KA KHAWVEL I NIA SIN

Hming satliah lo tak a ka koh...Nu i... I kal duh ta țalh sia tiraw..!!  Hmuhtheih loh thinlung keh sawm, lungchhe mittui tla hi a sin hrukfai har chu... Kan mi rin em em ten min phatsan hian hrehawm kan ti thina. Nimin lawk a lawm tak akan hmangaihna pawm tu ten, vawin ni ah engahmah min ngai lo tih hriat hi a hrehawm takzet!  Ka thinlung chuan i sulhnu a ngaihdam sak che a, hmangaihna a vangin i nunhlui ka hriatchhuah a piangin, pawm reng tur che in ka in ti chak thin.  ka theihna zawng zawng ka pe che a, ka kut ngei hian i chenna tur in sak ka tum a sin. i hmuh lai in ka mit a ta mittui a tlak loh a vang hian  ka tuarlo  ani lo.  ka chhungril ah hian tap thei lovin ka rum a sin.

 Hlim hmel ka hmuh chak a vang hian engmah diklo a awmlo anga i ngai a nih chuan, i tisual tihna a ni ang. second tin mai hian ka thatlohna chu i hmuh i tum a, ka hmangaihche tih hrereng chung che a, ka lak a ta pawtpeng tu che chu, thei ila thina kotlang ah ka nawr liam tur. Mahse, hmangaihna dan in a phal mawlh si lo,  khuanu ruat ang in i parmawina a la chuai ve ngei a nga, chutih hun ah chuan hmangaihtu i la mamawh ang. kei hi min la rawn hrechhuak anga min la rawn ngai ve ang. 

chutih hun ah chuan kalsan che a ni lova,  nangmn min nem sawn tih hi ngaihtuah chhuak tel ang che.  Nu i, i parmawina tlan duh a siar eng tam tak an awm lai hian,  a kil a ngawirenga ding chhawrthlapui i hmuhhmaih palh a, Ruah a lo sura khua a lo chhiat hun ah pawh i tan chuan a eng reng tawh a nga, 

Mahse, a hnaih ngam tawh dawn si lo che a, ka nun ka siamthar leh dawn a, ka lo be tawh lo che nih chuan....A kalsan tawh e... ti in, hlim tak in i awm dawn nia..... Engpawh tawk in harsatna  i nei a nih chuan ka nun ka la nei a....Ka lungphu a phut chhung chuan.... Ka lo awm reng ang.... Ka hmangaih lutuk che a sin...🤤

THUSAWI ROPUI TE

Thufing ropui

I fa avanga i ṭah hun a thlen hma ngeiin naupang chu vel mai rawh – Arab Thufing.

Engmah beisei lo chu a nihlawh e, a hrilhai dawn si lova – Alexander Pope.

A thil ṭha lo hnehtu chu mi chak a ni – Benjamin Franklin.

Dam chhung nun hi kum tam taka belchhah ai chuan damchhung hun hi ṭangkai taka hman a pawi mawh zawk- Alexis Carrel.

Khawvelah hian mi a hlim dawn chuan khawvel a hawisana ngai– Anatok France.

Keimah ang mi keimah min tibuai nasatu ka la tawng ngai lo– Dl. Moody.

Ṭhatderna hi hmuh theih loh sual nung reng chu ani – John Milton.

I thinlungin dik nia i hriat chu ti ngei ang che, sawiselna i tawk dawn tih hre bawk ang che – Eleanor Roosevelt.

Dikna tak vuana Pathian duh zawng leh a tha chauh en a rawng i bawl a, thudik i sawi chuan an lawm mai hauh lovang che, thlarau mi a inngaite leh i thawhpuite hlei hlei in an relin an ep ru ang che, mahse thutak chuan a hneh ang – E.E. Marth.

Dikna hlen a lawmman hmuh loh hi, dik lo taka hremna pumpelh aiin ka duh zawk – Murcus Cato.

Thildik tih vanga hmuhsit hi, thildik lo tih vanga fak hlawh aiin a ṭha zawk- Roy B.Zuck.

Khawtlanga sualna hi, chhungkuaah zung a kaih dan chhui lova siamṭhat kan tum chhuan ka hlawhchham ang– Dr. Keneth Chafin.

Kristiante hian fiahna te, harsatna te kan tawhin ka kross put tur a ni e, kan ti leh ngawt ṭhina hei hi kross put awmzia ani lo. Kan nunhlui nitina hnawla mahni thih zela, krista tana nun tur ani zawk-A.Murray.

Mi chu a awmna hmuna kristian anih theihloh chuan, khawi hmunah mah ani thei chuang lovang– Hanry Ward Beecher.

