..! FIR kan lo thehlut ta mai lo kha tun thleng hian kan la ti sual lutuk lo a nih hi ti ru! !....
.
Kei zawng ka lung hi a leng thin a sin?..
Naupangte ni mah i la! Nunhlui erawh ka nei in ka ngai thin viau!...!
.
Thianza ho ang te a! Khawi lai kawng laih thar a kan va rak chiam lai te..! Heta tang a sawtah Englo kan han lei zal zal te! MIPAKHAT IN AN AK RAN MAI TE KHA! Kan veng tha thin... MIPA AWMKHAWM NA AH MIPA MIN TI KHAWLO thei hial khawp, hmeichhe turu 2 ngainat awm zet zet te! Mawngliani of Dinpuii te! Mimi the lam thiams... Nino chhangte ka duat hmeltha -a, Linda zoporn te! LALRAMI of sawihreh nei lo, Jerome The Lover! John-a of damlai lusun (einch), Ruata of 3d *** nei hmasa ber! Tluagtea khuangpu,.leh thian duh tak tak te, tun ah zawng kan nun khuarei a chang ta!..
In lung te hi a leng ve ngai em em loh mi!...hahahaha! Hlim reng ang che u!......
.
From...
Mikhawhar..
Hmelchhezet...
Ngaihzawng neilo..

WHAT A FREIND WE HAVE IN JESUS....

Lal Isua kan thiantha berin,
Kan Mangan laiin min lawm;
Ama hnena kan tawngtaiin,
Kan thlen apiang hi a pawm.

He hla ropui tak phuahtu Joseph Scriven hi a hmingpum chu Joseph Medlicott Scriven niin Kum 1819 khan Banbridge, Ireland ah a lo piang a. Unau mipa pahnih George leh John bakah unaunu pakhat Catherine Anne Mary a nei bawk. Kristian chhungkaw hlawhtling tak atanga seilian a nih bakah zirna lamah pawh a tluang hle a, Trinity College, Dublin atangin a graduate a. Chutia khawvela awh em em nei bik lova nun a hman chhoh mek lai leh nupui neih a chhungkua din a tum mek laiin a nupui hual chuan an inneih dawn zanah vanduaithlak takin a boral san ta hlauh mai. Scriven chuan a tuarna em em mai a, a nun khawhar lutuk chu a rilru buai an hlauh avangin a chhungten Canada ah an pem pui ta hial a ni.

Muanna tam tak kan chan fo va,
Lungngaih mangan kan tuar thlawn;
Engkimah Lal Isua ring a,
Kan tawngtai loh avangin.

John Scriven-a nun a entawn tlak em em mai leh kan zirtur atana pawimawh em em chu Pathian thu a taka a nunpui na hi a ni. A bik takin Lal Isua thusawite a ngialngan taka zawm a tum tlat thin. Tlachham a hmuhin a hak lai tihloh chu pek zel a duh thin. Chutiang bawkin puih ngai leh thawk thei lo a hmuhin a thawhsak chang a tam bawk. Vawikhat pawh thingzaina nen hnathawk tura a chhuak Sankey-a’n inhlawh turin a lo sawm a, mite chuan “ I ruai thei chuang lovang, mirethei leh damlote, a man tur nei lote chauh a thawh sak duh”, tiin an lo chhan sak a ni. A hlimna ber chu mirethei, harsatna leh buaina tawkte tanpui hi a ni.

Thil hrehawm leh thlemna tawkin,
Buaina lo awm bawk se la;
Tulairapa lungngaih aiin,
Isua lam tawngtai ila.

A nupui turin a boral san atanga kum 10 chuang zet nupui lam ngaihtuah lova a khawsak hnuin Kum 1857 khan Port Hope, Ontario ah hmangaih tawngin nupuiah a nei ta a; mahse vanduaithlak takin Kum 3 vel bawr chauh an innei hman tihin pneumonia vangin a boral san ve leh a, hemi hnu atang phei hi chuan depression a nei nasa hle a ni. A nunah vanduaina nasa tawkin lungngai takin awm thin mahse a beidawng ve mai ngai lo. Pathian laka vui a hnekin…

Amah tluk thian hlu leh rinawm,
Min pui tur ka hmu lo vang;
Kan sual kan chak lohna zawng zawng,
A hre vek tawngtai ilang.
tiin hla a la phuah thei a ni.

