I TLU HLEN LO ANG

I nun thuruk te chu khawvel in hriatpui lo che mah se..

I tan khawvel hi nunrawng bik mah se..

I  beiseina te chuan bosan che in..

I hlimna te chuan ngaiawh thei tawh lovin..

I phur te chu rit mah se..

Damchhan nei tawhlo in inhre mah la..

I beidawnna avang chauh talin..

Tumruhna han nei thar leh la..

Mi chihrang vanduai zingah ka telve tih hria in..

Chumi zinga tho leh hmasa nih tum zawk la..

Beidawnna kha inhneh tir lul suh ang che..

I ke pen te chu sakin harsa ti hle mah la..

Mittui tla zawih zawih Chung pawh in..

Hmalam panin han pen la..

I intih paukhauh a tumruhna i neih phawt chuan..

I tlu hlen ngailo ang..

He khawvel hi zawng a kal ngaiin a kal zel dawn a..

Chumi ruala ke chheprem thiam apiang chu mite awh leh mi nihlawh chu an ni mai....

THATCHHE PALAI

Lumen zan khan, zan tir lamah mitthi chhungte zinga mi hi ka bulah a thu a, a hawi a hawi a.

"Khawnge Englova hi? Whatsapp-ah ka pa a ui thu a rawn ziak kur nguai sia, amah hi ka la hmu miah lo." a ti!

    Tum khat chu, Aizawl chhuah lam, veng lian taka an branch president nen kan thu dun a.

A phone a en nuap nuap a, "chhiat tawh thute hi kan han post ve bawk a, RIP tiin an rawn reply sup sup a, khawhar inah hmuh tur an awm leh der si lo. Zaninah ka sawi chhuak dawn.." a ti.

   Mahni in lum atanga hawihhawm te, lusun hnem te, tawrhpui te, fuih te, thurawn pek te, ngaihdan sawi te, vui leh vaina thusawite hi a awlsam ta hle mai.

A hmanrua a awm chuan kan lo tawng duh bawrh bawrh hlawm e. Happy birthday chumi khami...a tlar thla tuar zel a nih hi.

     Politician ho hi an hmuiphun leh an mitmeng a inang lo an ti fiamthu thin a. Kan thu thawn leh kan rilru hi hriathran hleihtheih a ni ta mang hauh lo. RIP thawntu hian khawhar in a thleng zo lo a. Birthday wish-tu hian thawn theih a nih vangin a thawn satliah ve mai mai. Rawn reply lo mahse eng ualah a ngai chuang lo.

"Ne tih, nai ltk che" rawn ti reng se, rawn leng chuang si lo se. Tlai leh puar takin awm rawh ti a, a tisa mamawh phuhruk chuan si loh nen tul khata thil tawk vel a ni.

   Hetiang hi kan duhtawk a nih chuan, khawhar chhungte hnenah hian Routmawii khawhar hlate hi thawn mai ila. "Kha, ka rawn kal hman si lo, hei hi lo play mai teh u..." ti mai zel ila a hahdam khawp ang chu!

   Kan hman loh chhuanlam siamna thu leh hlate hi loan hmuhna tham khawpa pawmawm hi a ni vek mai, phat master, phat specialist, veng khat nula hmeltha biak tluk theihna khawpa mam tha leh pawm naawm a ni vek mai.

Kan duh ber theuh erawh chu a tak ngeia rawn thleng, a nak ngeia zentute hi an ni.

   Kohhranin hnatlang a ko a, YMA in hnatlang a ko a, kan hnatlang hman lo a nih chuan, hnatlangte hmuh kan hreh em em  thin kha a ni ngai.

Tunah chuan kohhran leh YMA in hnatlang a koh mek lai pawhin inkhel turin kan inakchhuak luah luah a, kan lo inkhel awrh awrh a, hnatlang kan thlir veuh veuh tawh mai a nih hi!

    Thiante mitthi lumena rim taka an awm laiin mahni in lumah, rizai inthawlh kuk chungin mobile phone kan khal zankhua thei.

Veng hla deuha thil thleng kan hriat ran theih tehlul nen, vengchhunga mitthi awm thu, veng ral lehlam khawk ruih ruih khawpa an aute chu kan han hre lo leh tlat a!

