HMANGAIHNA LEH ENGLO HI?

[8:48pm, 7/19/2016] davidfanai:

Eng hmuh hian nge maw min hmuh le aw! Kei a ngaihdante min rawn zawh tak mai le, ka kuanglo ka nawr a ni ta nge, hriat nei tur ah min ngai zawk.! A va huphurh awm em? Ka in en chian poh leh ka hnufum zia ka hria a, ka lak a tang hian fiah fel tak a, hei hi a ni hmangaihna chu ti a, ka kawhhmuh theih che lo beisei lo law law ta la, i changsual tam lovang! Shakhespear te  nen a, huang khat a dah tlak ka nih lul loh hi...Mahse, ka hriat dan leh ka pawm dan hian, tlem a ngaihruat  dan i lo neih theih mial tak in, ti in, kan thai chiri ve leh nuai phawt mai ange aw!  ka nihna te ka pawngsual chang pawh a awm mahna! Mipa ka ni miau,  Lengi rilrem loh zawng a, thai lan te pawh ka nei thei e, lo en liam phawt mai ta che! Famkim lo a din leh siam hian famkimlo tak a..phuhchhuah a ngai ve leh lawi si thin a nih hi maw... Mithiam pui pui leh mihring nun phung a zir a zir, dikri bel tlar chuai kar a, kei, mihring a zawnga heheu ber leh darawm tak, thlifim mai pawn a chhem nghin zawh tur hiar khawpa chawr che hian,he thu hmang a, rin dan han thai lan hi ka va chak zek zek lo tak.! Kei hian tawng in,? engtin chiah nge ' hmangaihna' hi  kan ngaih tih chu arkhaw thim dai lo deuh in ka thai lang thei tur. Mahse, chumai chu a ni si lo 'ih' a la awm tlat!! Aijeleee! Aijelee..(kei mah in thuk ru in, hmangaihna a vang a, phd degree nei ang ah lem kan chang a nge)

Tungchho a kal hringfa, mi bar rual a, bar zing ah hian, taksa nawmna atan lek fang a hmangaih na hi i lo ngai a nih chuan, a va lungchhiat thlak dawn em! Hmangaihna dik tak hre lo tur hian thlarau sual in a chenchilh tlat che em ni'? Chutiang i nih chuan hmeichhe hrin zing ah, vanduai ber pawl  a chiartel theih i ni ngei ang, vanduai tanpui na te pawh dil la,thil awm awm lo a ni miah lo. Hmangaihna hi chu ti mai mai a ngaih chi zia zang a ni hlawl lo, hrep tak hian! Pianphung in an loh a vang chauh a, in mamawh, in ngai em em chung a thlir dan in per san daih si, Mipa leh hmeichhia hi engti tih a heti tak a in mamawh a khuanu din ni ang i maw? A duang miau chuan a duan ang a, kan awm a ngai ngei si, mahse, a Ruls &  Reguleisawn pel hian kan in hmangaih nge kan tih ang? Duh.!? Ni, hmangaihna hi hlawm lian tak tak Pa in a fa a hmangaih na te, nu in a fa , chutiang in fa in nu leh pa a hmangaih na tower a tang in thlir theih a ni.. Mahse, tun a kan thlir tur erawh hi zawng kan damchhun hun hril tu tur, Nula leh Tlangvar inkar a se se hi a ni.!