Nun khawhar leh beidawn chang ngah ve tak John Scriven chuan he hla a phuah hi a tir chuan a tlangzarh mai duh lo a, a nu damlo lehkha a thawnah a telh zauh a. A hnu lawkah amah damlo ve lehin a thian pakhatin a kan-na ah dawhkanah he hla thu hi a hmu ta a, tichuan an in zawt chhuak thei ta chauh a ni. He hla a phuah chhan a sawi dan pawh “Lalpa nen kan inkar awm hla a nih hi”, a ti duh chauh a. Kum 1969 khan chhete in a tlangzarh a, nimahsela thup theih a ni ta lo, mi tam tak nun a khawih a, khawvel pumin kan lo hre chho ta zel a. Vawiin thlengin rilru leh taksa lama chak lo, mangan, ritphurh neite tan damna hla a lo ni ta zel a ni.

Rilru lamah chak lo ila,
Mangan, ritphurh nei pawhin;
Isua hlu hi kan humhimna,
Lamah tawngtai ilangin.

A theih ang tawk tawk a thu leh hla hmanga rawng a bawl hnuin kum 1886 khan vanduaithlak takin tuiah a tlahlum hlauh mai a, a thih dan hian a hunlaiin sawi zui a hlawh a, accident ni lovin mi thah nia ring an tam hle, mahse vawiin thlengin chiangkuang takin an chhuichhuak thei ta lo a ni.

A thih hnu hian a thiante leh a lo tanpui tawh mi tam takin an ui zia lantir nan Port Hope-ah hriatrengna an siam a, chutah chuan “A nun chu khawhar, lungngaite leh midangte tan a hmang zo ta” tih leh a hla tlar bul ber “Lal Isua kan thiantha ber” tih hi an ziah lan sak nghe nghe a ni. John Scriven ang hian tute pawh harsatna tawk thei vek kan ni.

Tunge kan harsatna min thlamuan thei le ?
Chhungten min tuithlar mahsela,
Thianten min hmusit sela;
Isua hnenah thu thlen ila,
Kan phaw hian min thlamuan ang.

A tawp berah chuan rawngbawlna a ni emaw, nitin hna leh kan thlitihna kawng hrang hrangah thlemna leh buaina te tawkin, mite hmuhsit, chhungte tuithlar hial pawh kan chungah lo thleng se thlamuantu dik Isua hnenah chauh thu thlen thin ila. Amah tluk thian hlu leh rinawm, min puitu an awm lo. Eng ang pawhin lo sual tawh mah ila, kan sual kan chak lohna zawng zawng hre vek tu Pathian hi simna diktak nen tawngtai chunga a hnen kan pan chuan kan thlen apiang hi a pawm tih hi i hre nawn leh theuh ang u.

He hla tui taka kan sak lai hian amah Lal Isua ngeiin “Ka thian tha ber” min ti ve ang em le?

⛪⛪⛪⛪⛪⛪⛪⛪⛪⛪⛪

What a friend we have in Jesus,
All our sins and griefs to bear!
What a privilege to carry
Everything to God in prayer!
Oh, what peace we often forfeit,
Oh, what needless pain we bear,
All because we do not carry
Everything to God in prayer!
Have we trials and temptations?
Is there trouble anywhere?
We should never be discouraged—
Take it to the Lord in prayer.
Can we find a friend so faithful,
Who will all our sorrows share?
Jesus knows our every weakness;
Take it to the Lord in prayer.
Are we weak and heavy-laden,
Cumbered with a load of care?
Precious Savior, still our refuge—
Take it to the Lord in prayer.
Do thy friends despise, forsake thee?
Take it to the Lord in prayer!
In His arms He’ll take and shield thee,
Thou wilt find a solace there.
Blessed Savior, Thou hast promised
Thou wilt all our burdens bear;
May we ever, Lord, be bringing
All to Thee in earnest prayer.
Soon in glory bright, unclouded,
There will be no need for prayer—
Rapture, praise, and endless worship
Will be our sweet portion there.

DOES JESUS CARE?

LAL ISUAN MIN NGAIHSAK NGAI EM?
(Lungngaih ni leh lawm lai niah hian)
KHB. No. 154 na a mi, hla ropui tak mai hi F.E. Graeff (1860-1919) a phuah ni in,
J. Linclon Hall (186-1930) - an  a thluk a siam a ni a,He hla lungkuai tak mai, buaina leh harsat mangan nia mite thinlung chhun keh fotu hi kan hre lar hlawm viau awm e.