   Gas a awm an tih chuan laklawh nei map lovin kan tek chhuak nghal a, mitthi an puan chuan kan laklawh ta bik tlat a, kan thenawm maiah mitthi an awm a, midang pawh zah zo lovin an tap rawih rawih a. Zan khat tlaivarpui, zan thum va lenpui kan han hman ngang lo thinte hi, eng ang mihring nge maw kan nih le! A zawng a za chu kan hman lo pawh a ni thei, vawi khat mah lang reng reng lova kan han awm theite hi, bible-in hun hnuhnunga thil lo thleng tur a sawi zinga 'hmangaihna pianpui reng reng lote'kha kan ni hlawm ta zawk em ni ?

   Mizote hi keini aia vanduai zawkte pui tura penchhuak thin kan ni a. A nawm leh a nawm loh lam ni lovin, a tul vanga pen chhuak thin kan ni ngai e?

ZET-U-ZU ZET HI CHU AW

Kan sawi mawi a,
Kan hma hun kan dawn lo a,
Kan lawma a thar,
Kan lo hrechiang miah lo va,kan in a,
Kan pa ta ber emaw kan in ti a.
kan khawvel chankang na in a ken tel emaw kan ti a,
Kan in ta fo a,
Kan changkan phah chuang lem lo a,
Kan muttui phah lo va,
Kan mit rawng a ti danglam a,
Kan thawhlawm a tam phah a,
Kan ringtu nun kawng min chawm hlei lo va,
Kan tan, tan in pan a harsat lo phah a,
Kan vui a, an nam ve lo thei si lo a,
Kan rilru a tina a,
Kan chhuanlam thin nâ a;
Kan tan damdawi a ni chuang lem lo a!
Kan nihtur ang ni thei lo in min siam a,
Kan inchhir a
Kan tlai tawh tih kan in hre si a
Kan luhai man a to hle a,
Kan tan a tha viau lo tih hrilhngai lo a hrechiang tu ber ah min duang a,
Kan ka in kan hua a,
Kan taksa in a mamawh tawh tlat si...
Kan bul vel ah lei mai tur a awm reng si!
Kan hnawl thei si lo
Kan tan lunngaihna leh tahna ti tam tu mai a ni si!!!!!
-David Fanai@19th July 2016

MIZO (DUHLIAN) ṬAWNG UPA

(A) Chhun Leh Zan Hun Then Te:

🕸📯🕸

1. Thingchangvar- Khawfingchah hma lawk a khaw eng lai lawk hi.

2. Vartian- Khawvar tirh.

3. Khawfingchah- Zing khawvar

hlim.

4. Khuantevik- Khawvar tirh ar

khuan hun.

5. Kawl en- Kawlkil en tirh,

Khawvar tirh.

6. Ni tlang san- Ni chhuah san

tawh hnu.

7. Nauriltam- Tukthuan eikham

leh chawfak hun inkar.

8. Fehrehsan- Tukthuan eikham

leh chawfak hun inkar.

9. Chawfak hun- Chhun chawei

hun, Chhunlai.

10. Chawhnu tlang her- Ni a her

hret tawh hun hi.

11. Behliang mun hun- Zanriah

chhum hun hma deuh.

12. Losul haw hun- Ni tlak hma,

feh haw hun.

13. Unau hmel hai- Thim hlim,

inhmuh chian vak theih loh hun.

14. Leng len hun- Zanriah

eikham hnu, zan tir.

15. Leng hnawt chhuak ar- Leng

haw hun, dar 12 rik hma hian ar

a khuang ?hin chu mi hun chu.

16. Zanlai ar khuang- Zanlai dar

12 vel a ar khuang hi. 

➖➖➖➖➖➖➖➖➖➖

B) Upat Lam Sawina:

1. Ni la vui zo lo- Naupang nileng a muhil lova la awm thei lo.

2. Se en rual- Naupang lei kang

tawh tak.

3. Tual chai rual- Naupang kum

5-10 inkar vel hi.

4. Thingnawi fawm rual-

Tlangval la hre lo, mipa naupang sawina.

5. Tuha kuai rual- Hmeichhia kum 14-17 inkar vel hi.

6. Ralkai rual- Mipa kum 14-17

inkar.

7. Ram tangrual- Hmeichhia leh

mipa kum 14-17 inkar.

8. Tleirawl- Hmeichhia nulat hre

tan.

9. Rawlthar- Mipa tlangval hre

tan.

10. Lenglai- Nula leh tlangval

nupui pasal la nei lo.

11. Lengtul- Nula tlangva upa

tawh nupui/pasal la nei lo.

12. Hmeithai- Mipa tel lova

mahni choh va, inhrang chang ve hi.