 Zan hnih khat vel  kan han in be tha a, kan in duh thu te sawi in kan lo in duh ve ve te a nih phei chuan, a zan thum na vel ah, 'Duat, ka hmangaih che, mis iu muah muah' te kan han tithla ve leh ngawt thin a..kan va han Daw chiang kuang em em thin ve le! In biak that viau vang khan a in hmangaih viau theih loh.. Duhna a ni, Duhna.. Kan induh tawnna hi hmangaihna emaw kan tih chuan, DUH LEH LOH vang a rilru nat hmabak mai kan ni ang.. Nula leh tlangval in hmangaih na vang a, damchhung a, inkawp tur a in neih hial tum te, a hmeichhe chhung ten, a hmangaih i kha , mi dang nei tur a an tih tlat a, tui thlar hial an hreh loh chung a, a hmeichia zawk in a neih zawng zawng kal san khawp a, a mi hmangaih a pan ngam kha, hmangaihna chu a ni mai.. Mahse, chu ai ril zawk chu, a bialpa ngei in, a bialnu tan a tha tur a dawn a, then na thu a hlan khan, chu ngei chu a ni hmangaihna dik chu, a bialnu hrehawm tuar ai chuan a man tuar kha pawi tih na a nei lo,'Hlimten i leng chuan Lawmzel tang nge,' a tih na chhan... He mi ah hi chuan in duh tawn na ringawt lo deuh rau dang chu a awm ngei a lawm. Ti zawng pawh hian ngaituahna a kal thei, ka nei thei  dawn chuang lo che a, kan ** tal teh ang che , mi dang i neih ka phal lo, ka tello chuan tubul ah mah i awm thei chuang lo ang,ti in a bialpa chu han in la LIAN hle se....  Hmangaihna tluantling a ni lul lo vang.. Hmangaih tu chuan, a hmangaih ti chhe tur in eng thil mah a ti thei lo, a hmangai chu hlim reng se a ti thin, chu vang tak chuan, duh reng chung a, thenna biahthu hlan te, tlang rel leh chhung te huat rawn  te pawh a thlang ta thin..hei hi a ni hmangaihna chu. Mi tam tak hi chu in hmangaih lo in kan in ngaizawng a ni lawm ni? In ngaihzawn a vang hian a in hmangaih ngawt thei ngai lo.  A taksa mawi na,hmel tha tihna vang a hmagaih emaw i in tih chuan, i it na vang zawk a ni ang! A ni hi chu lehkha a thiam si a, ka va hmangaih tak te hi i lo ti ngawt a nge.. Zak rawh, i ngaihsan vang zawk a ni!  Enge maw vang a, thu inhmuh loh vang a, then i duh lai a, a mittui tla i hmuh theih loh vang a i thentheih loh na kha, hmangaihna emaw ti suh Khawngaih na mai a ni. I khawilo chhuah na ah leh i awm mai mai lai pawh a, i rilru a i ngaihven reng a vang khan hmangaina emaw ti lo la, a zel a mai zawk che a ni.   A sum leh in leh lo a tha i tih em vang khan i hmangaih emaw i in ti ngawt pek a nge! Zak rawh, a sum i awh na vang chauh a ni!

Khita IH ka tih tak khi lawm sawi huphurh awm chu!   mautam sazu ang mai in khawi kip ah hian, he thil hi hmangaihna emaw zuk ti tlat te hi kan awm nia male! SEX vang hian tumah an in hmangaih thei lo,  Pathian mai ni lo, Hmangaihna Dan leh dun palzut na(Zahlohna) a ni! A pawi kher a sin, Sex vang hian hmangaihna awm se chuan khaw vel pornstar te leh Ks ho hian hmangaih tu an ngah ngawt ang! Chu vang chuan Sex hi hmangaina in a ken tel emaw i ti a nih chuan. A ni lo tih i hriat tawh hi.! He ti chung a, i ti lui a nih chuan, I HURHERH vel vang mai mai a ni ang! pathian ram luh inbeisei reng reng suh, mihur tan van ram ah hmun a awm lo. Hei vang hian mi tam tak damchhung nun tihchiat in a awm a, Kumtling lo te ah pawh hei hi inhrilh hriat a ngai.. An nasa sa te pawh an ni ta ve ang.. mipa(keipawh ka tel..awi) i kawp pui kha sex i hman pui khan i hmangaihna  phah em? Teuh lo lutuk, a hma ai in i ngainep ang.? Kha kha ni mai a sin... Thian te zing ah,ka bialnu ka neih a pian ka *englo ziah' an * thei lutuk ti te in i insawi thei vel a maw! Mawla, Mi hur  i zak lawm ni, khatia i sawilai ngei ngei pawh khan ngaihsan chu khawi lam ah, an hmusit ruk zia che kha hre rawh, hur luat thihtheih ni se, an zalh hma pawl i ni lo ang tih a sawi theih loh, i farnu i unaute chan ah han dah teh , dar 12 engtik lai a kawk thei khawp a hrisel pawh khan, Dar 6 a kawk zal zal ang, chumai a ni nem, pathian thu in sual tawpkhawk a ni a tih kha hre mawlh ang che.! Sim rawh chu ka ti lo, i nupui a nii hma chuan, lo tawnphui hram hram teh khai..Nang hmeichhia, i bialpa te  in englo tir kher tum suh..  i damchhung a i kawp pui tur eng ang pawh ni rawh se, i zahawm na i hralh a, zahawm na nei lo hmei chhia nih i duh ngawt loh chuan, i bialpa in, sex min hmanpui duh si lo a, min hmangaih tak tak lo ' tih ang reng vel a a thlem che vang khan lo 'um e' ngai suh... Ti hian tirawh, aw ka hmangaih che lawm, mahse, i hur emai, ka hmangaih tawh lo che ti la, a ruhlang i sawi tawp rawh, khi tah a dah che nga, a zah ngawih ngawih ang ce, i lo in phal rai zawng in e! enga tan mah a ti lo ang che,.. A chhanchu hetiang mipa bialnu te thlem ching hian hmangaihna an nei lo , i lak a nawm na bak nangmah ah thlak hlelh a nei lo! chu vang chuan,  lo in phalrai mai ngai suh la, tu nupui emaw i nih hun chuan, thianghlim tak a mi monu i ni thei a nih ngat chuan, an va ngaisang dawn che em!....