Kristian philosophy chu, mahni inphat, mahni inthunun, mahni inkhuahkhirh ani a, setana philosophy chu, i duh angin nung rawh, i duh nei rawh, mi thuin awm suh, i nun ania i thu thu tih ani -Bob Jones.

Millionaire te hi kan nui khat pharh mai a ni– Andrew Carnegie.

Nitin hi ni hmang hnuhnung ber tur angin nung rawh u– Drummond.

Ni 3 hnuah sangha leh mikhual hi an rimchhe ṭan– Danish thufing.

Thil mawi hi a ṭha a, mi ṭha chu a mawi thuai ṭhin– Sappho.

Mathematics thiam ber te chu, nitina malsawmna an dawnte chhiar thiamte hi an ni – David Phelps.

KA ROSE PAR

Par tlai deuh mahse  Rose chu rose a ni reng tho va, A par mal te chu ṭilin, a hnah thenkhatte pawh chu leiah tlain ro riprep mah se, rose hnah an nihna a bo hek lo. Miin, Rose ti a koh lovin , hming dang daih vuah mah se, a rimtuina a nep phah lova, a nihna chu midang endanah a danglam hek lo. Hnim hlingnei leh luikam buar chhe zingah emaw, mi hausa in chhung leh kutdawh huanpalah pawh par se , a nihna a danglam chuang lova, Rose a ni a, rose a ni reng bawk ang.
Duhtak, Nang pawh hi ka tan chuan Rose i ni a, nangmah i nih chhung chuan ka tan hian i mawi reng ang. kei hi keimah ka ni reng dawn si a!

KA VA LAINAT EM AW...

Țap chung in... Maxi Cap a chuang tur chuan a nu in a rawn țhut pui a...!! Naupangte mai in khati tak a, an in a haw a hreh leh a pu a ngaina em em khan... A pa in ah a hlim lo țhin viau em ni ang le!?... Nge a pa khan an ni nufa ai a ngaihtuah dang a nei zawk!?

kha ka thil hmuh leh tawn khan min hneh in min khawih ril veng veng teh e.... Mihring hian kan hlutna hmun a piang kan ngaina in kan thlahlel em em țhin si a...

Kei ve teh thlawt hi chuan, ka tan a hlutna puan min silh a, engtik lai pawh a min hmangaih reng tu hi hre lo in, ngaih a hnekin a thu ni lo a khawsak ka thlang fo a.

Harsatna in min vuaklet hma chu hlim ni in ka ngai fo... chu vang chuan ka hlat leh fo mai ni lo in..... ka thinlung ah hian hmun a chang lo leh fo thin a sin.... eng tiang tak in nge Krista thinlung hi ka hliam ang le...!?

A ROPUI LO

Chungkaw hlimna thlen tur a țap chung a piang hian,
Hlimna puan in ai in lungngaihna puan in chu a zar sak fo a,
Zirtir ngai mihring hian;
Zirtur dang a zawn belh fo a,
Kaih ngai mihring hian,a kaitu chu beidawn ruam ah kai lut thin;
Mahni a kal thei lo hian, mahni a kal in a chesual leh nge nge thin.

Chawbarh ngai mihring hian, mualphona chaw rum a barh let fo a.
Duat nih duh mihring hian Duatna hmanga luhlulna chu a ta neih hmiah a,
Țawng zirtir a nih hnu in, a țawngkam chuan sawi thiam rual loh rilru natna a au chhuah pui a lawi a,
Chakna mamawh mihring hian a chakna tur a an pek eițha te ai chuan,
Hai deuh bur chunga ei leh in chu Chakna pai tam zawk a a ngaih chang lah a tam.

Nunna pek a nih a vang a, ape tu hnen a lawmthusawi a chawimawina hlan a biakbuk pan tur mihring hian,
Biakbuk pel a lawmthu sawi a tum fo a!
Hmangaih leh duat taka enkawl mihring hian
Hmangaihna petu chu țahna in a chhang let si țhin.