13. Pahmei- Chhungkua a mipa chhawrtlak pakhat choh awm hi.

14. Parawl- Mipa mahni chauh a

inhrang chang a awm.

15. Pathlawi Nuthlawi- Nupui

pasal nei tawh, nei leh tawh lo

te.

16. Val upa- Nupui nei tawh

pawh nise, thiltih nikhua a nula

tlangval ho peih tak te hi.

17. Tu mawngbeng- Fate   fa

nei leh tawh hi.

18. Khupthum hmu- Tuten tu leh chhawng an neih hmuphak.

????????????????????????

C) Hlat Lam Sawina:

1. Chil chhak phak- Hnai te

sawina (Uar taka a hnaihzia

sawina)

2. Dumde ruang chen- Hla

tehchiam lo, hlat zawng sawina.

3. Lung vawm phak- Lam hnai te sawina.

4. Kei daidan, Vawk tlat phak-

Khaw thenawm inhnaih tak vawk leh kel te pawh intlat pawh phak.

5. Chawhma kal- Chawhma a ban tawk.

6. Nikhat kal- Nileng a ban tawk.

7. Ram tuk khat- Khaw khatin kum khat a lo an neih.

8. Kawlvalenchham- Sava thlawh thlen phak. Ram hla tak.

9. Mitthim tlin tawk- Mita hmuh

phak tawk.

????????????????????????

D) Hun Rei Lam Sawina:

1. Arkaidenzan- Thla bial zan

(Thla det a ?anga ni 15-ah)

2. Thla hlei nga- Thla bial zan.

3. Thla hlei pai- Naupai hun

pangngai aia rei pai.

4. Tuana saruh khel- Upa tawh

si thang thei lo.

5. Tuibur hmuam da- Hun rei lo

te chhung sawina.

6. Vaibel bengkhat zuk daih-

Hun rei lote chhung sawina.

7. Kumpui linglet- Kum tluan,

kum tling chiah lo mahse kum a

chhiar thei.

8. Hmakhaw sang- Hun rei tawh tak, hriat chian hleih theih tawh lo.

9. Hmanlai- Hun rei tawh tak,

hriat chian hleih theih tawh loh.

10. Murakela khuangchawi- Hun rei tawh tak, hriat chian hleih theih tawh loh.

11. Thlanrawk pa khuangchawi-

Hun rei tawhtak hriat chian hleih theih tawh loh.

12. Tuan leh Mang- Hun rei tawh

tak, hriat chian hleih theih tawh loh.

????????????????????????

E) Tlem leh tam lam sawina:

1. Ar chil zat- Uar deuh tak a thil

(tuiril) tlemzia sawina

2. Ui hum- Tlemte sawina

3. Vei khat- Tlemte sawina

4. Hawp khawp- Chhungkuain

kumkhat a buh an ei tawk.

????????????????????????

F) Lenzawng Sawina:

1. Hriau tiat- Thilte tak te, thil zai sinte te sawina.

2. Phunthli tiat- Tlema thilte ve

si, hraw deuh sawina.

3. Vaibel dawn rual- Tlema thilte ve si, hraw deuh sawina.

4. Sum- Kuttum in a awh chen a

lian.

5. Hmer khat- Hmer zawh tawk a lian.

6. Hreiha rual- Saiphir hmer vel a lian.

7. Khanchhuk rual- Malpui tiat

vela lian.

8. Pa pawn- Patling in kut

hmawr tawn inkhawi phak tawk a pawm tawk a lian.

9. Diar vet- Diar veh chhuah tawk lian.

10. Hrei ha hlang- Patling in hrei ha hmawra a vawn a kut khing leh lama a pek theih tawk kual khung chhung tiat a lian.

11. Hmeithai in tiat- A tiat chiah tak tak nikher lo, thil lian pui.

12. Ar hmaitiat- Uar deuh taka

ram tet zawng sawina.

????????????????????????

G) Inkungkaihna Lam:

1. A thlum a al ei za- Thil

engkim kilho va, ei ho thin.

2. Ai hnap phah pui- A bul a tang a thil tih pui.

3. Chul khat kual- Unau piang

hmun, nu khat hrin.

4. Phung leh chang- Laichin unau leh thiante.

5. Sangawizawnpui- Thurualpui

6. Tu leh fa- Tunu tupa, tuchhuan te zawng zawng.

7. Tual tlan za- Chi hrang si

chikhat ang a awm.