He khawvel chhetawh tak ah hian, hmangaihna hi taksa nawmchen na phaw ah kan hmang a ni ta ber e! Hmangaihna chuan mit a hmuh theih loh a hmu thei a, hmangaihna chuan hrilh kher ngai lo a hriatna a nei a,kan lak a a thawh nat dan lah mihring hrang hrang ah in ang vek thei lo, engemaw rau chu a nei ve ngei a lawm,  sawifiah tum eng ang mah i la, sawi fiah theih leh thiam harsa tak a ni si! Hla phuahtu in, "Lei leh van a Lalthuthleng a in zawm' a tih chhan pawh hi, he hmangaina vang hi a ni..  HMANGAIHNA BUL PUI CHU ISUA A NI.. A hnen a tang a chhuak hmangaihna ang hian kal tum in zawm i la, hmangaihna dik act kan duang chuak anga, chumi mil zo lo chu, tumah in kawpui a tan kan thlang miah lo ang maw le! He thumal,"HMANGAIHNA  " awmzia hi hrilhfiah sen a ni lo a! Sawi fiah a, ziah chhuah sen a ni lo...  Hei vang hi a niang, Love is blind. An lo tih ni.! Pathian in, kei ni, sual tlengfai tur a, a fapamal neih chhun fam chang tur a, lei hrehawm a a rawn tirh chhan hi hmangaihng vang chu a ni ngei mai, mahse, engtik ah mah kan hrilhfiah chhuak zo lo ang?? A chang in hlimna min pe a, a chang in min tina bawk si,...hei ngei hi a ni.!HMANGAIHNA CHU …….

NACHANG KA HRE VE NIA....

Kei ve tehlul hi, chhe ve em em mah i la..Thlirna mit leh ngaituahna rilru neiin ka pianphung millo a piang.. Nula...(ohhh! hmeichia ti ila a fuhna laipawh a awm mahna) chhia leh tha hre hrang theia siam hi ka ni vei reuh a,!! Mahse, retheih miau chuan nupui chu thu hran, Ngaihzawng pawh hi ka suangtuah chhin ngam ngai lo????. Lengi te ho hi aww..!  An ke chhehna khawvel chawp hian ka phu lo a ni ber e. Chuti khawpa mi dawrawm leh a pawimawh ber Hmel in zir viau lo mahse eee.....,retheihna leh hmel in a EKUALTU lam pawh ngaituah nachang hre hman lo khawpa Lunglai luahtu ka tawng ve ta ni ten ka in hria a nih chu mawle.!! Theuhnghilh luih tum chu maw Pialtlepa liluh tum ang hlauh. Mahni pawh inchawm zo lo hian,a tana thil han tihsak chakna thlengin ka nei ve a.!! Ka thlah thei si lo, Bansan ka tum zawh poh leh ngaih a zual,
A tel lo hian dam zo turah pawh ka inngai lo, ka thlahlel riau, Ka buai zo vek.!! Ka buaina hi mi tan chuan ho deuh ka tan erawh muthilh ngaihna a awm lo va,Chaw ei tui ngaihna lah a awm hek lo. Ka ngaihzawng? chu a hmel a thain a ruangam a fuh em em bawk sia.. Siamsual chu a nih ka ring lo.. ani tluka duhawm hi an awm lovin ka hria. A mitmeng, A aw ri, A bân vai, A hawiher, Aa,,,, A engkim mai chu ka tan chuan "BER" a ni vek mai.!!
......
Hei erawh zep leh chuan tur a awm chuanglo a.. Zep luih tur pawh a awm kher lo a ni thei a...Enge...Pawi? a pawi lo...a pawilo.... kan sawi tlang pawp mai ange.. keini ve hi...Midang In bialnu, inbialpa te nena in KAWMPER te pawh hi a tha phian tak ang a..Ka ngaihzawng hian min hre lo.!! keive tehlul hi Khawvelah hian ka piang ve tih pawh a hre lo nia... hreptak hian aaa....Ka ngaizawng ani tih pawh a hre lo.!! Min hre lo fai vek.!! a va rapthlak em......!!!