A phuahtu Franklin Ellsworth Graeff chanchin atang hian he hla pian chhan hi a awm kan tihpui ngei ang a, a tawrh ang tuara lungngai mangang thinten hetiang hla kan chhamchhuah ve theih loh laia min hnema min tichak fotu hla tha tak min hnutchhiah hi a ropuiin a lawmawm takzet a ni.

Graeff hi Philadelphia-a Methodist kohhran zirtirtu lar tak a ni a, kum 1890 vel kha a vanglai a ni awm e. Philadelphia Methodist ho zingah mi langsar leh ropui ber ni lo mahse naupangho a zirtir dan kalhmang khunkhan tha tak chuan mite a hneh fo thin. Pathian fakna hla 200 aia tam a phuah a, poetry te, Pathian thu lam article te a ziak nasa hle a, novel lar tak, 'The Minister's Twin' tih pawh a ziak bawk.

Engtiang taka hreawm nge a tawrha hetiang hla, tunlai khawvela lar leh sak hlawh em em a lo phuah chhuah mai le? Kum 33 a nihin nupui, Mary Laurene Mauger a nei a, 1900 US census record-a a landanin fa an nei lo va, a nupui chanchin pawh hi hriat tur a tam lo hle niin a lang. Heti chung hian thenkhat chuan a nupui leh a fate chu meiah an kang hlum a ni an ti a, Elliot chuan midang tuemaw chanchin an ngaihpawlh leh sawichhawn niin a ngai thung.Mitthi vui leh inneih nikhuaa mite thlamuanna thu hrilh thintu chuan a nuna a thiltawn avang chuan thlamuantu a ngai ve tho mai.

Graeff chu lungngaih manganna laka fihlim a ni bik lo va, 1880 khan a farnu upa ber Ann chuan a boralsan a, 1882 khan a farnu naupang zawk Sallie chu a boral veleh a, (a farnu zinga Emmeline chu a pian hmain a boral thung). Chutia a farnute a chan mek lai chuan a kum zawnin a nu leh pate an boral chhunzawm a. A nu Matilda Zerbe Graeff chu 3 Sept.1886 khan a boral a, a pa, Samuel Beard Graeff chu a kum leh 25 March 1887 chuan a boral veleh ta. A farnu naupang ber nen chuan an awm dun ta ran mai a. Thihna nunrawng thlazar hnuaia a nun khawhar tak a ziaawm chho dawn ta maw tih mek laiin lungngaihna leh manganna a tawmpui, a inhnemna awmchhun a farnu naupang ber Arasma Graeff Oliver chu Feb. 14, 1901 khan a boral veleh ta a ni. Graeff chu kum 40 mi vel a ni tawh a, a chhungten an boralsan zo ta! Chuti chung chuan,
"Aw, min ngaihsak tih ka hria,
Ka lungngaihin a tina;
Ngui chang ni leh zankhua rei hlauhawm hnuaiah,Min ngaihsak tih ka hria'
a la rawn ti chhuak thei nia mawle!

Thihna kut vawtin a chhungte zawng zawng a laksak hi a tuar na lo bik a ni lo va, "Leia lungduh ber ka then laiin,
Lal Isuan min ngaihsak ngai em?
Tuar rual loh lungchhia, thinlai min run hi,A hriain a ngainep ang em?
a rawn tichhuak ve lo thei lo a ni.

He hla kan sak lai hian Graeff-a nun tawmpui chungin, ‘ Ka Pathian, ka Pathian, engah nge mi kalsan?’, (Mat.27:46) ti chungin sa thin mah ila, 'Anin a ngaihsak thin che u avangin in manganna zawng zawng ama chungah nghat vek rawh u'. (1 Pet.5:7) tih behchhana he hla thunawn (kan tarlan hmasak) hian rinna kawnga a ngelnghehzia a nemnghet a, a rin Isua a van hrechiang em! A hunlaia 'sunshine minister' ti hiala an koh chu a phu hle a lo a ni.

Pathianin Petera hnena, ‘Nimahsela i rin a bo loh nan ka tawngtaisak che a ni; i hawi kir leh hunah nangin i unaute tinghet ang che’, (Luka 22:32) a lo tih ang khan Graeff pawh hian tunthlengin ringtute nun khalh ngiltu leh rintlak Pathian kan nei a ni tih hi he hla hmang hian min hriat nawntir fova. ‘ I rit phurh chu LALPA chungah nghat la, tichuan anin a tichak ang che; Mi fel chu engtikah mah tihnghin a phal lo vang,’ (Sam 55:22) Graeff-an he hla a phuah laia zawhna a siam, a hla chang tina a dah, ‘Aw ka nunna, engah nge i kun reng? Engah nge ka chhungah hian i buai ni?,’ (Sam 43:5) tih hi a hla thunawn hian a rawn lehthaltir a, a rawn chhang fithla leh vek a ni. ‘A ram leh a felna chu zawng hmasa zawk rawh u, tichuan chung zawng zawng chu a pek belhchhah dawn che u nia,’ (Mat.6:33).