Beiseina sang tak nei chung an thlir mihring khan,
An beiseina chu a thamral tir a maw!!
A ROPUI LO KHER A SIN

IHH.... SINGLE MAWLH HI

SINGLE HI
Khaaa...tiang zawng khan ka sawi dawn lova,
Heee...tiang zawng lah in ka sawi dawn hek lo.
Ka sawi dan tur chu hei mai te hi a ni;
Single hi, "Ngaih loh habal chhem," ang deuh a ni, nuam ve deuh reuh hrehawm deuh reuh.
.
Ni! Dip leh daltu kan nei lova, mitmei ven tur lah kan nei hek lo. Sawi a, seltu tur lah kan nei lova, kan duhthalin nun a zalen a, duhlengin nun khua kan chhaih thei ṭhin.
Mahse, rualduh kawplai sakhmel tawn changin, nun aruakin kan mal a ni tih kan hrethar leh ṭhin lawi si!
.
Kawppui tur hi riahbuk thing fawma fawm nawk nawk chi a ni lo va, in pem buh bel nawk nawk mai lah a fuh na hek lo.
Ni! Mi tana ṭha hi kan tan an tha kher lo va, kan tana ṭha lah mi tan an ṭha kher hek lo!
.
Thlanghar tui luan ang maia sakhmeltha eng pheu mai hian mit an la a ni thei e, mahse nat leh hliam, thik leh ṭitoh reng reng a hringnun kan chhiar leh si chuan, hremhmun pate a ni ringawt dawn si!
.
Ni e, Kawppui tur hi tumbu thuk thawlh ang thial mai pawh nise, thinlung a inmila kan tleipui a, min hlimpui theih phawt chuan an aia hlu an awm chuang lo ve.
.
Chuan ka sawitum chu,
Single hi Ngaih loh habal chhem ang deuh, nuam ve deuh reuh hrehawm deuh reuh... 😁😏

Tuma TYPE lo mihring; hmel leh thiamna lama hmachhuan tur nei lo.. Vengkhat ah pawh veng kil khawr a cheng hian mihring nun hi chang chuan mak a ti thin!!!

Hmangaihte tluka min tihlim thei thildang enge awm chuang ang le...!!

Lungkham dang zawng zawng theihnghilh a, hmangaihte lungphu han inchhawntawn det det thin te, hmeichhia a hmangaih tanga lungchim taka a'n thaw ri sek sek mai thin te, Tuahremtu khuanu duan dan a, hmeichhe-kulh kawngka ril ber hawng a, Mipa, hmeichhe tanga an chawl zawi hnak mai thinte🙈 aia hringnun hlimna thlenthei thildang enge awm chuang ang le...?

Hmangaihte avang chuan kan hmuhtheih chin khawvel hi kan pal ve pawp pawp ngam a..Dawihzep hle mah ila... an bulah chuan Keipui rawl chhuah ngam khawp in kan huaisen fo a ni lawm ni.. kan neih hlu ber nunna ngei pawh hlan kan in huam thin a nia... a chhan engdang nge ni chuang ang!!!?

kan hmangaihna hi Buklung a kan hman a vang in  mahni ngei pawh kan in buk tling zo ta thin lo alo nih teh hrep hi aaa.!.
😘🙈

Ani chu ka hmangaiha, mahse chu chuan ka ta anih tir thei chuang silo..ka ngaiin ka thlahlel a..chu chuan ka kiangah a awm tir thei chuang silo..duhthusamte chu ka thian ani a. beiseina chu ka chhungkua ani a..a tello in tlei zo mah ila..A tello va ka awm angai tho si a..

Duhtak, kan hringnun thawnthu hi eng ang chiaha rei nge hun kan neih dawn ka hrelo va, eng ang chiahin nge a tawp kan khar dawn tih lah ka hre hek lo!

Eng ang chiaha buaina chhum dumin nge rawn chim dawn ka hrelo va, eng ang chiah a hlimna zarhliap hlim hnuaiah nge Ni kan chhiar ṭhin dawn tih lah ka hre hek lo.

Eng ang chiaha harsatna thlipuiin nge rawn nuai dawn ka hrelo va, eng ang chiaha hlimna chunga lungngaihna inchherchhuan nge kan tawngbuak dawn tih lah ka hre hek lo.

I tiamthute kha vandumpawl thiangkuk karahte khian, hnawl hnu leh hnutchhiah hnu ang maiin an thamral vel mai mai dawn em tih lah ka hre hek lo.

Ni! Ka hrelo takzet.
Mahse, ka hriat chhun chu hei chauh hi a ni, 'ka ngai che' tih hi.

.
Hmangaihna tuipui hi avan mak ngai em, a chimpil nasat a piang an damrei ṭhin si a.

WHY!??

Why did we're fall apart,
And for a thousand years to say that i miss you,
And i pray to God everynight,
And i asked both you and i could be forever..

Everynight i pray for you,
Everyday i think of you,
Everynight ive dreamt of you,
But you left me all alone,

After all im sorry for the pillow for a lot of tears,
And for the brain for uploading a million thoughts,
And the last time i sorry for my heart,
Which ive made it break,,,
And would it make difference if you know that i still cares you??

Tears fall from these eyes
You make me so broken
And you left me all alone.

LABYRYNTH