A vawikhat nan ka blog thar.. Zirna a vanga hna tul a vanga awm zawng zawng.. Mi lungleng mite tan ka hlan e. ( Ka blog hmasa kha ka ngai viau mai... Ha222.... )

 "LAMANG KA LO LET LEH TA E!"

He hla lungkuai zet leh a leng mi te mittui luan tir fo tu hi!! Fakna hla mah ni suh se!! Fak a van phu em!!! Tun, ti ve ngial i la,kan hun tawn nen a in mil in... minaran in kan phuh chhuah theih hauh loh tur.. mawi tak leh ril tak mai a  Pu F.Rokima'n a phuah chhuak mai hi, A va thir fuh in... Hringnun in ban lek dan te! Mihring nun a in then na awm thei te leh!! Nunhlui hlutna te!! A engkim hi a kim vek ni ber hian ka hria!!!

Hlimtak leh phur tak in, khawharna te leh mal ngawih? a hringnun hmalam hun a tan a,  a in puahchahna hmun... Zo thlifim in a chhem phak loh na ram hnutiang chhawn tur in!!! A lung lawmna leh a chawr chhuah na hmun chu A pan ta .... Eng thil nge a tawn tak!!!

A beisei, Chhimlam a khawpui hu lum ve tak a ngaih leh a chen na hmun, a thian ngainat tak tak te nen a an lenna tual ngei mai, Leitlangpui chuan... a lunglen leh khawharna te hnem a hnek in, Sunna hun hmang ang zia zang  a, a lo reh thup mai te chuan... a ngaihtuah a va ti thui dawn em.....

          A Zirna chhun zawm tur a a Kal dawn khan, hetiang hian a a dawn ngai hauh lo ang!!! Mahse, khuarel thlak tur khawp in a lunglenna chuan theihna a nei si lo,' lunglen leh khawharna hma chhawn tur a a liam a tul si.. Theih nise, a cham ngei ang!.   Nakin lawk ah Hlim chibai kan in buk leh anga, lungrual tak in len lai kan chen leh dawn nia ti in a thlah liam ti in a thlah ngei ang! zira hun rei tak a hman hnu in, Thilpek a zawng a ropui ber, Fapa pek a kan awm ni, van lalfa in a hringnun bul a tan ni chhunglima lawm tumaan khua Leitlangpui chu sikni eng mawi leh thlasik par in par a chhuan hun lai, lungleng mi te lunglen ber lai a, a thlen meuh chuan, ti hian an chham chhuak leh ta.....

“Duhthu ai ang ka sam thina,Mual za kara len laiin..”

Ti in, a nunhlui te chuan dan rual loh in a thinlung ah thu a sawi ta..,chu mi ah ngei chuan a ni hei hi a hmuh ni!! Lalpiang lawm tur a, mi  phusa luai luai kar ah ngei chuan!! "hman ah te kha chuan, kei ni pawn lungrual tak in Lalpian hun lawm tur in, zan rei reng dawn lo hlim na lawmawm chu lawm in kan lo tlaivar pui ve thin a sin, mahse, tun ah zawng khang ka thiante kha khawnge an awm tak... kei hi, min dawn lo em ni!! Nge... ka tel lo a Hrang lu lawm an thlang zawk.... chu zawng a ni thei lo... a ni ngai lo ang!! Ka ngai thin che u a sin.. in dawn ve lo em ni? Mal tak a hringnun hmachhawn tur a hi...