He hla thluk siamtu Joseph Lincoln Hall (186-1930) hian khatih hunlaia ‘sentimental ballads’ an tih zulzuiin a siam a, phur taka sak chi a ni lo va, a chang-ah lungkuai zawnga sak theih turin solfa-a a octave hniam lam a dah a, loh theih lohva tlema invawrh hlek chu awm bawk mah se, hei hian he hla thuin a tum a phawkchhuak tha hle a ni an ti a, chutih rual chuan a thunawn hi he hla thluk mawina belhchhahtu leh a chang kan sak laia ngaihtuahna ril tak kan hman lai (a mood-a kan chen lai), lung kuai taka zawhnain min chenchilh laia min chawikang lehtu, a thu mil tak, a changa zawhna chhanna kan dawn min hrilhfiahtu, Pathian hlutzia amah ring chunga puanchhuahna a nih anga a tlema a octave sang lam a rawn hmang chho leh hian Hall-a music thiamzia a tilang chiang em em a ni an ti bawk.
Mizo tawnga a hla thu zawng zawng chu tarlang lo mai ila, Mizo tawnga letlingtu, Rev. P.D. Sena (1901-1974)-an a lehlin thiamzia kan hriat theihnan a saptawng hi dah zawk ila a tha ang e.

Heng Bible chang te han bih zui bawk i la.. A ropui teh a sin!!!! 1 Peter 5:7; Sam 55:22; Sam 43:5: Mat. 6:33

⛵⛵⛵⛵⛵⛵⛵⛵
Does Jesus Care?
1.Does Jesus care when my heart is pained
Too deeply for mirth or song,
As the burdens press, and the cares distress
And the way grows weary and long?
Refrain :
Oh yes, He cares, I know He cares,
His heart is touched with my grief;
When the days are weary, the long nights dreary,
I know my Savior cares.
2. Does Jesus care when my way is dark
With a nameless dread and fear?
As the daylight fades into deep night shades,
Does He care enough to be near?
3. Does Jesus care when I’ve tried and failed
To resist some temptation strong;
When for my deep grief there is no relief,
Though my tears flow all the night long?
4. Does Jesus care when I’ve said “goodbye”
To the dearest on earth to me,
And my sad heart aches till it nearly breaks,
Is it aught to Him? Does He see?

KA TAN MI BIK A NI A SIN

Thimhnuaiah ka tan i nui a,Beiseina duhawm min siam thin a nih kha.....Mi chak lo hi min tichak in,chaklo tak ni chung in chaklohna chu min hnungchhawn tir a.Ka tan khawvel duhawm i ni a,Ka tan leiah vanram i siam thin.I tan eng tham ni lo mah ila, I vangin hlutna tiang ka hawl thin.Chelh tur che a ka inbuatsaih laiin... khawvel hnuchhawnin I liam ta si! Theihna nei tura mi fuihtu nangin,Mal taka tap turin min rauhsan ta si!........
November 16, 2016 at 3:27

DLRF21/3/15

🙊

KA TUPA MALSAWMHLUA NEN

Ka tupa duat nen..... kan in paws ve nasa..!!!!! 😸😼
Haha...A ni lah.... Camera ngen in a tap nghal... kei tu-te bula lan that deuh beisei in kan han khi sung a..!
Awmzia a nei thui lo viau....

Kei ni ang hmel lam a.. Buizova lo lem an hi a mawi lo lo e!!! Kan han in la cute ve te lah hi.... Thenkhat tan chuan "Utum" hmuh a hmuh theih awm lek hian kan han lang puam delh al a!! kan han in la SIMAILI khang lang zui!! "I chhe sen sun"!! tia kamchhe tleuh nan a min hmang a nih pawn ka pawm lo ngawt thei si lo.huiss....

Tunlai sitail a, thlalak a pianga taksa leh hmui hmai TI SAWI a kan han lak ve lah hian; Hmeichhe hlauh ah kan han chhuak leh thin nia.... Kan kut zungpir pahnih ti kak a hmai zawn a kan dah ve lah hian, ka fawtawgrafar in..... "Tunge Salute" i tum...??? Han in hrilh that ve mai awmm...Lalfawgrafar!!! ..