8. Vua leh vang- Chhungkhat hla deuh pawh a huam.

9. Thian leh rual- Thiante leh

laina te.

10. Zemkhat zen- Eitur leh intur

thil engkim in?awm tlang. ????????????????????????

H) Hun Bik Nei Te:

1. Arpa chanlai- Hnehtu chanlai.

2. Chhiatni Thatni- Thihni leh

nupui pasal neihni, thatni.

3. Furkhaw hnawlai- Fur lai hun.

4. Hmel chhiat lai- Chawei lai.

5. Kutni vangthla- Kut hunlai,

hlim lai hun.

6. Vahsan lak lai- Lovah hun lai.

7. Tampui mitthi- Chawei tur

pawh awm lo tam hun lai.

8. Thalva ek char: Thal khawro

vanglai.

????????????????????????

I) Nupui Pasal Chung Chang:

1. Charsut phawi- Unau

hmeichhia naupang zawkin

pasal a neih khalh.

2. Fanghmano ei- Hmeichhe man pangai bak thildang chhuanlam a pek tel hi, man a chhiar tel a ni lo.

3. Hringkir- Pasal nei a fa neih

tawh hnua kir leh.

4. Karkalak zau- Laina ngah

nana man eitu tur dik tak ni lem lo man ei tir.

5. Lamthlang rapthla- Hmeichhia pasal nei.

6. Makpa hnam hrual chat-

Hmeichhe pasal nei lai an thih in.

7. Ranngo zawng- Nupui tur

zawng.

8. Rem ar talh- Tluang taka innei a fanau maltluan chawi turin lawi ar le mipa lam ar an talh a (ar zang tuak an ti) Rem ar talh an ti bawk.

9. Sehrui sat chat- Innei tur a

sawi fel vek tawh, midangin an thulh tir.

10. Thisenpal- Hmeichhia fa nei

tawh.

11. Tang then- Inthen tihna a ni.

12. Tangdang vuan- Pasal nei

tawh, a dang nei leh.

*Thulakna: Mizoram General knowledge 7th Edition Page 156-160*

#1-18-2018

💓💞Nang ka tawn atang che hian ka nun ruak pawh luah khah ang mai in a awm a..

Ka hlim a, ka lawm a, sawifiah thiam loh, sawi hlei theihloh hlimna leh lawmna min pe a.

Nui hmel pawh pu ngai tawh lo tur a in ngai kha, nang vang in ka nui ta asin.

Ka tan hian i hlu a, ka lawmna a zual tak zet ani.

Ka thinlung, ka rilru ngaihtuahna zawng zawng i nei vek ta si a..💞💓

KA TUPA MC LALNUNHLUA (2017-2018)

Boihte, nikum vawiin ang hun kha nangmah vangin hian kan va ngai zual tak êm, kan khawvel leh a ti famkimtu nang i lo pian ni kha... Mahse, a va rei si lo em i hringchan hi...Beiseina nen i piancham lo thleng tur kan thlir vawng vawng a nih kha tiraw.  Mahse... Chu em pawh chu i thleng zo ta si lo maw.
.
Ṭawng leh kal i zir țan hun tur chu i nu pum chhunga i awm lai ațang rêngin kan nghakhlel a, i mizia leh nunphung inthlak danglam chho zêl hmuh hlân nghakhlel takin duhthusamna nen kan lo thlir ṭhin a sin.
Tun ah zawng nat leh hrehawm tuar tawh lo tur in Lalpa fak in hlim tak in awm tawh si a..

Duata, damsa, hringchan changin; I hringnun par ang lo vul leh se kan va ti em!? I pawmlai chunnu leh zuapa, i chinnlai lengzawngte hian kan la thlahlel ngawih ngawih che a sin.... 

 I SAKRUANG BUAN ANG PAWM LO LEH TAWNG LO A HRINGNUN KAN HMACHHAWN TAWH TUR HI; TAWRH THIAM A VA HAR NGAI EM! I SAKRUANG PAR VUL TUR PHEHTHLUKA AWM IN, PIALLEI DAI AH I ZAL TA MAW.

 Kan la tiam lo che sin fam chang an! Mahse, nat leh hrehawm tuar tawh lo tur in, Lal run i mawi tawh si a. Engtik ni ah emaw chuan, nangmah la ngaia, la thlahlel ngawih ngawihtu te nen hian kan in tawk leh ngei ang, an sawi van hmun nuam ah chuan.... !!!