Enteh... a then chuan, hringnun bul thar tan in.. buaipui dang leh thiante tel lo in hlimna thai leh hrai te nen Lalpiang chu an lo hmachhawn dawn ta a maw!!! Hetiang hi a lo ni, Pangpar te zawng an chuai thin a! Mahse, an vul leh mai thin....Hringnun hi zawng engtik ah mah a vul nawn ngai dawn si lo.. Hmanah chuan lenrual duhte nen, Tlaikhua pawh kan var thin a; Tunah erawh tuala leng te’n Run an rem ta hrai duh nen.. a han tih zet hnu ah zawng a hawi ruai ruai a, a thenrual kim ve ta lo thenkhat te chuan pialleithuahriat mawi in fam ta te an zalhna  lungpher phah hnuaia zal ta te, damchhung a an han in hmu ngai tawh lo tur a in liam ta tih a han hriat zet chuan, hei ti hian an chham zui a......”Tuanrel lova tual kan chaina, Awmhar run an chang zo ta; Lungduh te’n famrolung mualah, Min ngai lote¡¯n an liam si..” a tih vawng vawng te hian thian te hlutna chu chiang tak hian a pho lang a sin....

An hlim lai te, Thenrual kim a hlim tak a an zai thin lai te khan a lunglen chu kai tho in,  duthusam ram ah lut in, hringmi tan ti sa loh a ngaih, Sava a zawng a mawi leh nun mawi Vahui ah chang in A hlim lai ni tawng leh beisei in a thlazar a chak zia te chu an zep tel a!! A va han ril em..... mahse, chelh din rual loh nunhlui liam tawh tawng leh tur chuan a in ring si lo.. An hlimna ber, an rimawi neih chhun Tingtang ri te pawh chu a tan chuan a lunglen a ti tam tu a ni tawh si.....

A thiam na leh theihna zawng zawng te nen a Nunhlui auhkir a tum ngial pawh in, kir zai an rel si lo! Beiseina beidawn thlak chuan a chhang let mauh mai si!!!! A Nunhlui te chu  kir tawh ngai lo tur chu ti hian duhtak leh ngai em em chung chuan a thlah liam ta,

"NANGZAWNG NUNHLUI MUAL LIAM TA LA, DAMTAK IN AW MANGTHA LE"..........

 He hla vang hian, kei ve teh lul hi... ka kur ta a nih chu mawle!!!!....... a va ril em'"" *NANGZAWNG NUNHLUI MUAL LIAM TA LA DAM TAK IN MANGTHA* tia hnu a han khar mai hi....khar loh theih a ni mawlh si lo!!! A chang tin a a thu te hlei hlei hian... Mittui a ti parawl tuam a nih hi maw le!!!!!!!

(Zirna leh hna a vanga Zoram pawn a awm zawng zawng te tan ka hlan e)

@@@@@@@@@@@@@@@

Lamang ka lo let leh ta e, Kha chen Sammang then hnuin; Hei hi maw kan chhim khaw Zopui, Tuk loh ramngaw ang dai e. Rualduhten hraileng an awi e, Tlai khua pawh a ngui zo ta; Chulhnu nunhlui dawnkirchanging,  Rualduh ngai ka lo tap e.Duhthu ai ang ka sam thin a, Mualza kar a lenlaiin; Hei hi maw kan run in ngei kha, Chhungkim dar ang kan lenna. Tuan rel lova tual kan chaina, Awmhar run an chang zo ta; Lungduhten fam rolung mualah, Min ngai loten an liam si. Aw Van Lal pianni champhate, A lo her chhuak leh thin a; Za lengin Hranglu ang lawm e, Leng dang reng an ngai si lo. Hmanah chuan lenrual duhte nen. Tlaikhua pawh kan var thin a; Tunah erawh ruala leng ten, Run an rem an hrai duh nen. Huiva len thiamah chang ila, Hlimlaini ka tawng mahna; Perhkhuang tingtang ri mai pawh hian, Suihlung a tileng em mai. Aw khawnge maw in awm tak le, Zai vawra suihlung rualpui; Nang zawng nunhlui mual liam ta la, Dam takin aw mangtha le.