Han vui viau ka tum lai in,"ka chhiatzia hre reng chunga thla min la lak sak duh hi..chawimawina parthi tluk ah kan ngai ve leh ta ngawt a... ka BAUH hrep ta lo....!!!...

A ni hi zawng a fel ve hrim hrim a niang... ti a ka in ngaihtuah lungawi lai chuan... eng rau nge ka hre lo.... "KA TUPA DUAT MALSAWMA A.K.A FAPA" nen a kan nih vang mai a ni thei ti in ka ngaihtuahna chhungril ah chuan Tunlai pawlitikal party in chirhtheh ang deuh hian an lo in sai ve leh viau a ni ta ve ang!!! Ka hah ngiang mai.... hmelchhiat lutuk hi chu aw....!!

HMELCHHE TANPUINA TE hi NLUP ang deuh hian han sem ve ngat se, a dawng hma pawl ah pawh hmasa ber ka nih loh tal pawh in a dawt emaw ka ni chiangsa!!

A na a sin. Hmelchhiat hi chu....chuvang in kei pawn Thianza ho infiamna ah pawh hian I hmelchhia tih tawngkam hi hman ka tum lo... hmangtur in ka HMEL KUALIFIKEISAWN hian a phak lo bawk nen...! A lo dawngsawngtu tan...a lawmawm loh thin ngawt ang!!!

Ka heti reng a nih chuan, kei zawng.... Unaute fa kawikhawm in... an tan ka Tlangval ral thak hian a ni ka rin ni... hrep tak hian... chhuahna in ang theuh² kan in thlensang hleih thin mange!!!!

🙊🙊🙊🙊🙊🙊🙊🙊🙊🙊
David LR Fanai

TU RAWNG NGE KA LO BAWL THIN LE?

(Dt. 21.Nov.2016@2:14am)
🌐🌐🌐🌐🌐🌐🌐

Kei Misual, Hmelchhe zet!! Thiamna sang tak nei lo pawh hi a hmangaihna tawp lo chuan ka ban ah vuan in min lo kuangkuah a! Mihring in a sawi fiah rual loh hlimna leh lawmna min pe in Fa ah min lo vuah reng si!!!.....

A VA ROPUI KHER EM! A HMANGAIHNA HI,"Lei leh Van a Lalthuthleng a in zawm" tih hla phuah tu khan, Pathian hmangaihna hi a hmufiah hle in a rinawm!! Hei hi ka TESTEMAWNI a nih hi ti a, Amen, Hallelui pui vak vak erawh ka tum lem lo a! Pathian mi ni a ka in ngaih dan leh nundan phung tlem a zawng han thai lan hi a mawi ang em? I zak chai nange, hman ni lawk a, khawlai rui chhum ve mai mai; hetiang thu te tihlan duhna rilru te i neih, thildang buai pui lo in nangmah kha la in buaipui  mai mai zawk teh khai, tu khawkha mah in an hlawk pui chuang lo ang!!! ti a, min khak duh hial te pawh in awm ta ve ang!

Ni e! Chu chu thudik mathei lo a ka tihsual ka in awhna tur thang ka lo kam tawh miau a vang khan, chutia min ti a nih pawn! Dem thei tur in ka dik miau si lo,min lo khak ta a nih pawn,Ka tuar mai ang! Mahse, hei hi ka nihna dik leh rinna hnufual tak en kân chung in kan thai lang ta ve pawp phawt mai a nge! Fam ka chan phah em chuan ka ring lo! 

Kohran ah hian " member" nihna nei ringawt hi kohran mi ti kan tam in a rinawm loh. Mi an nungchang pawh vawng tha peih,inkhawm leh thawhlawm thawh thu ah pawh demawm na awm lo,kohhran bel tu chu mifel nihna a ni tih kan hrechiang em em a, a ruk a kan sualna chuan kohran puanvar in kan in khuh mawi a, Kohran hruaitue lawm loh zawng leh an mit thipna lam chi reng reng kan ti duh miah lo a. Thu kan sawi pawh in Pathian lawm zawng  ai in kohhran hruaitu te rilrem zawngin thu kan sawi bawk thin. Kohran hruaitu te kan lenchilh peih in,kan lakah lah an tha thiam narawh e!  Chutiang mi na na chu kohhran ah pawh chanvo pawimawh ah min dah chang te pawh a awm lo thei thin lo, kan hawihhawmna leh pawnlam that na a vang ringawt a nihna/chanvo sang kan neih hian Pathian a ti lawm in kan ring em??

Khawihmun ah pawh mi'n min hmuse, kan hawihhawm em em a, in cheina zahawm tak a in thuam in kawm pawh kan nuam,kan taksa pawh kan vawng thianghlim peih. Kohhran hnatlan nikhua leh chhiatni thatni ah pawh kan tlawmngai em em a, thenrual te pawh kan ngah in tawng-tlahawlh lam chi pawh kan phuh chhuak ngai meuh lo. Chuti khawp a mi inthunun leh mi in vawng peih na na chuan engah nge Kohhran ah hum tha kan luah loh tehlul ang ni? Keini bak tunge awm chuang! Keini ang hi lawm Kohhran hian a mamawh, keini ang hi kohhran tin hian ngah hle se, ram leh kohhran hi a mawi khawp ang le!!!

Mahse, Kohranmi riau ni a in ngai ka ni chung hian, Pathian rawngbawlna rilru aia kohhran rawngbawlna thinlung nei lian zawk, ka mihring ngaihsan loh zawng te lakah kohhranmi ka nihna a lang ngai leh miah si lo, tawngtaia ka inhup lai chauh in 'kei misual ber' ka in ti a, 'Amen' hnu ah sual ka in ti leh si lo mai ni lo in, mitha ber len in ka leng leh si!

Ka mi ngaihsan loh zawng te chhiatthat tawh in Na ka ngah leh viau a, kan inchhunga mihrang deuh lo lut nuam ti tak in ka chhawn thei ngailo chauh ni lo in ka lo melh sala hman fo a. Tumah thabik ka hmu thei lo a, tu thusawi mah tha ti ngai lo "kohhran mi tak' ka ni si. Pathian mi hman ni a in ngai chung si hian, pawl dang reng reng engah mah ngai lo leh Chhandamna chang ve lo tur in ka dah lian viau a, fellohna nei te fel lo thu sawi ai in thup thiam ber nih ka tum thin. Ka chen na ram thlaler a ni ti reng chung si hian, thlaler a tui mamawhlo ber ka ni a.

Kohhran mi ni reng chung si hian ka member pui te hmangaih na reng ka nei lo a, ka chunga awm kohhran hruaitu te thu a kawi a ngil a zawm peih thlap zel si hian kei ai a hnuai leh te zawk te thu la tur in ka beng ka chih tlat a, chanvo paawimawh ka chelh a vang hian kohhranmi ber ni in ka in ngai a, ka dinhmun leh hamthatna beisei in kohranmi nih ka tum thin. ka bul a mi harsa zawk te buai pui ai in ka kawrchung hak tur ah ka buai zawk fo a, thenawm te nen ramri vang a buaichang a, thinrim hmai sen put mai hnial lo kohhran mi!  mai ka lo ni e..........

I rawng bawl tur a inpe hian, i rawng bawl lo hian kohhran rawng chiah ka lo bawl zawk tih na em ni ang? Chutiang mi ka nih a vang tal pawh hian! I tual lenna thleng pha khawp a Kohhranmi nih na TRIKET min pe thei mai lom ni!

Tehsuh ei, "keima rawng bawl lo in, tha i tih dan leh duhdan in kohhran rawng i bawl a sin!!???.... i tan ti in ka nun hial ka hlan a, ka hmangaih em che a vang hian, vuak thitlin leh kraws rit tak ka phur a sin, chatuan nun i neih beisei in i bul ah ka awm reng a, chutih lai ngei ngei pawh chuan, min tluk san in ka rilru natna i siam a! Nangmah hmangaitu i chhan let dan hi!...... A NA A SIN!!!!!!!!!!!??

💫➰DAVID LR FANAI➰💫

NGAIHTUAHNA CHAVAI

(Dt.23th,May 2016@3:13am)
😿😿😿😿😿😿😿😿
Engtikah emaw chuan....
Ni khi ka tel lovin a la chhuak ang a, a la tla leh thin ang.
Khi chhawrthla meuh pawh khi ka tel lovin, a la de leh thin ang a. Arkai hial a deng leh ang. Khawlohna a din hringnun hi ka kalsan ni a la herchhuak ang.
Chutih hunah chuan, ngai a uitu nei ve tak ang i maw??!

Engtinnge hriatreng ka nih ve tak ang le?

Hun in her hian kei hi mi nghak lo. Kir tawh ngai lo turin, Min la her liampui dawn si a.
Chu hun ka ngaihtuah chang chuan, ka khua a har lawk fo thin.
Khuarelin partin pawh an chuai leh fovang. Mahse, an ni zawng vulnawn tur a khua duan an ni e. Hringnun erawh engtikah mah, a vulnawn leh tawh ngai lovang!!!...
📝DLRF📝

KA NGAIH EM EM TE HO TAN AW.. # Love_letter_a_ni_lo ...# (Zinglam dar 3:16.. Dt.21.5.2017@MZ-01)

To,
Ka ngaih em² te.......

kei ve tehlul hian lunglen changa ngaih tur,'NGAIHZAWNG' ka nei awkhawsawl lo va, mahse, ka khawhar mangan leh ka tih tha lo te a vanga mualphona in min zem at lai pawh a,ka kiang a ding lo chung pawh a, min thlamuan thintu..ka thiante hi ka tan chuan in va hlu in ka va ngai thin che u em,'Van Angel rualte zing ah pawh in transfer thut ula.. In hawi hu hu bik dawn em ni? Te ka ti thin! Nangnin in thian ang pawn min lo en lo mah ula...kei erawh chuan! Tuma tirh leh tih luih ni miah lo a, ka duhthlanna a ka pawm leh ngainat em em ka thiante in ni si a!
.
Kan tuallenna Kawn khawpui zawng pit dawr tiat lek ni mahse in rilru a zau va, in zau satliah a ni lo, itsikna, huatna leh duhamna te hian hmun an chang lo a ni. In zau hle chung hian ze tha lo khung luh nan chuan in rilru a zau viau lo tih erawh ka hmu chiang viau.A ngaitu che u anga,palian tak nisi lo a thinchhe zek! Khin tham pawh ni lo ang hi in ni ngai lo va.
Hlim lo hmel put pawh in veikhawr tlat thin a ni lawm ni! .
.
Chhan leh vang awm hauh lo va, hlim lutuk a vang a, tu e maw? room...! Tu emaw in 'AI BILIV AI KHEN FLAI' na ngei mai a... Tlangval pumpa han tah ho vak mai te kha aw... Chuta kar ah tu emaw chuan Lukham huh dap khawp a.. Lo lunghnur pawh an awm ve thei tho mai a!.... Lil Ai-a fanu..ooh..fapa lah THLALER RAMRO A DANGCHAR ANG ZIA ZANG A....99% nge 60% piurifaid water heh zia te Kha!.....
.
A chang leh Khutah a neitupa hmangaihna lam a kan U te in hnuai a tang a... A RUALA MI KAN HAN BE leh vak mai te kha aw... Kawmthlang nu leh kawmchhak nu kha kan vawm na zual deuh in ka hria...
.
Tin, kan Uuu Tlangval sial zet tuna pu nita kan han be leh zel te kha aw! Khami zan na na kha chu,keini mi fing deuh deuh(?) vang khan a muttui mai thei... Thuziak in mipa leh hmeichhia a hriattir tel kher si lo..
.
Thawmdimru!! awka in neitupa fapa a tanga kan dawng tih ah! A sir ber awm! He is a girl pawh ni si lo kha an phusa zual sauh a! "A bulah pakhat lah in, ka en hnu?.. A dang! A thar i nei em?.." Nei bik nang tih leh ka lo en ve chhin tia chhan na kan in pek lai te kha aw! A hunlai kha chuan, Mighty M junior - Leihringnun kher kha chu kan en ve tho thin a ni lawm ni?? Hahaah... Awi, Lalhmeltha, tukverh kha nam hawng la, lek kual lo in.... KHAWH rawh....! Zun chhuak kan lo awm chu ni in! Tukverh chu an nam hawng rap a, a mipa sign a phawrh fel deuh chauh tih ah! Eng nge a hmuh ni...? Nge a ngaihtuah thui lutuk zawk niag! Zung thei lek lo a, an nuih chu le... A ropui thin a sin!...
.
A tuk zing kara Tlangval mawngtam a 'Love bites' lo awm ngawt kha, tu tih nge kan in chhui chhuak thei ta thak lo a mi kha..! FIR kan lo thehlut ta mai lo kha tun thleng hian kan la ti sual lutuk lo a nih hi ti ru! !....
.
Kei zawng ka lung hi a leng thin a sin?..
Naupangte ni mah i la! Nunhlui erawh ka nei in ka ngai thin viau!...!
.
Thianza ho ang te a! Khawi lai kawng laih thar a kan va rak chiam lai te..! Heta tang a sawtah Englo kan han lei zal zal te! MIPAKHAT IN AN AK RAN MAI TE KHA! Kan veng tha thin... MIPA AWMKHAWM NA AH MIPA MIN TI KHAWLO thei hial khawp, hmeichhe turu 2 ngainat awm zet zet te! Mawngliani of Dinpuii te! Mimi the lam thiams... Nino chhangte ka duat hmeltha -a, Linda zoporn te! LALRAMI of sawihreh nei lo, Jerome The Lover! John-a of damlai lusun (einch), Ruata of 3d *** nei hmasa ber! Tluagtea khuangpu,.leh thian duh tak tak te, tun ah zawng kan nun khuarei a chang ta!..
In lung te hi a leng ve ngai em em loh mi!...hahahaha! Hlim reng ang che u!......
.
From...
Mikhawhar..
Hmelchhezet...
Ngaihzawng neilo..

A HREHAWM VE THO A NIA

Enteh,  ka thian....
He khawvelah hian...
Min hmangaihtu chauh ni lovin,Hmangaihtur kan mamawh a ni.
Min khawngaihtu ringawt mamawh lovin, Khawngaihtur te pawh kan duhve tho asin.  Hringnunah hian...  Mi chak kiangah mi chak lo an awm a tul a,  Mi chak lote kiangah mi chak an invai-vung thuak thuak a ngai thin.  Chutiangin, keini HMELCHHE HO hi..  Hmeltha siamtute kan nih avangin NANGNI
HMELTHA HO hian min zahder em em tur a ni.

Eres_el_amor_de_mi_vida

Hringnunin a tum ram thleng tur a rahbi a zawh mek lai hian,Nunhlui leh a chhunga Thawnthu te kha suangtuahna thinlung baihvai hian a chhui kir leh fo thin si a....A lo lang leh thin... ruala len lai te... !! Ngaihtuahloh tuma in sehruh viau pawn awmzia a nei thei thlawt si lo......!!!kei mizo pachal diktak leh hmel lam a chhuan tur nei fahran lo pawh hian..," THERE GOES MY EVERYTHING" tia,ruak ngawih ngawih chunga hunbi ka chhiar ve thin ni...!!!!)...

#Eres_el_amor_de_mi_vida...

Duhtak Joxx,
I tan tih theihloh ka neilo ti thintu khan,I tan engmah ka tihsak thei tawhlo che a.. Ka engkim i tan a hlan huam mah ila..Ka engmah hian i tan awmzia anei tawh si lo.Ngai reng chung che in tawrhthiam dan ka zir a tul si,I sakhming lam banglo chunginHarsa takin ka hringnun ka hmang a..I tello a nun famkim loh zia hrethar leh thin chungin nitin hunbi ka chhiar thin..Hringnun a tangin lakbo ni tawh in, piallei dai ah i sakruang zalh ni tawh mahse e..Ka hringnunah hian reilote pawh ka la kalbo tir theilo che a sin,... Thimhnuaiah ka tan i nui a,Beiseina duhawm min siam thin a nih kha.....Mi chak lo hi min tichak in,chaklo tak ni chung in chaklohna chu min hnungchhawn tir a.Ka tan khawvel duhawm i ni a,Ka tan leiah vanram i siam thin.I tan eng tham ni lo mah ila, I vangin hlutna tiang ka hawl thin.Chelh tur che a ka inbuatsaih laiin... khawvel hnuchhawnin I liam ta si! Theihna nei tura mi fuihtu nangin,Mal taka tap turin min rauhsan ta si!...Hringnun hi zawng a lo mak em a nih hi tiraw.

Kan nâ a, kan tapa,retheihna in thla a zara,thlamuang lo leh insitna nen he kawng hi kan la zawh ve zel a tul si a..harsatna tuipui fawn hlup hlup kar a tang hian engtik ah nge hringnun chawlhna luikam kan kai ve ang le? Kan hmangaih kan chan a, kan rohlu ber kan hloh a,kan innghahna bungpui pheh thluk in a awm si a.... Vanduaina fa chuam leh harsatna ten an ngainat bik mihring ni tur hian ka chak tawk si lo.......... Engtikah nge?? He thinlung riangvai leh khawharna chhumdum in zial mup mup a tang hian a hlimna Ni eng a lo lang ang le? Heng  natna leh hreawmnate  hian ka hringmi nihna ka mangthaa, pialral kawng ka rawn zawh ve hun hunah zawng min la kiansan ve mial maithei a ni tiraw..Joxx!?.....He beidawnna thlarausual hi thinlung na reng chung chuan huaisen taka  hmachhawn harsa ka van ti em..!!